சூதாட்ட பிரியரை மயக்கி கொலை செய்த இளம்பெண்: காதலனுடன் கைது

லண்டனில் சூதாட்ட பிரியர் ஒருவரை இளம்பெண் ஒருவர் பணத்திற்காக தனது அழகால் மயக்கி கொலை செய்ததை பொலிசார் தற்போது கண்டுபிடித்துள்ளனர்.

லண்டனைச் சேர்ந்த மெஹ்மத் ஹசன் என்ற 56 வயது நபர், கடந்த மார்ச் மாதம் தனது வீட்டில் மர்மமான முறையில் கொலை செய்யப்பட்டு கிடந்தார்.

இந்த வழக்கை விசாரிக்க தொடங்கிய பொலிசாருக்கு இந்த கொலை தொடர்பாக எந்தத் துப்பும் கிடைக்காமல் இருந்தது.

பின்னர் பொலிஸார் நடத்திய தீவிர விசாரணையில் தற்போது பல திடுக்கிடும் தகவல்கள் தெரியவந்துள்ளன.

சூதாட்ட பிரியரான மெஹ்மத் ஹசன் கடந்த பெப்ரவரியில் லியோனி கிரான்ஞர் (25) என்ற இளம்பெண்ணை சந்தித்ததோடு, இருவரும் ஒரு மாதமாக நெருங்கிப் பழகியுள்ளனர்.

சூதாட்டத்தில் ஹசன் சம்பாதித்த பெருந்தொகையை அபகரிக்க திட்டமிட்ட லியோனி, கடந்த மார்ச் 23-ம் திகதி ஹசனுடன் சேர்ந்து லண்டனில் உள்ள பிரபல கேளிக்கை விடுதியில் மது அருந்தியுள்ளார்.

இதையடுத்து லியோனியை ஹசன் தனது வீட்டுக்கு அழைத்து சென்றபோது, அங்கும் அளவுக்கு அதிகமாக மது வகைகளை ஹசனுக்கு லியோனி பரிமாறியுள்ளார்.

அந்நேரத்தில் தனது காதலர் ஜாக்சன், நண்பர் சாண்ட்லரை வீட்டுக்கு வரவழைத்து, மூவரும் சேர்ந்து ஹசனை கட்டிப் போட்டு அடித்துள்ளனர். இந்த மூர்க்கத்தனமான தாக்குதலில் அவர் பரிதாபமாக உயிரிழந்தார்.

இந்நிலையில் தற்போது, இந்த வழக்கில் கேளிக்கை விடுதியில் ஹசனும் லியோனியும் நெருக்கமாக இருக்கும் சிசிடிவி கமெரா பதிவுகள் பொலிஸாருக்கு கிடைத்தது.

இதை தொடர்ந்து லியோனி, ஜாக்சன், சாண்ட்லர் ஆகிய மூவரும் கைது செய்யப்பட்டனர்.

பொலிசார் இதுபற்றி கூறுகையில், இந்த கொலைவழக்கில் அந்த மூவரும் குற்றத்தை ஒப்புக் கொள்ள மறுத்தாலும் சிசிடிவி கமெரா பதிவு வலுவான ஆதாரமாக உள்ளது என்று தெரிவித்துள்ளனர்.

மேலும், இந்த வழக்கு லண்டன் நீதிமன்றத்தில் தொடர்ந்து நடைபெற்று வருகிறது.

- See more at: http://www.canadamirror.com/canada/38320.html#sthash.CpQrNMe6.dpuf