ஆண்டவரின் எச்சங்கள் பாகம் 06

நெடுந்தீவுக் கோட்டை .

நெடுந்தீவுக் கோட்டை யாழ்ப்பாண மாவட்டத்தைச் சேர்ந்த நெடுந்தீவு என்னும் தீவில் அமைந்துள்ளது. யாழ்ப்பாணக் குடாநாட்டின் கரைக்கு அப்பால் மேற்குத் திசையில் அமைந்துள்ள 13 தீவுகளில் மிகப் பெரியதும், குடாநாட்டில் இருந்து கூடிய தொலைவில் அமைந்திருப்பதும் நெடுந்தீவே ஆகும். கோட்டை நெடுந்தீவின் வடக்குக் கரையோரத்தில், சிறிய கடற்கலங்கள் பயன்படுத்தும் இறங்குதுறை ஒன்றுக்கு அருகில் அமைந்துள்ளது. 2004 ஆம் ஆண்டின் நிலவரப்படி இக்கோட்டை அழிந்த நிலையில் இடிபாடுகளாகவே காணப்படுகின்றது. இது முருகைக் கற்களால் கட்டப்பட்டுள்ளது .

http://ta.wikipedia....ந்தீவுக்_கோட்டை

ஓல்லாந்தர் காலக் கோட்டை?

நெடுந்தீவு மத்தியில் தற்போதைய வைத்தியசாலைக்கு கிழக்கே பயன்படுத்த முடியாத நிலையில் மிகப் பழமை வாய்ந்த கட்டிடத் தொகுதிகள் சிதைவுண்டு காணப்படுகிறன. யாழ்ப்பாணத்திலும், ஊர்காவற்றுறையிலும் உள்ள கோட்டைகளை அடுத்து ஒல்லாந்தர் காலத்திற்குரிய இன்னொரு முக்கிய நினைவுச் சின்னமாக இக்கட்டிடத் தொகுதியைக் குறிப்பிடலாம்.

இக்கட்டிடத் தொகுதிகளை அங்குள்ள மக்களில் ஒரு பிரிவினர் வெடியரசன் கோட்டை எனவும் இன்னொரு சாரார் ஒல்லாந்த கோட்டை எனவும் அழைத்து வருகின்றனர். ஆனால் ஒல்லாந்தர் கால ஆவணங்களில் நெடுந்தீவில் ஒரு கோட்டை கட்டப்பட்டதற்கான எந்தக் குறிப்பும் இருப்பதாகத் தெரியவில்லை.

கடற்கரையை அண்டிக் காணப்படும் இக்கட்டிடத் தொகுதியின் அமைப்பையும், ஒல்லாந்தர் காலக் கலைமரபைப் பிரதிபலிக்கும் அவற்றின் மாடங்களையும், முகப்புத் தோற்றத்தையும் நோக்கும் போது அதன் மேற்குப்பக்க கட்டிடத் தொகுதி அவர்களின் நிர்வாக மையமாகவும், கடற்கரை நோக்கிய அதன் கிழக்குப் பக்க கட்டிடத் தொகுதி கடற்பாதுகாப்பு அரணாகவும் இருந்ததெனக் கூறுவதே பொருத்மாகும்.

அவற்றை உறுதிப்படுத்தும் வகையில் கட்டிடத்தின் கிழக்குப் பக்கத்தில் கண்காணிப்பு நிலையங்கள் இருந்தற்கான ஆதாரங்கள் காணப்படுகின்றன. இதன் நோக்கம் கடல் வழியாக வரக்கூடிய ஆபத்துக்களைக் கண்காணிப்பதாக இருக்கலாம். இரு மடிகளைக் கொண்டதாக அமைக்கப்பட்ட இக்கட்டிடத் தொகுதி ஒல்லாந்தர் கால கட்டிடக் கலை மரபையும், அவர்களின் உயர்ந்த தொழில் நுட்பத்தையும் பார்ப்போரைப் பிரமிப்பூட்டும் வகையில் அமைந்து காணப்படுகிறது.

http://www.yarlmann.lk/viewsingle.php?id=539

Edited May 14, 201213 yr by கோமகன்