மருந்துகள் அற்ற கிளிநொச்சி மருத்துவமனை

மருந்துகள் அற்ற கிளிநொச்சி மருத்துவமனை

மன்னார் இலுப்பைக்கடவையில் சிறிலங்கா வான் படையினர் நடத்திய கொடூர வான் குண்டுவீச்சுத் தாக்குதலில் காயமடைந்த மக்கள் 50 கி.மீ. தூரத்தில் உள்ள கிளிநொச்சி மருத்துவமனையில் அனுமதிக்கப்பட்ட நிலையில் அங்கு மருந்துப் பொருட்கள் தீர்ந்து போகும் நிலையில் உள்ளதாக மருத்துவமனை வட்டாரங்கள் தெரிவித்துள்ளன.

அத்தியாவசிய மருந்துப் பொருட்கள் தீர்ந்து போகும் நிலையில் இருப்பதால் அவற்றை உடனடியாக அனுப்புமாறு பல மாதங்களாக வேண்டுகோள் விடுக்கப்பட்டு வருகின்றது.

காயமடையும் மக்களுக்கு அடிப்படையாக தேவைப்படும் மருந்துப் பொருட்களின் கையிருப்பு கீழுள்ள அட்டவணையில் தரப்பட்டுள்ளது.

இலக்கம் மருந்தின் பெயர் 2006 இன் தேவை பெறப்பட்டது கையிருப்பு

1 Tablet Metronidazole (200mg) 300000 156000 இல்லை

2 Injection Ampicillin (250mg) 40000 18898 300

3 Injection Cloxacillin (20 mg) 50000 31000 5000

4 Syringe Amoxyl , Clavulanic acid 3000 422 80

5 Bandage W.O.W 40000 5200 600 6 Cotton wool (500gms) 600 427 100

7 Gauze Absorbent 70000 மீற்றர்ஸ் 27600 மீற்றர்ஸ் 1800 மீற்றர்ஸ்

8 Plaster adhesive 1000 ரோல் இல்லை 20

மருந்துப் பொருட்களின் தட்டுப்பாட்டை நிவர்த்தி செய்ய உதவுமாறு அனைத்துலக செஞ்சிலுவைச் சங்கத்திடமும் ஐக்கிய நாடுகள் சபையிடமும் கடந்த மூன்று மாதங்களாக கிளிநொச்சி மருத்துவமனை மருத்துவ நிபுணர் சதானந்தன் வேண்டுகோள் விடுத்திருந்தார். ஆனால் சிறிலங்கா பாதுகாப்பு அமைச்சின் கெடுபிடிகளால் இந்த சர்வதேச அமைப்புக்களால் உதவ முடியாது போய்விட்டது என்று தெரிவிக்கப்படுகின்றது.

சிறுவர்களுக்கான மனிதாபிமானப் பணிகளை தடை செய்வது ஐக்கிய நாடுகள் பாதுகாப்புச் சபை தீர்மானம் 1612 இன்படி குற்றச் செயலாகும்.

-புதினம்