காற்றாலை மின் உற்பத்தி திறனில் தமிழகம் முதலிடம்

சென்ற 2011-12ம் நிதியாண்டில், காற்றாலை திட்டங்களை அதிக அளவில் செயல்படுத்தி, அதன் வாயிலாக மின் உற்பத்தி திறனை அதிகரித்துக் கொண்ட மாநிலங்களில் தமிழகம் முதலிடத்தை பிடித்துள்ளது.

தமிழ்நாடு:இதே காலத்தில், நாடு தழுவிய அளவில், காற்றாலை வாயிலாக கூடுதலாக 3,200 மெகா வாட் அளவிற்கு, மின் உற்பத்தி திறன் அதிகரித்துக்கப்பட்டுள்ளது. இந்தியாவில்,காற்றாலை மின் உற்பத்திக்கு உகந்த இடமாக தமிழகம் உள்ளது. இதையடுத்து, குஜராத், ராஜஸ்தான், மகாராஷ்டிரா ஆகிய மாநிலங்கள் உள்ளன.சென்ற நிதியாண்டில், தமிழகத்தில், காற்றாலைகள் மூலம் கூடுதல் மின்சாரம் பெறும் வகையில், 1,087 மெகா வாட் அளவிற்கு அவற்றின் உற்பத்தித்திறன் அதிகரிக்கப்பட்டுள்ளது.

இதையடுத்து, தமிழகத்தின் மொத்த காற்றாலைகளின் மின் உற்பத்தித் திறன், 6,974 மெகா வாட் என்றளவில் அதிகரித்துள்ளது. மதிப்பீட்டு காலத்தில், குஜாராத்தில், கூடுதலாக, 790 மெகா வாட் அளவிற்கு காற்றாலை வாயிலான மின்உற்பத்தித் திறன் உயர்த்தப் பட்டுள்ளது. இதையடுத்து, அம்மாநிலத்தின் மொத்த காற்றாலை மின் உற்பத்தித் திறன், 2,942 மெகா வாட்டாக உயர்ந்துள்ளது.

ராஜஸ்தானில், 546 மெகா வாட் மற்றும் மகாராஷ்டிராவில், 418 மெகா வாட் அளவிற்கு உற்பத்தித் திறன் உயர்த்தப்பட்டதை தொடர்ந்து, இம்மாநிலங்களின் மொத்த உற்பத்தித் திறன் முறையே, 2,735 மெகா வாட் மற்றும் 2,068 மெகாவாட்டாக அதிகரித்துள்ளது.

கர்நாடகா:இதே காலத்தில், கர்நாடகாவில் 207.2 மெகா வாட், மத்தியபிரதேசத்தில் 100.4 மெகா வாட் அளவிற்கு காற்றாலை மின் உற்பத்தி திறன் அதிகரித்துள்ளது.ஆந்திராவில் 150 மெகா வாட் காற்றாலை மின் உற்பத்தி திட்டத்தில், சென்ற நிதியாண்டில் 45.25 மெகா வாட் அளவிற்கே மின் உற்பத்தி திறன் அதிகரிக்கப்பட்டுள்ளது. இதன் மூலம், இம் மாநிலத்தின் தற்போதைய காற்றாலை மின் உற்பத்தி திறன் அளவு 223 மெகா வாட்டாக உள்ளது.

http://tamil.yahoo.c...-184800163.html

Edited April 12, 201213 yr by akootha

மின்உற்பத்தியில் இந்திய அணு உலைகள்

இந்தியாவில் உள்ள அனைத்து அணுமின்நிலையங்களில் கடந்த ஆண்டு கணக்கீட்டின் படி 32ஆயிரத்து 455 மில்லியன் யூனிட் மின் உற்பத்தி செய்து சாதனை படைத்துள்ளது. இந்தியாவை பொறுத்தவரையில் அணுசக்தியிலான மின்தேவைகள் இன்றியமையாததாக உள்ளது. இந்தியாவில் மொத்தம் 19 அணுமின்நிலையங்கள் உள்ளன. இவற்றில் உற்பத்தியாகும் மின்சார யூனிட்டுகள் குறித்த தகவல்கள் வெளியாகியுள்ளன.

இது குறித்து இந்திய அணுமின் கழகம் வெளியிட்டுள்ள செய்தியில் கூறப்பட்டுள்ளதாவது; நாடு முழுவதும் உள்ள 19 அணுமின்நிலையங்களில் இறக்குமதி செய்யப்பட்ட யூரேனியம் எரிபொருள் வாயிலாக 2011-2012-ம் ஆண்டில் 32,455 மில்லியன் யூனிட் மின்சாரம் உற்பத்தி செய்யப்பட்டு ரூ. 7 ஆயிரத்து 500 கோடி வருவாயினை ஈட்டியுள்ளது. இது கடந்த 210-2011 -ம் ஆண்டில் 26,473 மில்லியன் யூனிட் மின்உற்பத்தி செய்து ரூ. 6 ஆயிரம் கோடி வருவாய் ஈட்டியுள்ளது. இது கடந்த ஆண்டை விட இந்தாண்டு 25 சதவீதம் உயர்ந்துள்ளது.

இவற்றை தவிர நாடு முழுவதும் உள்ள 19 அணுமின்நிலையங்கள் உயர் தர பாதுகாப்புடன் பல்வேறு பேரிடர்களான, பூகம்பம், சுனாமி போன்றவற்றினால் எந்த ‌வகையிலும் பாதிப்பு ஏற்படாதவாறு மிகவும் பாதுகாப்பாகவும், முன்னெச்சரிக்கை தேவையான உரிய நடவடிக்கைகள் எடுக்கப்பட்டுள்ளது.

அதுமட்டுமின்றி வரும் 2021-2022-ம் ஆண்டிற்குள்ள அணுமின்நிலையங்கள் வாயிலாக 20,000 மெகாவாட் மின் உற்பத்தி செய்ய இலக்கு நிர்ணயிக்கப்பட்டுள்ளது. மும்பை டிராம்போயில் உள்ள தாராபூர் அணுமி்ன்நிலையம் தொடர்ச்சியாக 522 நாட்கள் செயல்பட்டு 540 மெகாவாட் மின் உற்பத்தி செய்துள்ளது. இதில் கடுகளவும் விபத்து ஏற்பட்டதில்லை. ராஜஸ்தான் அணுமின் திட்டத்தின் கீழ் 700 மெகாவாட் மின் உற்பத்தி செய்ய இரு அணுஉலைகள் மற்றும், குஜராத் மாநிலத்தில் கராக்பூரிலும் 700 மெகாவாட் மின் உற்பத்தி செய்யும் அணுஉலைகள் ஆகியவற்றில் கட்டுமானப்பணிகள் நடந்து வருகின்றன.தற்போது அணுஉலைகள் மூலம் 4,680 மெகாவாட் மின் உற்பத்தி செய்ய திறன் உள்ளது. எனினும் 12-வது ஐந்தாண்டு திட்டத்தில் (2012-2017) 9,580 மெகாவாட் மின் உற்பத்தி செய்ய இலக்கு நிர்ணயிக்கப்பட்டுள்ளது. தமிழகத்திலும் நெல்லை மாவட்டம் கூடங்குளம் அணுமின்நிலையத்தில் முதல் யூனிட்டில் விரைவில் மின் உற்பத்தி துவங்க தயார் நிலையில் உள்ளது. இவ்வாறு அந்த செய்தியில் கூறப்பட்டுள்ளது.

http://tamil.yahoo.com/%E0%AE%AE-%E0%AE%A9%E0%AF%8D-%E0%AE%B1%E0%AF%8D%E0%AE%AA-%E0%AF%8D-%E0%AE%AF-011700983.html

காற்றாலை மின் உற்பத்தி திறனில் தமிழகம் முதலிடம்

#ஆன எங்களுக்கு தினமும் 10 மணி நேரம் மின்தடை...

அணு மின் உற்பத்தியுடன் ஒப்பிடும்பொழுது காற்றாலை மின் உற்பத்தி பாதுகாப்பானது. தமிழகத்திலும் தமிழீழத்திலும் இவ்வாறான மின் உற்பத்திகள் ஊக்குவிற்கப்படல் வேண்டும்.