நவீனன்

மூளை வறுவல் தேவையானவை: ஆட்டு மூளை - ஒன்று உளுத்தம்பருப்பு - 1 டீஸ்பூன் சின்ன வெங்காயம் - 100 கிராம் கறிவேப்பிலை - சிறிதளவு உப்பு - தேவையான அளவு மிளகுத்தூள் - 1 டேபிள்ஸ்பூன் (காரத்துக்கு ஏற்ப) எண்ணெய் - சிறிதளவு செய்முறை: மூளையைச் சுத்தம் செய்து எடுத்துக் கொள்ளவும். அடுப்பில் வாணலியை வைத்து எண்ணெய் ஊற்றி உளுத்தம்பருப்பு சேர்த்துத் தாளித்ததும் பொடியாக நறுக்கிய சின்ன வெங்காயம், கறிவேப்பிலை சேர்த்து நிறம் மாற வதக்கவும். இத்துடன் சுத்தம் செய்து வைத்துள்ள மூளையை முழுதாக சேர்த்து மிளகுத்தூள், உப்பு சேர்த்து மிதமான தீயில் வதக்கவும். மூளை வெந்து முட்டைப் பொரியல் போல வருகின்ற போது கரண்டியால் உடைத்து விடவும். சிறிது நேரம் மூடிப்போட்டு வேக வைத்து பிறகு அடுப்பை அணைத்துப் பரிமாறவும்.

வெள்ளரி சாதம் தேவையானவை: பச்சரிசி - 1 கப் வெள்ளரித் துருவல் - அரை கப் பச்சை மிளகாய் - 4 இஞ்சி - சிறிய துண்டு எலுமிச்சைச் சாறு - 1 டேபிள்ஸ்பூன் மஞ்சள்தூள் - 1 சிட்டிகை பெருங்காயத்தூள் - அரை டீஸ்பூன் உப்பு, கறிவேப்பிலை - தேவையான அளவு தாளிக்க: கடுகு, உ.பருப்பு- தலா அரை டீஸ்பூன் நெய் - 1 டேபிள்ஸ்பூன் செய்முறை: அரிசியை உப்பு சேர்த்து உதிராக வடித்துக் கொள்ளுங்கள். பச்சை மிளகாய், இஞ்சியை பொடியாக நறுக்குங்கள். நெய்யைக் காய வைத்து தாளிக்க வேண்டியதை சேர்த்து தாளித்து இஞ்சி, பச்சை மிளகாய், கறிவேப்பிலை, பெருங்காயம், மஞ்சள்தூள், வெள்ளாரி துருவலையும் உப்பையும் சேர்த்து 5 நிமிடம் வதக்கி இறக்குங்கள்.இந்த கலவையுடன் சாதம் எலுமிச்சைச் சாறு சேர்த்து கிளறி பரிமாறுங்கள். .கறிவேப்பிலை அடை : தேவையானவை : பச்சரிசி - 5 டேபிள்ஸ்பூன் துவரம்பருப்பு - 5 டேபிள்ஸ்பூன் பாசிப்பருப்பு - 5 டேபிள்ஸ்பூன் கடலைப்பருப்பு - 5 டேபிள்ஸ்பூன் உளுந்து - 3 டேபிஸ்பூன் காய்ந்த மிளகாய் - 4 கறிவேப்பிலை - ஒரு கைப்பிடியளவு பொடியாக நறுக்கிய சின்ன வெங்காயம் - 10 பொடியாக நறுக்கிய பூண்டு - 10 பல் உப்பு - தேவையான அளவு செய்முறை : பச்சரிசி,துவரம் பருப்பு,கடலைப்பருப்பு,உளுந்தை அரை மணிநேரம் ஊறவைத்து கறிவேப்பிலை ,காய்ந்த மிளகாய் சேர்த்து அரை மணிநேரம் ஊறவைத்துஅடை மாவு பதத்திற்கு அரைத்துக்கொள்ளவும்.வெங்காயம்,உப்பு,பூண்டினை இந்த மாவுடன் கலந்து கொள்ளவும்..அடுப்பில் தோசைக்கல்லை வைத்து சூடானதும் அடைகளாக வார்த்து எடுத்துப்பரிமாறவும்.

வாழைப்பூ வடை தேவையானவை: வடைக்கு அரைக்க கடலைப்பருப்பு - 1 கப் சோம்பு - 1 டீஸ்பூன் பூண்டு - 10 பல் காய்ந்த மிளகாய் - 3 பொடியாக நறுக்கிய கறிவேப்பிலை - 2 டேபிள்ஸ்பூன் மாவில் கலக்க வாழைப்பூ - 1 கப் பெரிய வெங்காயம் - கால் கப் கறிவேப்பிலை, புதினா- தலா 1 டீஸ்பூன் மல்லித்தழை, உப்பு - தேவையான அளவு பெருங்காயத்தூள் - கால் டீஸ்பூன் எண்ணெய் - பொரிக்கத் தேவையான அளவு செய்முறை: வடைக்கு அரைக்க கொடுத்துள்ள பொருட்களை இரண்டு மணி நேரம் ஊற வைத்து கொரகொரப்பாக அரைத்து வைக்கவும். வாழைப்பூவை நரம்பு நீக்கிவிட்டு பொடியாக நறுக்கவும். வெங்காயம், புதினா, கறிவேப்பிலை மல்லித்தழையை பொடியாக நறுக்கவும். இனி அரைத்த வடை மாவுடன் இவற்றைச் சேர்த்து கலந்து பிசையவும். மாவை சிறு சிறு உருண்டையாக்கி உள்ளங்கையில் வைத்து வட்டமாக தட்டவும். பிறகு எண்ணெயில் பொரித்தெடுக்கவும்.

கறிவேப்பிலை தோசை : தேவையானவை: தோசை மாவு - கால் கிலோ கறிவேப்பிலை - ஒரு கைப்பிடியளவு பொடியாக நறுக்கிய பச்சைமிளகாய் - 1 சீரகம் - கால் டீஸ்பூன் ஜவ்வரிசி - 100 கிராம். உப்பு - தேவையான அளவு செய்முறை : ஜவ்வரிசியை அரை மணிநேரன் ஊறவைத்து சீரகம்,பச்சை மிளகாய்,கறிவேப்பிலை,,உப்பு சேத்து மிஸ்ஸியில் மையாக அரைக்கவும்.இதனை தோசை மாவுடன் கலந்து தோசைகளாகவார்த்து எடுத்துப்பரிமாறவும். கீரை பாத் தேவையானவை: அரிசி - 1 கப் முளைகட்டிய பாசிப்பயறு - அரை கப் சின்ன வெங்காயம் - 3 சிறுகீரை அல்லது முளைக்கீரை - 3 கப் பொடியாக நறுக்கியது பூண்டு - 4 பற்கள் பச்சைமிளகாய் - 2 சீரகம் - 1 டீஸ்பூன் மஞ்சள்தூள் - கால் டீஸ்பூன் உப்பு - தே.அளவு நெய் - 2 டேபிள்ஸ்பூன் தாளிக்க: எண்ணெய் - 2 டீஸ்பூன் கடுகு - 1 டீஸ்பூன் காய்ந்த மிளகாய் - 2 செய்முறை: அரிசியையும் பாசிப்பயறையும் ஒன்றாக கலந்து மஞ்சள்தூள், நெய், உப்பு சேர்த்து 4 டம்ளர் தண்ணீர் சேர்த்து வேகவிடவும். வேறு ஒரு பாத்திரத்தில் கீரையுடன் பூண்டு பச்சை மிளகாய், சின்ன வெங்காயம், சீரகம் சேர்த்து அரை கப் தண்ணீர் சேர்த்து குக்கரில் வைத்து வெந்ததும் இறக்கவும்.கீரையை மசித்து சாதத்துடன் கலந்து வைக்கவும். தாளிக்க கொடுத்த பொருட்களை தாளித்து சாதத்துடன் சேர்த்துப் பரிமாறவும்.

பசலை கட்லெட் தேவையானவை: கடலை மாவு - ஒரு கப் பொடித்த வேர்க்கடலை - ஒரு டேபிள்ஸ்பூன் கழுவி பொடியாக நறுக்கிய பசலைக்கீரை - ஒரு கப் பொடியாக நறுக்கிய கொத்தமல்லித்தழை - கால் கப் பொடியாக நறுக்கிய வெங்காயம் - கால் கப் எண்ணெய் - தேவையான அளவு உப்பு - தேவையான அளவு அரைத்துக் கொள்ள: பச்சைமிளகாய் - 2 பூண்டு - 4 பல் இஞ்சி - ஒரு துண்டு சீரகம் - அரை டீஸ்பூன் பட்டை - ஒரு துண்டு லவங்கம் - 2 துண்டு செய்முறை: அரைக்கக் கொடுத்தவற்றை விழுதாக அரைத்துக் கொள்ளவும். கடலை மாவு, பொடித்த வேர்க்கடலையுடன் உப்பு சேர்த்து இட்லி மாவு பதத்துக்குக் கரைத்துக் கொள்ளவும். வாணலியை அடுப்பில் வைத்து 2 டேபிள்ஸ்பூன் எண்ணெய் விட்டு காய்ந்ததும் வெங்காயம் சேர்த்து நிறம் மாற வதக்கவும். இத்துடன் அரைத்த விழுதைச் சேர்த்து வதக்கி, பசலைக்கீரை மற்றும் கொத்தமல்லித்தழையைச் சேர்த்து சிறிது உப்பு போட்டு வதக்கவும். இதில் கரைத்த கடலைமாவு கலவையை ஊற்றிக் கிளறவும். கலவை திரண்டு வரும் வரை கிளறி அடுப்பை அணைக்கவும். ஒரு தட்டில் எண்ணெய் தடவி கிளறிய கலவையை தட்டில் கொட்டி சமன்படுத்தவும். ஆறியதும் ஃபிரிட்ஜில் 10 நிமிடங்கள் வைத்தெடுக்கவும். பிறகு, துண்டுகளாக்கி எண்ணெயில் பொரித்தெடுத்துப் பரிமாறவும். புரோட்டின், கால்சியம் சத்துக்கள் நிறைந்த இந்த கட்லெட் குழந்தைகளின் பசி நேரத்துக்கு மிகுந்த சத்தான உணவு! கிரிஸ்ப்பி வெண்டைக்காய் ஃப்ரை தேவையானவை: வெண்டைக்காய் - கால் கிலோ கடலை மாவு - 2 டேபிள்ஸ்பூன் சோள மாவு - 1 டேபிள்ஸ்பூன் அரிசி மாவு - 1 டேபிள்ஸ்பூன் மிளகாய்த்தூள் - 1 டீஸ்பூன் கரம்மசாலாத்தூள் - அரை டீஸ்பூன் எலுமிச்சைச் சாறு - 2 டீஸ்பூன் எண்ணெய் - பொரிக்கத் தேவையான அளவு சாட் மசாலாத்தூள் - அரை டீஸ்பூன் செய்முறை: வெண்டைக்காயை காம்பு நீக்கி மெல்லியத் துண்டுகளாக நறுக்கி தட்டி பரப்பிக் கொள்ளவும். எண்ணெய், சாட் மசாலாத்தூள் நீங்கலாக அனைத்தையும் சிறிதளவு தண்ணீர் தெளித்து பிசைந்து கொள்ளவும். எண்ணெயைக் காய வைத்து வெண்டைக்காய்களை பொரித்தெடுக்கவும். பொரித்த துண்டுகளுடன் சாட் மசாலாத்தூள் சேர்த்து சூடாகப் பரிமாறலாம். இந்த வெண்டைக்காய் கிரிஸ்பியாக இருப்பதால் குழந்தைகள் விரும்பி சாப்பிடுவார்கள். மூளை வளர்ச்சிக்கு நல்லது.

பச்சைப் பட்டாணி உருளை சாலட் தேவையானவை: உருளைக்கிழங்கு - 1, பச்சைப் பட்டாணி - கால் கப், கொத்தமல்லித் தழை - சிறிதளவு, உப்பு - தேவையான அளவு. செய்முறை: உருளைக் கிழங்கை தோல் நீக்காமல் வேக வைக்கவும். கிழங்கு வெந்ததும் தோல் நீக்கி, சிறுசிறு துண்டுகளாக நறுக்கி, மசித்துக்கொள்ளவும். பச்சைப் பட்டாணியை கொதிக்கும் தண்ணீரில் இரண்டு நிமிடங்கள் போட்டு எடுத்துவிடவும். உருளைக் கிழங்கு, பட்டாணி இரண்டையும் கலந்து, உப்பு, கொத்தமல்லித் தழையைப் போட்டு, கிளறிப் பரிமாறவும். தேவைப்பட்டால், எலுமிச்சைச் சாற்றைச் சேர்க்கலாம். பலன்கள்: வேகவைத்த உருளைக் கிழங்கில் பி காம்ப்ளெக்ஸ் வைட்டமின்கள் மற்றும் கார்போஹைட்ரேட் நிறைவாக உள்ளன. புரதச்சதத்து குறைந்த அளவில் உள்ளது. இதனால், உடல் செல்களுக்குத் தேவையான ஆற்றல் கிடைக்கும். இதில் உள்ள பொட்டாசியம், மக்னீசியம், பாஸ்பரஸ் உள்ளிட்ட தாது உப்புக்கள் எலும்பு உறுதியாகவும், தசை மற்றும் நரம்பு செல்கள் துடிப்புடன் செயல்படவும் உதவும். பச்சைப் பட்டாணியில் வயிறு, இரைப்பை தொடர்பான புற்றுநோயை எதிர்க்கும் ஊட்டச்சத்து உள்ளது. இதில் உள்ள கெரோட்டினாய்ட்ஸ், பாலிபீனால்ஸ் போன்ற ஊட்டச்சத்துக்கள், முதுமையைத் தாமதப்படுத்தும்; வலிமையான நோய் எதிர்ப்பு மண்டலத்தை உருவாக்கும். வேர்க்கடலை சாலட் தேவையானவை: தோல் நீக்கிய வேர்க்கடலை - அரை கப், பச்சை மிளகாய் - 2, பெரிய வெங்காயம், தக்காளி - தலா 1, கொத்தமல்லித் தழை - சிறிதளவு, எலுமிச்சைச் சாறு - இரண்டு டீஸ்பூன், உப்பு - தேவையான அளவு. செய்முறை: வேர்க்கடலையை வெறும் கடாயில் வறுத்துக் கொள்ளவும். பச்சை மிளகாய், வெங்காயம், தக்காளியைப் பொடியாக நறுக்கிக்கொள்ளவும். வறுத்த வேர்க்கடலையுடன், நறுக்கிய காய்கறிக் கலவை, எலுமிச்சைச் சாறு, உப்பு சேர்த்துக் கலக்கவும். மேலாக கொத்தமல்லித் தழையைத் தூவினால், வேர்க்கடலை சாலட் ரெடி. வறுத்த வேர்க்கடலை என்பதால், மொறுமொறுப்பாக இருக்கும். பலன்கள்: இதில் கலோரி அதிகமாக உள்ளது. 100 கிராம் வேர்க்கடலையில் 567 கலோரிகள் உள்ளன. இதில் உள்ள மோனோ அன்சாச்சுரேட்டட் கொழுப்பு அமிலம், உடலில் உள்ள கெட்ட கொழுப்பைக் குறைக்க உதவுகிறது. இதில் வைட்டமின் இ, தாமிரம், மாங்கனீசு, பொட்டாசியம், கால்சியம், இரும்புச்சத்துக்கள் நிறைவாக உள்ளன. கல்லீரல் பிரச்னை உள்ளவர்களுக்கு இது மிகவும் நல்லது.

கருவாட்டுக் குழம்பு தேவையானவை: கருவாடு - 200 கிராம் புளிக்கரைசல் - 200 மில்லி மிளகாய்த்தூள் - 2 டேபிள்ஸ்பூன் மல்லித்தூள் - 2 டேபிள்ஸ்பூன் மஞ்சள்தூள் - கால் டீஸ்பூன் நல்லெண்ணெய் - 50 மில்லி கடுகு - கால் டீஸ்பூன் சீரகம் - அரை டீஸ்பூன் பெருங்காயத்தூள் - 1 டீஸ்பூன் கறிவேப்பிலை - சிறிது சின்ன வெங்காயம் - 10 தக்காளி - 2 பொடியாக நறுக்கவும் பூண்டு - 10 முழுதாக போடவும் தேங்காய் - அரை மூடி (துருவிக் கொள்ளவும்) உப்பு - தேவையான அளவு வெந்தயம் - அரை டீஸ்பூன் கொத்தமல்லித்தழை - சிறிதளவு செய்முறை: சுடுதண்ணீரில் கருவாடை சுத்தம் செய்து சிறிதளவு எண்ணெயில் லேசாக வதக்கிக் கொள்ளவும். ஒரு பாத்திரத்தில் புளிக்கரைசல், மிளகாய்த்தூள், மல்லித்தூள், மஞ்சள்தூள், உப்பு, 300 மில்லி தண்ணீர் சேர்த்து கலக்கிக் கொள்ளவும். அடுப்பில் வாணலியை வைத்து எண்ணெய் ஊற்றி கடுகு, வெந்தயம், பெருங்காயம், சீரகம், கறிவேப்பிலை போட்டுத் தாளித்து வெங்காயம், பூண்டு, மல்லித்தழை, சேர்த்து வதக்கி தக்காளி சேர்த்து நன்கு வதக்கவும். இதில் புளிக்கரைசல் சேர்த்து 5 நிமிடம் கொதிக்கவிட்டு கருவாட்டைச் சேர்த்து மிதமான சூட்டில் 10 நிமிடம் வேகவிட்டு இறுதியாக தேங்காய்ப்பால் சேர்த்து ஒரு கொதி வந்தவுடன் இறக்கவும்.

கத்திரிக்காய் பெப்பர் அண்ட் சால்ட் : தேவையானவை: கத்திரிக்காய் -5 பொடியாக நறுக்கிய பூண்டு- 1டேபிள் ஸ்பூன் பொடியாக நறுக்கிய இஞ்சி - 1டேபிள் ஸ்பூன் கார்ன் பிளார் மாவு -2 டீ ஸ்பூன் மைதா மாவு -2 டீ ஸ்பூன் பொடியாக நறுக்கிய வெங்காயம் -1 பொடியாக நறுக்கிய பச்சை மிளகாய் -2 மிளகு தூள்-2 டீ ஸ்பூன் ஸ்பிரிங் ஆனியன் -1 செய்முறை : கத்திரிக்காயை விரும்பும் வ‌டிவில் வெட்டி வைத்து கொள்ளவும்,ஓரு பாத்திரத்தில் மைதா மாவு , கார்ன் ஃபிளவர் மாவு ஆகியவற்றை சிறிது தண்ணீர் சேர்த்து கொஞ்சம் கெட்டியாக பிசைந்துகொள்ளவும். பிசைந்த மாவில் வெட்டிவைத்துள்ள கத்திரிக்காயைப்போட்டு சிறிது நேரம் ஊற வைத்து, பக்கோடா போன்று எண்ணெயில்பொறித்து எடுக்கவும். அடுப்பில் கடாயைவைத்து எண்ணெய் ஊற்றிக்காய்ந்ததும், பொடியாக நறுக்கிய இஞ்சி, பூண்டு, பச்சைமிளகாய், வெங்காயம் ஆகியவற்றை பச்சை வாசனைப்போகும்வரை வதக்கி, ஏற்கெனவே எண்ணெயில் பொறித்தெடுத்த கத்திரிக்காயை அதனுடன் கலந்து, உப்பு மற்றும் மிளகுத்தூள் சேர்த்து வதக்கி, ஸ்பிரிங் ஆனியன் கொண்டு அழகுபடுத்திப்பரிமாறவும்.

உருளைகிழங்கு சீரக மசாலா தேவையானவை: பொடியாக நறுக்கிய இஞ்சி - 1 டீஸ்பூன் சீரகம் - அரை டீஸ்பூன் வேக வைத்த உருளைக்கிழங்கு - 150 கிராம் சீரகத்தூள் - அரை டீஸ்பூன் ஆம்சூர் பவுடர் - அரை டீஸ்பூன் மல்லித்தூள் - கால் டீஸ்பூன் மிளகாய்த்தூள் - அரை டீஸ்பூன் கொத்தமல்லித்தழை - சிறிது உப்பு, எண்ணெய் - தேவையான அளவு செய்முறை: அடுப்பில் வாணலியை வைத்து காய்ந்ததும் வெண்ணெய் ஊற்றி உருகவிட்டு சீரகம் இஞ்சி சேர்த்து பச்சை வாசனை போகும் வரை வதக்கவும். இத்துடன் வேகவைத்து நறுக்கிய உருளைக்கிழங்கு சேர்த்து வதக்கவும். தேவையானவற்றில் மீதம் உள்ள அனைத்தையும் ஒன்றன் பின் ஒன்றாக சேர்த்து பச்சை வாசனை போக வதக்கி பரிமாறவும்.

கோழியாப்பம் தேவையானவை: மைதா மாவு - அரை கிலோ தேங்காய் - 1 முட்டை - 1 நெய் - 3 டீஸ்பூன் மஞ்சள்தூள் - 1 சிட்டிகை உப்பு - 1 சிட்டிகை செய்முறை: தேங்காயைத் துருவி ஒன்று அல்லது 2 டம்ளர் பால் எடுத்து வைத்துக் கொள்ளவும். மைதா மாவில் பாலை சிறிது சிறிதாக ஊற்றி கட்டியில்லாமல் தோசை மாவு பதத்துக்கு கரைத்துக் கொள்ளவும். முட்டையை உடைத்து ஊற்றி நெய் உப்பு மஞ்சள்தூள் சேர்த்து கலந்து கொள்ளவும். ஒரு கரண்டி மாவெடுத்து தோசைக்கல்லில் ஊற்றி லேசாக ஒரு சுழற்று சுழற்றி விடவும். மூடி போட்டு வேக வைத்து வெந்ததும் இறக்கவும். இதற்கு தொட்டுக்கொள்ள சிக்கன் கறி ஆனம் நன்றாக இருக்கும்.

எள்ளு லட்டு: தேவையானவை: எள் - 250 கிராம் பாகு வெல்லம் - 500 கிராம் ஏலக்காய் -10 செய்முறை: எள்ளை நன்றாக உரலில் இடித்துக் கொள்ளவும்.வெல்லத்தை தண்ணீர் சேர்த்து கம்பி பதத்தில் பாகாகக் காய்ச்சி ,இடித்து எள் ,ஏலக்காய்த்தூள் சேர்த்து உருண்டை பிடித்தால் .எள்ளு லட்டு தயார்.

சுறாமீன் வறை தேவையானவை: சுறாமீன் - அரை கிலோ சின்ன வெங்காயம் - 20 பூண்டு - 10 மஞ்சள்தூள் - சிறிதளவு தேங்காய்த்துருவல் - 2 டேபிள்ஸ்பூன் கறிவேப்பிலை - சிறிதளவு எண்ணெய் - 3 டேபிள்ஸ்பூன் உளுத்தம்பருப்பு - ஒரு டீஸ்பூன் பச்சைமிளகாய் - 2 உப்பு - தேவையான அளவு செய்முறை: சுறாமீன் துண்டுகளை நன்கு சுத்தம் செய்து ஒரு பாத்திரத்தில் தண்ணீர் ஊற்றி, மீன் துண்டுகளைச் சேர்த்து சிறிதளவு உப்பு, மஞ்சள்தூள் சேர்த்து வேக விடவும். வெந்தபின் மீன் துண்டுகளை தனியே எடுத்து மீன் முள்ளினை நீக்கி விட்டு அதன் தசைப் பகுதியை உதிர்த்து தனியாக வைக்கவும். அடுப்பில் வாணலியை வைத்து எண்ணெய் ஊற்றி உளுத்தம்பருப்பு, பொடியாக நறுக்கிய வெங்காயம், பூண்டு (தட்டியது) பச்சைமிளகாய், கறிவேப்பிலை, மஞ்சள்தூள், தேங்காய்த்துருவல் மற்றும் உப்பு சேர்த்து ஒன்றன் பின் ஒன்றாக வதக்கவும். இத்துடன் உதிர்த்து வைத்துள்ள மீனைச் சேர்த்து இரண்டு முதல் மூன்று நிமிடம் வரை நன்கு கிளறிப் பரிமாறவும்.

பன்னீர் பாயாசம் தேவையானவை: பன்னீர் - 100 கிராம் பால் - 500 மில்லி லிட்டர் சர்க்கரை - தேவையான அளவு ஏலக்காய் - 8 (பொடித்தது) முந்திரி - இரண்டு டேபிள்ஸ்பூன் திராட்சை - இரண்டு டேபிள்ஸ்பூன் நெய் - இரண்டு டேபிள்ஸ்பூன் பேரிச்சம்பழம் - 30 கிராம் பிஸ்தா - 2 பாதாம் பருப்பு - 3 செய்முறை: பன்னீர், பேரிச்சம்பழத்தை பொடியாக நறுக்கிக் கொள்ளவும். வாணலியில் நெய் சேர்த்து, முந்திரி, திராட்சையை அதில் சேர்த்து பொன் நிறமாக வறுத்துக் கொள்ளவும். ஒரு பாத்திரத்தில் பாலை ஊற்றி நன்றாக காய்ச்சி, அதில் நறுக்கிய பன்னீர், பேரிச்சம்பழம், ஏலக்காய் சேர்த்து மிதமான சூட்டில் காய்ச்சவும். பிறகு அதில் வறுத்த முந்திரி, திராட்சையை சேர்த்து சிறிது நேரம் கிளறிவிட்டு இறக்கவும். சூடான பாயாசத்தில் பாதாம் பருப்பு, பிஸ்தாவை பொடியாக நறுக்கி அதனை தூவிவிட்டுப் பரிமாறலாம். குறிப்பு: பன்னீர் பாயாசத்தை ஃப்ரிட்ஜில் வைத்தும் பரிமாறலாம்

இணையவனுக்கு இனிய பிறந்தநாள் நல் வாழ்த்துக்கள்...!

கரண்டி ஆம்லெட் தேவையானவை: முட்டை - 2 வெங்காயம் - 1 பொடியாக நறுக்கிக் கொள்ளவும் பச்சை மிளகாய் - 1 மஞ்சள்தூள் - கால் டீஸ்பூன் மிளகுத்தூள் - 1 டீஸ்பூன் உப்பு, எண்ணெய் - தேவையான அளவு செய்முறை: இரண்டு முட்டைகளையும் ஒரு பாத்திரத்தில் உடைத்து ஊற்றவும். இதில் மஞ்சள்தூள் உப்பு, நறுக்கிய பச்சை மிளகாய், வெங்காயம், மிளகுத்தூள் எல்லாவற்றையும் சேர்த்து நன்றாக கலக்கவும். பிறகு பணியாரச்சட்டியை வைத்து சூடானதும் இரண்டு சொட்டு எண்ணெய் விட்டு கலந்து வைத்திருக்கும் முட்டைக்கலவையை ஊற்றவும். இரண்டு புறமும் திருப்பிவிட்டு வேகவிட்டு எடுக்கவும். இல்லையென்றால் குழிக்கரண்டியை தீயில் காண்பித்து அதில் எண்ணெய் விட்டு கலக்கிய முட்டைக்கலவையை ஊற்றி வேக விடவும். கரண்டியின் உள்ளேயே முட்டைக்கலவையை திருப்பிவிட்டு வேகவிட்டு எடுத்து பரிமாறவும்.