திருமலையில்ல கர்ததால்

சிங்களப் படைகளால் நேற்று முல்லைத்தீவில் மேற்கொள்ளப்பட்ட கோரக் கொலைவெறி குண்டு வீச்சு மற்றும் தொண்டர் நிறுவனப் பணியாளர்களின் படுகொலை என்பவற்றைக் கண்டித்து திருகோணமலை மாவட்டத்தில் முழுமையான கதவடைப்புப்பும் துக்கமும் கடைப்பிடிக்கப்படவுள்ளது. இதற்கான அழைப்பை திருமலை மாவட்ட பொங்குதமிழ் சமூகம் விடுத்துள்ளது.

இது தொடர்பாக நேற்று செவ்வாய்கிழமை வெளியிடப்பட்ட துண்டுப்பிரசுரத்தில் தெரிவிக்கப்பட்டுள்ளதாவது:

அன்பான தலைநகர்வாழ் தமிழ் பேசும் மக்களே:

ஸ்ரீலங்கா அரசாங்கத்தினால் திட்டமிட்ட முறையில் தமிழர் தாயகப் பகுதிகளில் தொடக்கி விடப்பட்டள்ள இன அழிப்பு போரின் உச்சகட்டமாகவும், வெறித்தனமாகவும் 14.08.2006 அன்று உடையார்கட்டில் உள்ள செஞ்சோலை சிறுவர் இல்லம் மீது மிகக்கொடூரமன முறையில் ஸ்ரீலங்கா விமானப்படையினரால் நடத்தப்பட்ட குண்டு வீச்சுத் தாக்குதலில் அப்பாவி சிறுவர்கள் உடல்சிதறி கொல்லப்பட்டமையைக் கண்டித்தும், மூதூரில் அண்மையில் ஸ்ரீலங்கா இராணுவத்தினரால் அரசசார்பற்ற நிறுவன பணியாளர்கள் சுட்டுக்கொலை செய்யப்பட்டமையைக் கண்டித்தும் மற்றும் தமிழர் தாயகப் பகுதிகளில் தொடர்ந்தம் தமிழ் மக்கள ஸ்ரீலங்கா இராணுவம் மற்றும் ஒட்டுப்படைகளால் கொல்லப்படுவதைக் கண்டித்தம் ஒரு நாள் அடையாள நாளாக ( 16.08.2006) புதன்கிழமை தமிழர் தாயக தலைநகரில் பூரண கதவடைப்பும் துக்கதினமும் பிரகடனப்படுத்படுகின்றது.

எனவே அன்றைய தினம் அனைத்த மக்களும் எந்த களியாட்டமே அன்றி கெளிக்கைகளில் ஈடுபடாது இறந்த எமது குழந்தைகள், உடன்பிறப்புக்களின் ஆத்ம சாந்திக்காக பிராத்தனையில் ஈடுபடுமாறு அன்புடன் கேட்டுக்கொள்கின்றோம்.

நாளைய தினம் (புதன்கிழமை) சகல அரச தனியார் நிறுவனங்கள் போக்குவரத்துக்கள் என்பனவற்றை நிறுத்தி அதாவது முழுமையான பணிமடக்கத்தி; அத்தியாவசிய சேவை தவிர்ந்த சகல நடவடிக்கைகளும் முற்றாக நிறுத்தப்பட்டு இந்த அமைதியான அகிம்சை வழி போராட்டத்திற்கு உங்களின் ஆதரவை வழங்குவதடன்,

சர்வதேச சமூகமே

தமிழர்களின் இரத்தத்தினால் எழுதப்படும் மகிந்தவின் சிந்தனைக்கு சர்வதேச சமூகம் காலம் தாழ்த்தாது உடன் முற்றுப்புள்ளி வைக்க வேண்டும் என சர்வதேசத்திடம் ஒரு செய்தியைக் கூறுகின்றோம்.

எனக்குறிப்பிடப்பட்டுள்ளது.

நன்றி-சங்கதி