கடற்றொழிலாளர்களின் படகுடன் படையினரின் கப்பல் மோதல்: மூழ்கியவர் மீட்பு

சேந்தாங்குளம் கடற்பகுதியில் தொழில் செய்த கடற்றொழிலாளர்களின் படகுடன் கடற்படையினரின் கப்பல் மோதியதில் படகில் இருந்த இருவரும் தெய்வாதீனமாக உயிர் தப்பிய சம்பவம் இன்று காலையில் இடம் பெற்றது.

தந்தையும் மகனுமாக இரவு கடற்றொழிலுக்குச்சென்று விட்டு கரையை நோக்கி காலை 7.00 மணியளவில் திரும்பிக்கொண்டு இருந்த படகின்மீது வேகமாக வந்த கடற்படையினரின் கப்பல் மோதியுள்ளது.

இதனைத் தொடர்ந்து படகு நீரில் கவிழ்ந்ததுடன் மகன் கடற்படையின் படகில் வீழ்ந்துள்ள அதே நேரம் தகப்பன் கடலில் வீழ்ந்துள்ளார். படகும் கடலில் மூழ்கியுள்ளது.

கடற்படையினர் நீரில் மூழ்கிய தந்தையை மீட்டதுடன் சேதம் அடைந்த படகையும் மீட்டுள்ளார்கள். இதனால் சேந்தான்குளம் பகுதியில் காலையில் பதற்றமான நிலைமை கடற்தொழிலாளர்களிடையே காணப்பட்டது

http://www.virakesari.lk/article/local.php?vid=267