ஊழல்களுக்கு எதிரான நடவடிக்கைகளே எமது வெற்றியாகும் : ஊழல் எதிரான சர்வதேச மாநாட்டில் ஜனாதிபதி தெரிவிப்பு

 

இலஞ்ச ஊழல் நடவடிக்கைகளுக்கு எதிராக கடந்த ஒன்றரை வருடங்களாக  அரசாங்கம் முன்னெடுத்து வரும் செயற்பாடுகளே எமக்கு கிடைத்த மிகப்பெரிய வெற்றி  என ஜனாதிபதி மைத்திரிபால சிறிசேன தெரிவித்தார்.

மேலும் இலங்கையை முற்றாக ஊழல் அற்ற நாடாக உருவாக்க அனைத்து நடவடிக்கைகளையும் முன்னெடுத்துள்ளதாகவும் அவர் தெரிவித்தார்.

பிரித்தானிய பிரதமர் டேவிட் கெமரூன் தலைமையில்,  லண்டன் நகரில் இடம்பெறகின்ற ஊழல் எதிர்ப்பு சர்வதேச மாநாட்டில் கலந்து கொண்டு உரையாற்றும் போதே ஜனாதிபதி மைத்திரிபால சிறிசேன இதனைத் தெரிவித்தார்.

இம் மாநாட்டில் கருத்து தெரிவித்த பிரித்தானிய பிரதமர் டேவிட் கெமரூன்,ஊழல் ஒழிப்புத் திட்டத்தினை நாங்கள் 3 முறையில் முன்னெடுக்கவுள்ளோம். 

ஊழலில் ஈடுபடுபவர்களை இனங்காணுதல், அவர்களுக்கான தண்டனை தொடர்பில் ஆராய்தல், ஊழல் அற்ற அரசாங்கம்,வியாபாரம் மற்றும் விளையாட்டு துறையினை உருவாக்குல் என்பனவே எமது குறிக்கோள்களாகும்.

http://www.virakesari.lk/article/6319

'ஊழல் சொத்துக்களை எங்கிருந்தாலும் மீட்டெடுப்போம்': இலங்கை ஜனாதிபதி

 

ஊழல் மூலம் சேர்க்கப்பட்ட சொத்துக்களை எங்கிருந்தாலும் மீட்டெடுக்க இலங்கை அரசு உறுதியான நடவடிக்கைகளை எடுக்கும் என்று ஜனாதிபதி மைத்திரிபால சிறிசேன தெரிவித்துள்ளார்.

 

லண்டனில் நடைபெற்றுவரும் ஊழலுக்கு எதிரான சர்வதேச மாநாட்டில் கலந்துகொண்டு உரையாற்றுகையிலேயே இவர் இவ்வாறு கூறினார்.

நாட்டிலிருந்து சொத்துக்களை திருடிச் சென்றவர்களை கண்டுப்பிடிப்பதற்காக சர்வதேசத்தின் உதவியை எதிர்பார்ப்பதாக ஜனாதிபதி மைத்திரிபால சிறிசேன இங்கு தெரிவித்தார்.

ஊழலுக்கு எதிரான கூட்டு சர்வதேச மையம் ஒன்றை அமைப்பதற்கு மாநாடு பரிந்துரை செய்துள்ளமை தொடர்பில் மகிழ்ச்சியைடைவதாக தெரிவித்த அவர், ஊழலை ஒழிக்கும் நடவடிக்கையில் இலங்கை அர்ப்பணிப்புடன் செயற்படும் என்றும் கூறினார்.

ஊழலுக்கு எதிரான மாநாட்டில் உரையாற்றுவதற்கு முன்னதாக பிரிட்டிஷ் பிரதமர் டேவிட் கெமரன் உள்ளிட்ட முக்கியஸ்தர்கள் பலரையும் ஜனாதிபதி மைத்திரிபால சந்தித்து பேச்சு நடத்தியிருந்தார்.

http://www.bbc.com/tamil/sri_lanka/2016/05/160512_maihree_corruption