[size=4]சிறிலங்காவானது தற்போது அமெரிக்காவுடன் இரு நாடுகளுக்கும் இடையிலான அனைத்து இராஜதந்திர ரீதியான உறவுகளைப் பலப்படுத்தும் வகையில் வலுவான பொருளாதார உறவைக் கட்டியெழுப்பி வருவதாக உயர் இராஜதந்திரி ஒருவர் தெரிவித்துள்ளார். "இந்த விடயத்தில் நாங்கள் அமெரிக்காவுடன் நேரடியான, நேர்மையான உறவைக் கொண்டுள்ளோம்" என அமெரிக்காவுக்கான சிறிலங்காத் தூதர் ஜாலிய விக்கிரமசூரிய தெரிவித்துள்ளார்.

"அமெரிக்கா கூறுகின்ற எல்லாவற்றுக்கும் நாங்கள் உடன்படவில்லை அல்லது அமெரிக்கா கூறுகின்றவற்றை நாங்கள் மறுக்கவுமில்லை. எதிர்காலத்தில் அமெரிக்காவுடன் சிறந்த உறவைக் கட்டியெழுப்ப நாம் விரும்புகின்றோம்" என விக்கிரமசூரிய மேலும் குறிப்பிட்டுள்ளார்.

அமெரிக்காவானது சிறிலங்காவின் மிகப் பெரிய வர்த்தகப் பங்காளியாகும். அதாவது சிறிலங்காத் தீவிலிருந்து ஏற்றுமதி செய்யப்படும் 22 சதவீதமான பொருட்கள் அமெரிக்கச் சந்தையை சென்றடைகின்றன. இவற்றுள் பெரும்பாலானவை புடைவைகளாகும். சிறிலங்காவின் உடுபுடைவை ஏற்றுமதி வருவாய் 2.15 பில்லியன் டொலர்களாகும். இதில் 2.4 பில்லியன் அமெரிக்க டொலர்கள் அமெரிக்காவிடமிருந்து கிடைக்கப் பெறுகிறது.

கடந்த ஆண்டில் அமெரிக்காவைத் தளமாகக் கொண்டியங்கும் முதலீட்டாளர்கள் அரை பில்லியன் டொலர்கள் பெறுமதியான அரச பிணைப் பத்திரங்களை கொள்வனவு செய்திருந்தனர். இதேபோன்றே இதற்கு முன்னைய ஆண்டுகளிலும் அமெரிக்க முதலீட்டாளர்கள் சிறிலங்காவின் அரச பிணைப் பத்திரங்களை கொள்வனவு செய்திருந்தனர்.

சிறிலங்காவில் 2009ல் முடிவுக்கு கொண்டு வரப்பட்ட உள்நாட்டு யுத்தத்தின் போது இராணுவப் படைகளாலும் தமிழ்ப் புலிகளாலும் மேற்கொள்ளப்பட்டதாக குற்றஞ்சாட்டப்பட்டுள்ள யுத்த மீறல்கள் தொடர்பில் விசாரணை மேற்கொள்ளப்பட வேண்டும் என அமெரிக்கா அழுத்தம் கொடுத்ததால் தற்போது சிறிலங்கா மற்றும் அமெரிக்கா ஆகிய இரு நாடுகளுக்கும் இடையிலான இராஜதந்திர உறவுகளில் விரிசல் ஏற்பட்டுள்ளது.

இவ்வாண்டு மார்ச் மாதத்தில் கூட்டப்பட்ட ஐ.நா மனித உரிமைகள் பேரவையின் கூட்டத் தொடரில் அமெரிக்காவின் தலைமையில், சிறிலங்காவின் அயல்நாடான இந்தியாவின் ஆதரவில், இப் போர்க் குற்றச்சாட்டுக்கள் தொடர்பில் சிறிலங்கா அரசாங்கம் பொறுப்புக் கூறவேண்டும் என்பதை முதன்மைப்படுத்தி தீர்மானம் ஒன்று நிறைவேற்றப்பட்டது.

அமெரிக்கா மற்றும் சிறிலங்கா ஆகிய இரு நாடுகளுக்கும் இடையில் மிகப் பலமான பொருளாதார உறவைக் கட்டியெழுப்புவதன் மூலம் சிதைந்து போயுள்ள இராஜ தந்திர ரீதியான உறவை சீர்செய்து கொள்ள முடியும் என அமெரிக்காவுக்கான சிறிலங்காத் தூதர் தெரிவித்துள்ளார்.

"அமெரிக்காவானது சிறிலங்காவின் சிறந்த வர்த்தகப் பங்காளியாக காணப்படுகின்றது. இவ்விரு நாடுகளுக்கும் இடையிலான பொருளாதார உறவு பலப்படுத்தப்படும் போது, அரசியல் சார் உறவுகளும் முன்னேற்றமடையும்" என விக்கிரமசூரிய சுட்டிக்காட்டியுள்ளார்.

சிறிலங்காவில் பணிபுரிவோருக்கான தொழில் சார் உரிமைகள் போதியளவில் வழங்கப்படவில்லை என குற்றஞ்சாட்டப்பட்ட பின்னர், தொழிலாளர்களின் பிரச்சினைகளை முதன்மைப்படுத்தும் நோக்கில் அமெரிக்காவானது இவ்வாண்டின் ஆரம்பத்தில் சிறிலங்காவுடன் இணைந்து நிகழ்ச்சித் திட்டம் ஒன்றை செயற்படுத்தி வருகிறது.

"எமது நாட்டிலுள்ள தொழிற்சாலைகள் எவ்வாறு செயற்படுத்தப்படுகின்றன என்பது தொடர்பாகவும், நாட்டில் நிலவும் தொழில் உரிமைகள் தொடர்பாகவும் இரு ஆண்டுகளாக நாம் கலந்துரையாடல்களை மேற்கொண்டோம். அமெரிக்க அதிகாரிகள் சிறிலங்காவுக்கு வருகை தந்து இது தொடர்பான உண்மைத்தன்மைகளை கண்டறிந்துள்ளனர்" என விக்கிரமசூரிய தெரிவித்துள்ளார்.

"சிறிலங்காவில் தொழிலாளர் பிரச்சினைகள் கண்டறியப்பட்டு சரியான முறையில் தீர்க்கப்படுவதாகவும், தொழிலாளர் உரிமைகள் நன்றாக உள்ளதாகவும் அமெரிக்க அதிகாரிகள் தெரிவித்தனர்" எனவும் விக்கிரமசூரிய மேலும் குறிப்பிட்டுள்ளார்.

அமெரிக்காவின் GSP வரிச்சலுகையின் கீழ் அமெரிக்காவுக்கு ஏற்றுமதி செய்யப்படும் 5000 வரையான பொருட்களுக்கு இறக்குமதி வரி நீக்கப்பட்டுள்ளது. இவ் இறக்குமதி வரியின் மொத்தப் பெறுமதி 135 மில்லியன் அமெரிக்க டொலர்களாகும்.

முன்னைய ஆண்டுடன் ஒப்பிடும் போது, இவ்வாண்டின் முதல் மூன்று மாதங்களிலும் அமெரிக்காவுக்கான சிறிலங்காவின் ஏற்றுமதி கிட்டத்தட்ட 30 சதவீதத்தால் அதிகரித்துள்ளதாக சிறிலங்காத் தூதரகம் தெரிவித்துள்ளது.

அமெரிக்க நிறுவனங்கள் சிறிலங்காவில் தற்போது மேற்கொள்ளப்பட்டு வரும் கட்டுமான அபிவிருத்தி திட்டங்கள், சுற்றுலாத்துறை, எண்ணெய் சுத்திகரிப்பு உள்ளடங்கலான சக்தி வலுத் திட்டங்கள் போன்றவற்றில் முதலீடுகளை மேற்கொண்டுள்ளன.

"அமெரிக்க நிறுவனங்கள் தமது முதலீடுகளை மேற்கொள்வதற்கு சிறிலங்கா தற்போது பாதுகாப்பான நாடாக காணப்படுகின்றது" என விக்கிரமசூரிய தெரிவித்துள்ளார். அமெரிக்காவிலுள்ள சிறிலங்காத் தூதரகமானது இரு நாடுகளின் முதலீட்டாளர்களையும் ஒன்றிணைப்பதில் முக்கிய கருவியாக உள்ளது.

"அடுத்து வரும் சில ஆண்டுகளில் மேலும் பல அமெரிக்க நிறுவனங்கள் சிறிலங்காவில் தமது முதலீடுகளை மேற்கொள்ளும்" என விக்கிரமசூரிய உறுதிப்படுத்தியுள்ளார். சிறிலங்காவில் வர்த்தக சார் செயற்பாடுகளை விரிவுபடுத்த விரும்பும் அமெரிக்க வர்த்தகர்களுக்கு, சிறிலங்காவிலுள்ள அமெரிக்கத் தூதரகமானது சில கருத்தரங்குகளை ஒழுங்குபடுத்தி நடாத்தியுள்ளது எனவும் விக்கிரமசூரிய குறிப்பிட்டுள்ளார்.

செய்தி வழிமூலம் : LBO - By Charitha Fernando[/size]

[size=4]http://www.puthinapp...?20120720106631[/size]

[size=5]- Sri Lanka owes $15 bln on foreign borrowings since 1997[/size]

[size=5]- Needs to pay $4.9 bln to China for total loan of $2.96 bln[/size]

[size=5]- [/size] [size=5]Sri Lanka has borrowed $5 bln through five Eurobonds[/size]

http://in.reuters.com/article/2012/07/19/srilanka-debts-idINL4E8IJ3NK20120719

[size=4]அமெரிக்கா ஐரோப்பிய ஒன்றியம் போன்று உள்ள ஆடை ஏற்றுமதி வர்த்தக சலுகையை இரத்துசெய்தால் ... சிங்கள பொருளாதாரம் பாரிய நெருக்கடிக்கு உள்ளாகும். [/size]