குறுந்திரைப்பட இயக்குநர் விளக்கமறியலில்

குறுந்திரைப்பட இயக்குநர் விளக்கமறியலில்

கொம்பனித்தெரு பொலிஸ்நிலைய பொலிஸாரினால் கடந்த செவ்வாய்க் கிழமை கைது செய்யப்பட்ட விழி என்ற குறுந்திரைப்படத்தின் இயக்குநர் சிவலிங்க ராஜா கஜுலசேகரன் கோட்டை மஜிஸ்ட்ரேட் நீதிமன்றத்தால் எதிர் வரும் 28 ஆம் திகதிவரை விளக்கமறியலில் வைக்கப்பட் டுள்ளார்.

இவர் தனது குறுந்திரைப்படத்தில் இராணுவம் தொடர்பான காட்சியொன்றை இயக்கியிருந்தமையினால் கைது செய்யப்பட்டுள்ளார்.

கடந்த செவ்வாய்க் கிழமை தனது குறுந்திரைப்படம் தொட ர்பான புகைப்படங்களை கொழும்பில் உள்ள புகைப்பட நிலையம் ஒன்றில் பிரதி எடுக்கச்சென்ற போதே இவர் கொம்பனித் தெரு பொலிஸாரால் கைது செய்யப்பட்டு நீதிமன்றத்தில் ஆஜர்செய்யப்பட்டார்.

இவ் விடயம் தொடர்பாக மேலும் ஒருவரிடமும் பொலிஸார் விசாரணைகளை மேற் கொண்டுவருகின்றனர்.

நன்றி: வீரகேசரி

http://www.virakesari.lk/vira/html/loc_vie...ew.asp?key=1295

உள்ளூர் படத்தயாரிப்பில் ஈடுபட்ட இரு தமிழ்க் கலைஞர்கள் கைது

[18 - August - 2006]

உள்ளூர் படத் தயாரிப்பில் ஈடுபட்டிருந்த தமிழ்க் கலைஞர்கள் இருவர் கடந்த செவ்வாய்க்கிழமை கொம்பனித்தெரு பொலிஸாரினால் கைது செய்யப்பட்டுள்ளனர்.

கைது செய்யப்பட்டுள்ள இவர்கள் மீது பொய்க் குற்றச்சாட்டுகள் சுமத்தப்பட்டு சட்ட நடவடிக்கை எடுக்கும் முயற்சிகள் மேற்கொள்ளப்பட்டுள்ளன.

பட இயக்குநர் எஸ்.கதிரசேகரன் (செல்வம்) (வயது 28), நடிகர் சண்முகலிங்கம் ஆகிய இருவருமே கைதாகி சட்ட நடவடிக்கைகளுக்காக தடுத்து வைக்கப்பட்டுள்ளனர்.

உள்ளூரில் தயாரிக்கப்பட்டு வரும் விழி என்ற குறுந்திரைப்படத்தின் இராணுவ கதாபாத்திரத்தின் புகைப்படமொன்றை கொழும்பு யூனியன் பிளேஸிலுள்ள தனியார் நிறுவனமொன்றுக்கு சென்று அப்படத்தின் கிராபிக்ஸ் வேலைகளை செய்து கொண்டிருந்த போதே இயக்குநரை பொலிஸார் சந்தேகத்தின் பேரில் கைது செய்து விடுவிக்காமல் தடுத்து வைத்துள்ளனர்.

இதேவேளை, இராணுவ வீரரின் கதாபாத்திரத்தை ஏற்றிருந்த நடிகரும் பின்னர் கைது செய்யப்பட்டு இருவரும் தீவிர விசாரணைக்கு உட்படுத்தப்பட்டுள்ளனர்.

இந்த இருவரும் அப்பாவிகள் என்றும் குற்றச்செயல்களுடன் சம்பந்தப்படாதவர்களெனவும் சட்டபூர்வமாக திரைப்படம் எடுப்பதில் ஈடுபட்டிருந்த ஆவணங்கள் மூலம் உறுதிப்படுத்தப்பட்டிருந்த நிலையிலும் இவ்வாறு நடந்துள்ளது.

சிறுவர் சம்பந்தமான கதையம்சம் கொண்ட இந்த குறுந்திரைப்படம் முழு வீடியோ படமாக எடுப்பதற்கு ஆயத்தம் செய்யப்பட்டிருந்த நிலையிலேயே யாரோ பொலிஸாருக்கு வழங்கிய தவறான தகவலின் பேரில் கைதாகி நீதிமன்றம் செல்லவும் நேரிட்டுள்ளது.

உள்ளூர் கலைத்துறையிலும் கலைஞர்கள் மத்தியிலும் நன்கு அறிமுகமான தமிழ்ப் பட இயக்குநர் ஒருவர் இவ்வாறு அநீதியான முறையில் கைது செய்யப்பட்டிருப்பது, இலங்கை தமிழ் சினிமாத் துறையின் எதிர்காலத்திற்கு பெரும் தடையாக மாறியுள்ளதாக கலைஞர்கள் மட்டத்தில் விசனம் தெரிவிக்கப்படுகின்றது.

குறிப்பிட்ட இந்த விழி குறுந்திரைப்படம் திரைப்பட விழாவிற்காகவும் மொழி மாற்றம் செய்து வெளிநாட்டு திரைப்பட விழாவிற்கு அனுப்பவும் இயக்குநர் ஏற்பாடு செய்திருந்தார்.

http://www.thinakkural.com/news/2006/8/18/...ws_page8773.htm