மனைவிகள் மோதலால் இரண்டாக உடைந்த ஆஸ்திரேலிய அணி!

 

ஆஸ்திரேலிய அணியின் இரு வீரர்களின் மனைவிகளுக்குள் ஏற்பட்ட மோதல் காரணமாக ஆஸ்திரேலிய அணி இரண்டாக உடைந்து விட்டதாக சிட்னி டெய்லி டெலிகிராப் செய்தி வெளியிட்டுள்ளது.
 

ஆஷஸ் தொடரில் ஆஸ்திரேலிய அணி கண்ட தோல்வியால்  அந்த அணியின் கேப்டன் மைக்கேல் கிளார்க் மீது கடும் விமர்சனம் எழுந்துள்ளது. மைக்கேல் கிளார்க் ஓய்வு குறித்து முன்னாள் வீரர் மேத்யூ ஹேடன் கூறுகையில், “ ஒரு போட்டியின் போது  பேட்ஸ்மெனுக்கு அருகில் ஷார்ட் லெக் திசையில் ஜஸ்டின் லாங்கர் பீல்டிங் செய்து கொண்டிருந்தார். ஏற்கனவே அவருக்கு காயம் ஏற்பட்டிருந்த நிலையில் லாங்கரால், அந்த இடத்தில் பீல்டிங் செய்ய முடியவில்லை. இளம் வீரராக அப்போதிருந்த மைக்கேல் கிளார்க்கை அந்த இடத்தில் நிறுத்த முடிவு செய்தோம்.

பொதுவாக இளம் வீரரைத்தான் அந்த இடத்தில் பீல்டிங் செய்ய வைப்பது வழக்கம். ஆனால் மைக்கேல் கிளார்க் அந்த இடத்தில் பீல்டிங் செய்ய மறுத்து விட்டார். அதோடு அவர் கூறிய பதில் கடும் அதிர்ச்சியை அளித்தது. “அந்த இடத்தில் பீல்டிங் செய்யதான் வேண்டுமென்றால் ஆஸ்திரேலிய அணிக்காக விளையாடுவதை விட்டு விடுகிறேன்'' என்று பதிலளித்தார் என ஹேடன் கூறியுள்ளார்.

ஆண்ட்ரூ சைமண்ட்ஸ் கூறுகையில், “ கிளார்க் அணியில் வீரர்களை பிரித்தாளுபவர், மைக்கேல் கிளார்க் எப்பவுமே ஆணித்தரமான சில கருத்துக்களை கொண்டிருப்பவர்.அவருடைய கருத்துக்கள் எப்போதுமே பிறரை காயப்படுத்தும். என்னிடம் கூட அவர் பல முறை மோதியுள்ளார். ஸ்டீவ் வாஹ், ரிக்கி பாண்டிங் போல மைக்கேல் கிளார்க் இயல்பான கேப்டன் இல்லை. மைக்கேல் கிளார்க்கின் கேப்டன் பதவி அதனால்தான் தற்போது விவாதப் பொருளாகியுள்ளது '' என்றார்.

இந்நிலையில் சிட்னி டெய்லி டெலகிராப் பத்திரிகை வெளியிட்டுள்ள செய்தியில், ஆஸ்திரேலிய அணியின் மூத்த வீரர்கள் இருவரின் மனைவிகளிடையே நீண்ட நாட்களாக மோதல் இருந்து வந்ததாகவும் அதுதான் அணி இரண்டாக உடைய காரணமாக இருந்துள்ளது என்று செய்தி வெளியிட்டுள்ளது.

விக்கெட் கீப்பர் பிராட் ஹேடின் குடும்ப விவகாரத்தால் ஒரு போட்டியில் பங்கேற்கவில்லை.  அடுத்த ஆட்டத்திலும் அஅவருக்கு வாய்ப்பு மறுக்கப்பட்டதால் குழப்பம் ஏற்பட்டுள்ளது.  அது மட்டுமல்ல ஆஸ்திரேலிய அணியின் கேப்டன் கிளார்க் அணி வீரர்களுடன் ஒரே பஸ்ஸில் பயணிக்க மறுத்துள்ளார்.இது மற்ற வீரர்களுக்கு எரிச்சலை ஏற்படுத்தியுள்ளது என்று செய்தி வெளியிட்டுள்ளது.

ஆனால் இது குறித்து மைக்கேல் கிளார்க் கூறுகையில், '' எனது மனைவிதான் எனது கிரிக்கெட் வெற்றிக்கு காரணமாக இருப்பவர். அணி வீரர்களுக்குள் எந்த பிளவும் கிடையாது ''என்றார்.

இதற்கிடையே ஆஸ்திரேலிய முன்னாள் ஜாம்பவான்இயார்ன் ஹீலே, '' ஆஸ்திரேலிய வீரர்கள் மனைவிகள், காதலிகளை  கூட  அழைத்து செல்லத் தடை விதிக்க வேண்டும். அடுத்த ஆஷஸ் தொடரை கைப்பற்றிய பின்தான் மீண்டும் மனைவிமார்களை அழைத்து செல்ல அனுமதிக்க வேண்டுமென்று கூறியுள்ளார்.

http://www.vikatan.com/news/article.php?aid=50834

ஆஷஸ் தோல்விக்கு குடும்பத்தை குறைகூறுவதா? - ஆஸ்திரேலிய வீரர்கள் காட்டம்

 

 

மைக்கேல் கிளார்க். | கோப்புப் படம்.

ஆஸ்திரேலிய அணி வீரர்களுடன் அவர்களது மனைவி மற்றும் குழந்தைகள் பயணம் செய்ததுதான் தோல்விகளுக்குக் காரணம் என்ற கருத்தை கிளார்க், வார்னர், ஜான்சன் ஆகியோர் காட்டமாக நிராகரித்தனர்.

நியூஸ் லிமிடட் குழும செய்தி ஊடகங்களில் ஆஸ்திரேலிய அணியின் கவனச் சிதறலுக்கு குடும்பமே காரணம் என்ற குற்றச்சாட்டுகள் எழுப்பப் பட்டது.

இதற்கு மைக்கேல் கிளார்க் கடுமையாக பதிலளிக்கும் போது, “load of shit” என்று வர்ணித்துள்ளார்.

டெலிகிராப் பத்தி எழுத்தாளர் ரெபக்கா வில்சன், எழுதும் போது, குடும்பத்தினருடன் ஆஸ்திரேலிய வீரர்கள் அதிக நேரம் செலவழித்ததாக குறிப்பிடதை எதிர்த்த மிட்செல் ஜான்சன், “நான் ரெபக்கா வில்சனுடன் விவாதிக்கவில்லை. அவரது கருத்து அராஜகமானது என்பதை மட்டும் நான் கூறிக்கொள்கிறேன். ஒவ்வொரு விநாடியையும் நாங்கள் குடும்பத்தினருடன் கழித்ததாக அவர் கூறுகிறார், இது தவறு என்பதுடன் இது அவருக்கு சம்பந்தமில்லாத ஒன்று. ஆனால் அவருக்கு தெரியவேண்டுமென்றால் என் மனைவியிடமும் குழந்தையிடமும் கேட்க வேண்டியதுதானே? விளையாட்டைப் பற்றி மட்டுமே அவர் எழுத வேண்டும் என்று கேட்டுக் கொள்கிறேன்” என்றார்.

அதே போல் ஆஸ்திரேலிய முன்னாள் விக்கெட் கீப்பர் இந்நாள் வர்ணனையாளர் இயன் ஹீலியும் வாழ்க்கைத் துணையுடன் ஆஷஸ் தொடருக்கு வருவது பற்றி தன் ஐயங்களை டிரெண்ட் பிரிட்ஜ் டெஸ்ட் போட்டிக்கு முன்னதாக எழுப்பியிருந்தார்.

இது பற்றி டேவிட் வார்னர் கூறும்போது, “இயன் ஹீலியிடம் இதுபற்றி அன்று பேசினேன். இந்தியா, வங்கதேசம், இலங்கை ஆகிய நாடுகளுக்கு எங்கள் வாழ்க்கைத் துணை வரப்போவதில்லை என்பதை அவர்கள் புரிந்து கொள்ளும் மனநிலையில் இல்லை. ஏனெனில் அங்கு அவர்களைக் கூட்டிச் செல்வதற்கு சரியான சூழ்நிலை அங்கு இல்லை, தென் ஆப்பிரிக்க ஏ அணி வீரர்கள் நச்சு உணவு உட்கொண்டு மருத்துவமனையில் இருக்கும் செய்தியை இப்போதுதான் பார்த்தேன்.

ஆனால் எனக்கு, கிரிக்கெட் பயணத்தின் போது என் குடும்பத்தினர் என்னுடன் இருப்பது பிடித்தமானதே. பணிக்குச் சென்று திரும்புபவர்கள் அவர்கள் குடும்பத்தினரை மாலையில் வந்து பார்க்கும் போது மகிழ்ச்சி அளிப்பதில்லையா? அன்று எங்களுக்கு மோசமான தினமாக அமைந்தது, நாங்கள் ஓய்வறையில் இது குறித்து பேசினோம். வாழ்க்கைத் துணை, குழந்தை அருகில் இருப்பது ஒரு அருமையான விஷயம்.

வீரர்கள் சரியாக ஆடாதபோது சில கதைகள் கசிவது சகஜமே. அதாவது குடும்பத்தினர் அருகில் இருந்தனர், வீரர்கள் பேசிக்கொள்வதில்லை போன்ற கதைகள் உருவாவது சகஜமே. ஆனால் அப்படியெல்லாம் ஒன்றும் இல்லை.” என்றார்.

http://tamil.thehindu.com/sports/ஆஷஸ்-தோல்விக்கு-குடும்பத்தை-குறைகூறுவதா-ஆஸ்திரேலிய-வீரர்கள்-காட்டம்/article7526711.ece