பச்சோந்தி...!

மனநிலை, வெப்பம், ஒளி, பாதுகாப்பு மற்றும் இடம் ஆகியவற்றைப் பொறுத்து தங்களின் தோலின் நிறத்தை மாற்றவல்ல விலங்கினமே பச்சோந்தியாகும். இது ஊர்வன வகையைச் சார்ந்ததாகும். 

பச்சோந்திகளுள் சில இனங்கள், தாம் இருக்கும் இடத்திற்கு ஏற்றாற்போல் தமது நிறத்தை மாற்றிக்கொள்ளும் ஆற்றல் படைத்தவை. இதற்கு காரணம் அவற்றின் தோலில் உள்ள நிற கலங்களுக்கும், மூளைப் பகுதிகளுக்கும் இடைவிடாது தொடர்பு இருந்துகொண்டேயிருப்பதாகும். 

பச்சோந்திக்கு காகம், கழுகுகளால் ஆபத்து அதிகம். அதுமட்டுமல்லாமல் ஒரு பயந்த பிராணி. அதனால் ஒரு நிமிடத்திற்கு மேல் அது தன்னுடைய நிறத்தை மாற்றிக்கொள்ளும். 

இந்த பச்சோந்திக்கு இன்னொரு குணமும் உண்டு. தன் ஒரு கண்ணால் ஒரு இடத்தையும் மற்றொரு கண்ணால் வேறு இடத்தையும் பார்க்கும் ஆற்றல் பெற்றது. அது மட்டுமின்றி தன்னுடைய இரு கண்களையும் 360 பாகைக்கு சுழலும் தன்மையையுடையது. பச்சோந்திகள் கட்புலனாகும் ஒளியை மட்டுமன்றி புற ஊதாக்கதிர்களையும் கண்டுணரவல்லவை.

வவுனியா, மகாமைலன்குளம் கிராமத்திலுள்ள வீட்டுத் தோட்டமொன்றில் கழுகொன்றின் பார்வைக்கு இலக்கான பச்சோந்தியொன்று உடனடியாக தனது நிறத்தை மாற்றி தன் உயிருக்கு ஏற்பட்ட ஆபத்தை தடுத்துக்கொண்டது. இந்த பச்சோந்தி, தனது நிறத்தை மாற்றிக்கொள்ளும் தருணத்தில் எடுக்கப்பட்ட புகைப்படங்களை இங்கு காணலாம். 

.