பிரித்தானிய அரசாங்கத்தை புலிகளின் மீதான தடையை விலக்கக் கோரி மனு.

பிரித்தானிய அரசாங்கத்தை தமிழீழ விடுதலைப்புலிகள் மீதான தடையை நீக்குமாறு கோரி ஆளும் தொழில்கட்சி பாராளுமன்ற உறுப்பினர்கள் இருவரும் வர்த்தகர்கள் கூட்டமைப்பு அலுவலர்களும் மனு கொடுத்துள்ளனர்.

இது தொடர்பில் மேலும் தெரியவருகையில் Jeremy Corbyn, John McDonnellபோன்ற ஆளும் கட்சி பாராளுமன்ற உறுப்பினர்களும் மற்றும் யுனிசன், ஆர்.எம்.ரி, சிடபிள்யு (UNISON, RMT and CWU)போன்ற பல வர்த்தக சங்கங்களும் இம்மனுவில் கையெழுத்திட்டுள்ளதாக அறியமுடிகிறது.

சிறீலங்கா அரசாங்கம் தமிழ்மக்கள் மீதான பிரகடனப்படுத்தப்படாத யுத்தத்தை மேற்கொண்டுள்ளதாகவும் தமிழ் மக்கள் இருதசாப்தங்களுக்கு மேலாக சுயநிர்ணய உரிமைக்காக போராடி வருவதாகவும், சிங்கள மக்களால் 2005 ம் ஆண்டு தெரிவு செய்யப்பட்ட சிறீலங்கா ஐனாதிபதி 2002 ம் ஆண்டு போர்நிறுத்த ஒப்பந்தத்தை அடிக்கடி மீறீ வருவதாகவும் குறிப்பாக வான்வெளித்தாக்குதல்களை மேற்கொள்வதாகவும் கடந்த ஓகஸ்ட் மாதம் சிறீலங்கா அரசாங்கம் மேற்கொண்ட வான் தாக்குதலில் 50 செஞ்சோலை சிறார்கள் கொல்லப்பட்டதையும் அம் மனு சுட்டிக்காட்டியுள்ளது.

போருக்கு எதிராக குரல் கொடுப்பவர்கள் கடும் அழுத்தங்களுக்கு உள்ளாவதாகவும், கடந்த நவம்பர் மாதம் 9ம் திகதி நாடாளுமன்ற உறுப்பினர் நடராஐh ரவிராஜ் அவர்கள் கொழும்பில் சுட்டுக் கொல்லப்பட்டுள்ளதாகவும் மற்றும் ஏனைய ஆர்வலர்களுக்கு கொலை அச்சுறுத்தல் விடுக்கப்பட்டுள்ளதாகவும் அம் மனு நீண்டு செல்கிறது.

www.pathivu.com

பிரித்தானியாவில் விடுதலைப் புலிகள் மீதான தடையை நீக்க கோரிக்கை

[வெள்ளிக்கிழமை, 29 டிசெம்பர் 2006, 03:36 ஈழம்] [ந.ரகுராம்]

தமிழீழ விடுதலைப் புலிகள் மீதான தடையை பிரித்தானியா நீக்க வேண்டும் என்றும் தமிழ் மக்களின் சுயாட்சி உரிமைகளை அங்கீகரிக்க வேண்டும் என்றும் கோரி பிரித்தானிய ஆளும் கட்சி நாடாளுமன்ற உறுப்பினர்கள் இருவரும் வர்த்தக சங்க அதிகாரிகளும் கோரிக்கை மனு சமர்ப்பித்துள்ளனர்.

ஆளும் தொழிற்கட்சி நாடாளுமன்ற உறுப்பினர்களான ஜோன் மக்டொனால்ட், ஜேர்மி கோபின் ஆகியோரும் யுனிசன், ஆர்.எம்.ரி, சி.டபிள்யூ.யூ போன்ற வர்த்தக சங்கங்களின் பிரதிநிதிகளும் கையெழுத்திடப்பட்ட இந்த மனு பிரித்தானிய அரசிடம் சமர்ப்பிக்கப்பட்டுள்ளது.

மனுவின் முழு விபரம்:

கடந்த இரு தசாப்தங்களுக்கும் மேலாக தமது ஆளும் உரிமைகளுக்காக போராடும் தமிழ் மக்கள் மீது சிறிலங்கா அரசு பிரகடனப்படுத்தாத போரை ஆரம்பித்துள்ளது.

2005 ஆம் ஆண்டு நவம்பர் மாதம் சிங்கள இனவாதிகளால் தெரிவு செய்யப்பட்ட மகிந்த ராஜபக்ச அரசு, 2002 இல் அரசுக்கும் விடுதலைப் புலிகளுக்கும் இடையில் செய்து கொள்ளப்பட்ட போர்நிறுத்த ஒப்பந்தத்தை முற்றாக மீறியுள்ளது.

சிறிலங்கா அரசினால் மேற்கொள்ளப்ட்டு வரும் விமானக்குண்டு வீச்சுக்கள், போர்நிறுத்தத்தை மீறும் செயலாகும்.

கடந்த ஓகஸ்ட்டில் செஞ்சோலை சிறுவர் பராமரிப்பு இல்லத்தின் மீது மேற்கொள்ளப்பட்ட விமானக்குண்டு வீச்சில் 50 சிறுவர்கள் கொல்லப்பட்டுள்ளனர்.

போரை எதிர்ப்போர் மீது சிறிலங்கா அரசினால் கடுமையான அழுத்தங்கள் இடப்பட்டு வருகின்றன.

தமிழ் நாடாளுமன்ற உறுப்பினரான நடராஜா ரவிராஜ் கொழும்பில் சுட்டுக்கொல்லப்பட்டார். ஏனைய ஆதரவாளர்களுக்கும் கொலை மிரட்டல் விடுக்கப்பட்டுள்ளது.

வெளியுலக ஆதரவுகள் மகிந்தவின் இந்த போர் நடவடிக்கைகளுக்கு ஊக்கமளித்து வருகின்றன.

விடுதலைப் புலிகளை பயங்கரவாதிகளாக ஐரோப்பா தடைசெய்த போது, பிரித்தானியாவின் சான்கஸ்ற் பகுதியில் சிறிலங்கா இராணுவ அதிகாரிகளுக்கு பயிற்சி அளிக்கப்பட்டுள்ளது.

விடுதலைப் புலிகள் மீதான தடையை நீக்க வேண்டும் என்று பிரித்தானிய அரசையும் சர்வதேச அமைப்புக்களையும் நாம் கேட்டுக்கொள்வதுடன் சிறிலங்கா அரசுக்கும் பின்வரும் கோரிக்கைகளை முன்வைக்கிறோம்.

à விமானக்குண்டு வீச்சுக்களை நிறுத்த வேண்டும்.

à துணை இராணுவக் குழுக்களுக்கான ஆதரவையும், மக்களை காணாமல் போவதையும் நிறுத்த வேண்டும்.

à ஏ-9 பாதையை திறப்பதுடன் மக்களுக்கு அத்தியாவசியப் பொருட்கள் கிடைக்கவும் ஏற்பாடு செய்ய வேண்டும்.

à தமிழ் மக்களால் ஏற்றுக்கொள்ளக்கூடிய தீர்வை முன்வைக்ககூடிய பேச்சுக்களை மீண்டும் ஆரம்பிக்க வேண்டும்.

-புதினம்

நகைச்சுவைக்கு ஒரு அள்வே இல்லையா? :P