கருச்சிதைவு காரணமாக விசாரணைக்கு வரமுடியவில்லை : 36 காதலர்களைக் கொண்ட நடிகை லிண்ட்ஸே நீதிமன்றில் தெரிவிப்பு -

ஹொலிவூட்டின் சர்ச்சைக்குரிய நடிகைகளில் ஒருவரான லிண்ட்ஸே லோஹன், தனது கர்ப்பம் கலைந்ததால் நீதிமன்ற விசாரணைக்கு வரமுடியாதிருந்ததாக வாக்குமூலம் அளித்துள்ளார்.

27 வயதான லிண்ட்ஸே லோஹன் இன்னும் திருமணமாகாதவர் என்பது குறிப்பிடத்தக்கது.
போதைப் பொருள் தொடர்பான குற்றச்சாட்டுகள், மது போதையில் வாகனம் செலுத்தியமை, நெக்லஸ் திருடியமை முதலான காரணங்களால் நீதிமன்றத்தால் புனர்வாழ்வு நிலையத்துக்கும் சிறைக்கும் அனுப்பப்பட்டிருந்த லிண்ட்ஸே லோஹன், பின்னர் பிணை நிபந்தனைகளை மீறியதால் மீண்டும் குற்றச்சாட்டுகளுக்குள்ளானவர்.


ஒருகாலத்தில் உலகின் மிகப் பிரபலமான மொடல்களில் ஒருவராக விளங்கிய அவர், கடந்த சில வருடங்களாக ஹொலிவூட்டில் மிகவும் சர்ச்சைக்குரிய நடிகைகளில் ஒருவராகி மாறியுள்ளார். போதைப்பொருள், மதுபாவனை காரணமாக அவரின் முகத்தோற்றமும் மாறியுள்ளது.
2008 ஆம் ஆண்டு லிண்ட்ஸே புகழுடன் இருந்த காலத்தில் டி.என்.ஏ.எம். ஆடைத்தயாரிப்பு நிறுவனமொன்றுடன் இணைந்து 6126 எனும் பெயரில் லெக்கிங்ஸ் ஆடை விற்பனை நிறுவனமொன்றை லிண்ட்ஸே ஆரம்பித்தார்.
மேற்படி டி.என்.ஏ.எம். நிறுவனம் தனக்கான கொடுப்பனவுகளை உரியமுறையில் வழங்கவில்லை எனவும் தன்னுடனான ஒப்பந்த விதிகளை அந்நிறுவனம் மீறியுள்ளதாகவும் குற்றம் சுமத்தி லிண்ட்ஸே லோஹனும் அவரின் மற்றொரு பங்களாரான கிறிஸ்டி கெய்லரும் கடந்த வருடம் வழக்குத் தொடுத்தனர். அதற்கு பதிலடியாக லிண்ட்ஸே மீது டி.என்.ஏ.எம். நிறுவனம் வழக்கொன்றை தொடுத்தது.
லிண்ட்ஸே லோஹனின் போதைப்பொருள் இமேஜ் காரணமாக தனது லெக்கிங்ஸ் விற்பனை வீழ்ச்சியடைந்துள்ளதாக கூறிய அந்நிறுவனம் இதற்காக லிண்ட்ஸே லோஹன் 50 லட்சம் அமெரிக்க டொலர் நஷ்ட ஈடு வழங்க வேண்டும் எனக் கோரியது.
இது தொடர்பான வழக்கு விசாரணைக்கு லிண்ட்ஸே லோஹன் சமுகமளிக்காத நிலையில் அவ்வழக்கில் லிண்ட்ஸே தோல்வியுற்றார்.
இந்நிலையில் அத்தீர்ப்பை மாற்றக்கோரி மேன்முறையீடு செய்துள்ள லிண்ட்ஸே லோஹன், தனக்கு கருச்சிதைவு ஏற்பட்டமையும் தன்னால் நீதிமன்றத்துக்கு வர முடியாதிருந்தமைக்கான காரணம் என நீதிமன்றத்துக்கு தெரிவித்துள்ளார்.
அவர் கூறுவது உண்மையான பொய்யா என்ற சந்தேகம் பலருக்கு ஏற்பட்டுள்ளது. ஆனால், தனக்கு கருச்சிதைவு ஏற்பட்டமை உண்மை என சத்தியம் செய்துள்ள லிண்ட்ஸே லோஹன் இதை யாரும் அறிந்திருக்கவில்லை எனவும் கூறியுள்ளார்.


திருமணமாகாத நடிகை லிண்ட்ஸே லோஹன் இந்த கர்ப்பத்துக்கு காரணமான ஆண் யார் என்ற தகவலை வெளியிடவில்லை.
ஆனால், லிண்ட்ஸே தான் பாலியல் உறவுகொண்டதாக கூறும் 36 நப்கள் குறித்து எழுதிவைத்த பட்டியலொன்று அண்மையில் அம்பலமாகி பரபரப்பை ஏற்படுத்தியது.
தான் பாலியல் உறவில் ஈடுபட்ட நபர்களின் பட்டியலை புனர்வாழ்வு நிலையத்தில் தங்கியிருந்த காலத்தில் லிண்ட்ஸே லோஹன் எழுதிவைத்திருந்தார். அண்மையில் அமெரிக்க வாராந்த சஞ்சிகையொன்றில் அந்த பட்டியலின் புகைப்படம் வெளியாகியிருந்தது.
சட்டச்சிக்கல்கள் காரணமாக சில பெயர்கள் மறைக்கப்பட்டிருந்தன. அடுத்த வாரம் அச்சஞ்சிகையில் சில நபர்களின் பெயர்கள் வெளியிடப்பட்டன. ஹொலிவூட் நடிகர்கள் உட்பட பல பிரபலங்களின் பெயர்கள் அவற்றில் இருந்தன.
அமெரிக்காவின் பிரபல பாடகரும் நடிகருமான ஜஸ்டின் டிம்பர்லக், பாடகர் அம் லெவின், ஸாக் எவ்ரொன், ஜோக்கின் பீனிக்ஸ், ஜேம்ஸ் பிராங்கோ ஆகியோரின் பெயர்களும் அப்பட்டியலில் அடங்கியிருந்தன.
மேற்படி நட்சத்திரங்களில் பலர் லிண்ட்ஸே லோஹனின் பட்டியல் குறித்து பேசுவதற்கு மறுத்துள்ளனர். ஆனால், லிண்ட்ஸேயுடன் தான் ஒருபோதும் பாலியல் உறவில் ஈடுபடவில்லை என நடிகர் ஜேம்ஸ் ஜேம்ஸ் பிராங்கோ செவ்வியொன்றில் தெரிவித்துள்ளார். ஆனால் தானும் லிண்ட்ஸேவும் முத்தமிட்டுக்கொண்டதாக அவர் கூறியுள்ளார்.
இதேவேளை தனது காதலர்கள் பட்டியல் அம்பலமாகியதால் மிக அவமானகரமாக தான் உணர்வதாக லிண்ட்ஸே லோஹன் தெரிவித்துள்ளார்.
கலிபோர்னியா மாநிலத்தில் லொஞ் ஏஞ்சல்ஸ் நகரில் வசித்து வந்த லிண்ட்ஸே லோஹன் தற்போது நியூயோர்க் நகரில் வசிக்க ஆரம்பித்துள்ளார். லண்டனில் வீடொன்றை வாடகைக்குப்பெற்று அங்கு வசிக்க வேண்டும் என லிண்ட்ஸே விரும்புதாகவும் ஆனால் அதற்கான போதிய பணம் அவரிடம் இல்லை எனவும் அவருக்கு நெருக்கமான வட்டாரங்கள் தெரிவித்துள்ளன. அமெரிக்காவில் இருப்பதை விட லண்டனில் வசிக்கும்போது தான் விரும்பிய வகையில் செயற்படுவதற்கு சுதந்திரம் இருக்கும் என லிண்ட்ஸே நம்புகிறார்.
லண்டனில் தான் பயன்படுத்தக்கூடிய வீடு தனது நண்பர்கள் யாரிடமும் உள்ளதா என லிண்ட்ஸே லோஹன் விசாரித்து வருகிறாராம். ஆனால் இதுவரை அவருக்கு லண்டனில் வீடு வழங்க நண்பர்கள் யாரும் முன்வரவில்லை எனக் கூறப்படுகிறது.

- See more at: http://www.metronews.lk/article.php?category=gossips&news=5641#sthash.RTR45rDI.dpuf