இன்னமும் அடங்கவில்லை இலங்கை , இன்றும் இந்திய மீனவர்களை பிடித்து சென்றுள்ளது.

தமிழக அரசும் தமிழக அரசியல் கட்சிகள் அனைத்தும் எவ்வளவு முறை எதிர்ப்பு
தெரிவித்தாலும் மத்திய அரசுக்கு அழுத்தம் கொடுத்தாலும் இன்னமும் அடங்காத
அமைப்பாகவே இலங்கை அரசு உள்ளது. (ஒரு வேலை இந்திய மத்திய அரசு இந்த
விடயத்தை கண்டு கொள்ளவில்லையோ?)

ராமேஸ்வரத்தில் இருந்து கடலுக்குச்
சென்ற மீனவர்கள் 18 பேரை இலங்கைக் கடற்படையினர் நேற்று பிடித்துச் சென்ற
நிலையில், இன்றும் 10க்கும் மேற்பட்ட விசைப்படகுகளில் சென்ற மீனவர்கள்
சிறைப்பிடிக்கப்பட்டுள்ளனர்.

652 விசைப்படகுகளில் சென்ற மீனவர்கள் ,
தனுஷ்கோடி - கச்சத்தீவு இடையே மீன்பிடித்து விட்டு, இன்று அதிகாலையில் கரை
திரும்பிக் கொண்டிருந்தனர். ஆதாம்பாலம் அருகே வந்த போது, 10க்கும்
மேற்பட்ட விசைப்படகுகளையும், அதில் இருந்த மீனவர்களையும் இலங்கை
கடற்படையினர் வழிமறித்து, சிறைப்பிடித்துச் சென்றனர். முன்னதாக நேற்று
பிற்பகலில் கச்சத்தீவு அருகே மீன்பிடித்ததாகக்கூறி, 4 விசைப்படகுகளையும்,
18 மீனவர்களையும் இலங்கை கடற்படையினர் சிறைப்பிடித்துச் சென்றனர்.

அந்த
மீனவர்கள் அனைவரையும் தலைமன்னார் கடற்படை முகாமிற்கு, அழைத்துச் சென்று,
விசாரணை மேற்கொண்டு வருகின்றனர். கடந்த 1௦ நாட்களில் இந்திய மீனவர்களை
இலங்கைப் படையினர் பிடித்துச் செல்வது இது மூன்றாவது முறை.

http://www.dinaithal.com/index.php?option=com_content&view=article&id=13333:rameshvaram-fishrman&catid=36:tamilnadu&Itemid=102