மரபு வழித் தமிழ்த் தேசிய தக்கார் அவையம் – 10-ம் பதிவு

மரபு வழித் தமிழ்த் தேசிய தக்கார் அவையம் – 10-ம் பதிவு

நாள்: 07.07.2015

பெருந்தச்சு நிழல் நாட்காட்டியின்படி இவ்வாண்டின் 7-வது முழு நிலவு 02.07.2015 அன்று கடந்தது. 02.07.2015 அன்று இரவு 07.00 மணிக்குத் தோன்றி நள்ளிரவில் ½ மணி நேரம் பிந்தியதுடன் விடிந்த பின்னும் ½ மணி நேரம் போகாதிருந்தது. ஆயினும் சரிவிலிருந்து மீண்ட இரண்டாவது முழு நிலவாகக் கணக்கிடுவது பொருத்தமாகலாம். ஒருவேளை 8-வது முழுநிலவின் 30-ம் நாள் மேலும் பிந்தினால் 7-வது முழு நிலவையும் சேர்த்துத் தோல்வியுற்ற நிலவாகக் கணக்கிட்டுக் கொள்ளலாம். கடந்த ஆண்டில் 7 முழு நிலவுகள் முறையே ஒவ்வொரு நாள் பிந்திய நிலையில் இந்த ஆண்டும் அதே நிலை நீடிப்பதாகக் கணக்கிட்டுக் கொள்ளலாம்.

வளர்பிறையின் போக்கு:

வழக்கம் போலவே இம்முறை வளர்பிறை ஒவ்வொரு நாளும் தோன்றிய போது அது தெற்கு நோக்கி விலகிச் சென்றது. அவ்வாறான ஆடுதலைப் போக்கு  சரியான முழு நிலவில்தான் எல்லையைத் தொட்டது. மறுநாள் திரும்பத் தொடங்கி விட்டது. என்று எல்லையைத் தொடுகிறதோ அன்றே முழு நிலவு நாள் என்று அறுதியிட்டுக் கூறலாம். இது முழுநிலவின் தகுதியை உறுதிச் செய்யும் கூறுகளுள் முகாமையானது. அவ்வகையில் இம்முறை 01.07.2015-ல் கிழக்கு வானில் 06.30-க்குத் தோன்றிய நிலவை விடவும் மேலும் சற்று தெற்கு விலகி மறுநாள் 02.07.2015-ல் 07.00 மணிக்குத் தோன்றிய நிலவையே முறை முற்றிய முழு நிலவாகக் கருதலாம். 03.07.2015-ல் வடக்குத் திசையில் திரும்பி விட்டது. கதிரவனின் வட செலவு, தென் செலவு போல நிலவின் ஆடுதலை விலகலும் கூட பிறை முற்றுதலை உறுதிச் செய்யும் என்று கொள்ளலாம். ஆனால் 01-07-2015 அன்று முழுநிலவு என்ற பஞ்சாங்க கணிப்பு சரியா என்ற கேள்வி தமிழர்கள் முன் வைக்கப்படுகிறது.

இவ்வாண்டின் 7வது முழு நிலவின் நிலவரப்படி இதுவரை முதல் நான்கு நிலவுகள் வெற்றி நிலவுகளாகவும், 5-ம் நிலவினை அரவு தீண்டியதால் தோல்வி நிலவாகவும் 6-ம் நிலவினை வெற்றி நிலவாகவும், 7-ம் நிலவை வெற்றி தோல்வி இரண்டுக்கும் வாய்ப்புள்ள நிலவாகக் கொண்டு, 8-ம் நிலவு வரை காத்திருக்க வேண்டும். 8-ம் நிலவு வெற்றியென்றால் சீர்மை வெற்றி பெறுவதாகவும், 8-ம் நிலவில் பின்னடைவு என்றால் சீர்மை தடுமாறுகிறது என்றும் சார்பற்ற முறையில் பதிவுச் செய்யலாம்.

திருத்த முயற்சிக்கு முன்பாகப் பிழைகள் கண்டறிதல்:-

தமிழர்களின் மரபறிவின் படியில் ஆகட்டும், உலகம் எட்டித் தொட்டுள்ள அறிவியல் வளர்ச்சியின் படியில் ஆகட்டும், எந்த வகையில் திருத்தம் மேற்கொண்டாலும் அதற்கும் முன்பாகப் பிழையின் தகுதியைத் தெளிவாகக் கண்டறிதல் வேண்டும். திருத்தத்தை விடவும் பிழை கண்டறிதல் முதன்மையானது.

அரசின் பங்கு

பிழை கண்டறிதல், திருத்த முயற்சி, கொண்டாட்ட அறிவிப்பு இம் மூன்றில் கொண்டாட்ட அறிவிப்பு என்பது அரசின் முழு ஒப்புதல் இன்றி நடைபெறாது. அது தமிழ் மரபும் இல்லை. அறத்தின் நேர்மையை விரும்பும் யாரும் திருத்த முயற்சியை விரும்புவர். அது பற்றி வெளிப்படையாகப் பேசுவர். பிழை பற்றி யாரும் ஆய்வு செய்யலாம். வெளிப்படையாகக் கருத்துப் பரிமாற்றம் செய்யலாம். மரபு வழித் தமிழ்த் தேசியத் தக்கார் அவையம் தற்போது பிழை கண்டறியும் முயற்சியைத்தான் தொடங்கியிருக்கிறது.

அடுத்த மறைநிலவும் முழுநிலவும்:-

02.07.2015-ல் இவ்வாண்டின் 7-வது முழுநிலவைக் கண்டுக் கணக்கிட்டுள்ள நிலையில் அந்த நாளைத் தவிர்த்து 15-ம் நாளில், அதாவது 17.07.2015-ல் மறை நிலவு நாளைக் கணக்கிடலாம். அந்த நாளைத் தவிர்த்து அடுத்த 15-ம் நாளில் அதாவது 01.08.2015 அன்று 8-வது முழு நிலவுத் தோன்றிட வேண்டும் என்று எதிர்பார்க்கலாம். 31.07.2015 மற்றும், 01, 02.08.2015 ஆகிய மூன்று நாட்களையும் நன்கு உற்றுப் பார்த்த பிறகே 8-வது முழுநிலவு நாளைக் கணக்கிட வேண்டும்.

இடர்ப்பாடு:

நிலவு, மதி, பிறை, குழவித்திங்கள், கோடுவாய், உவவு, காருவா, பூரணை, காரி, காரி உண்டி, அரவு, திங்கள், கலை, சசி போன்ற ஒவ்வொரு சொல்லும் ஒவ்வொரு அறிவைத் தாங்கியுள்ள நிலையில் தமிழரின் மரபறிவானது, கிரேக்க வானவியல் பார்வையில் இருந்தும், இன்றைய அறிவியல் பார்வையில் இருந்தும் வேறுபடுவதைப் போலவே ஆரிய வைதிகப் பார்வையில் இருந்தும் அடியோடு வேறுபடுகிறது. என்பது உற்று நோக்கத் தக்கது. அது வரவேற்புக்குரியது என்பது தமிழர்களுக்கு மகிழ்ச்சியான செய்தியாகும்.

இவ்வாண்டின் முக்கிய கோட்ட வான் நிகழ்வுகள்

_-ooo000OOO000ooo-_