பாகிஸ்தான் மாடல் அழகி கந்தீல் பலூச் கொலை

   

பாகிஸ்தானின் சர்ச்சைக்குரிய சமூக ஊடக பிரபலமான மாடல் அழகி கந்தீல் பலூச், கெளரவ கொலைகளின் வெளிப்பாடாக, தனது சகோதரரால் கொலை செய்யப்பட்டுள்ளார் என்று அதிகாரிகள் தெரிவித்துள்ளனர்.

பொதுவெளியில் தைரியமாக தனது புகைப்படங்களை பதிந்ததற்காகவே பிரபலம் பெற்றவர் கந்தீல் பலூச்.

 

சில நேரங்களில் வெளிப்படையான புகைப்படங்கள், வீடியோக்கள் மற்றும் கருத்துக்களை பொதுவெளியில் பகிர்ந்து வந்தார்.

தன்னை தற்கால நவீன பெண்ணியவாதியாக வர்ணித்துக் கொண்டார். ஆனால், பழமைவாதிகள் அவருடைய நடவடிக்கைகளுக்கு எதிர்ப்புக் தெரிவித்தனர்.

 

பாகிஸ்தானில் முக்கிய மதகுருக்களில் ஒருவரான முஃப்தி குவாவி உடன் அவர் எடுத்து கொண்ட புகைப்படம் வெளியானதை தொடர்ந்து தலைப்பு செய்திகளில் இடம்பிடித்தார் கந்தீல் பலூச்.

 

அந்த சம்பவத்தின் விளைவாக மதகுருவின் நற்பெயருக்கு களங்கம் ஏற்பட்டது.

கந்தீல் பலூச் குரல்வளையை அவருடைய சகோதரர் நெரித்துக் கொன்றதாக போலீசார் குற்றம் சாட்டி உள்ளனர்.

http://www.bbc.com/tamil/global/2016/07/160716_qandeel_baloch_dead?ocid=socialflow_facebook

நிர்வாண சவால் புகழ் பாகிஸ்தான் மாடல் கொலை!

'கடந்த 2015 ம் ஆண்டு நடந்த டி20 கிரிக்கெட் தொடரில்,  பாகிஸ்தான் அணி இந்தியாவை வீழ்த்தினால்  நிர்வாணமாக ஓடுவேன்' என்று அறிவித்திருந்த பாகிஸ்தான் மாடல் அழகி குவான்டில் பலோச்,  அவரது சகோதரராலேயே கொலை செய்யப்பட்டுள்ளார்.

பாகிஸ்தானை சேர்ந்த குவான்டில் பலோச், கடந்த டி20 உலகக் கோப்பை போட்டியின்போது இத்தகைய அறிவிப்பை வெளியிட்டிருந்தார். அதுமட்டுமல்லாது,  இணையங்களிலும் தனது கவர்ச்சி புகைப்படங்களை  வெளியிடுவதை வழக்கமாக கொண்டிருந்தார்.

 

அண்மையில் இம்ரான்கான் கட்சியை சேர்ந்தவரும், மத குருவுமான முஃப்தி அப்துல் குவாய் என்பவருடன் செல்ஃபி எடுத்து,  அதனை ஃபேஸ்புக்கில் பதிவிட்டிருந்தார். இந்த புகைப்படங்கள் கடும் சர்ச்சையை ஏற்படுத்தியிருந்தன. இதனைத் தொடர்ந்து முஃப்தி அப்துல் குவாய் மத நடவடிக்கைகளில் ஈடுபடத் தடை விதிக்கப்பட்டது. 

இந்த நிலையில் இன்று குவான்டில், முல்தானில் உள்ள அவரது வீட்டில் கொலை செய்யப்பட்டுக் கிடந்தார்.  குவான்டிலை அவரது சகோதரரே கொலை செய்துள்ளதாக பாகிஸ்தான் போலீஸ் அறிவித்துள்ளது. ஆனால் அவர் இன்னும் கைது செய்யப்படவில்லை.

குவான்டிலுக்கு 17 வயதிலேயே அவரது பெற்றோர் திருமணம் செய்து வைத்தனர். ஒரு வருடத்திலேயே அந்த பந்தம் முறிவுக்கு வந்தது. தினம் தினம் தன்னை கணவர் சித்ரவதை செய்ததாக குவான்டில் கூறியது உண்டு. அவருடன் குடும்பம் நடத்த முடியாமல், குழந்தையுடன் ஆப்கானிஸ்தானில் உள்ள  தாரூல் அமானில் போய் அகதியாக வாழ்க்கை நடத்தி வந்தார். பின்னர் தாய்நாடு திரும்பிய குவான்டில், அடிக்கடி சர்ச்சைக்குரிய படங்களை வெளியிட்டு வந்தார். 

http://www.vikatan.com/news/world/66243-pakistani-model-qandeel-baloch-killed.art

மாடல் அழகியின் உயிரை பறித்த ஆபாச வீடியோ (வீடியோ இணைப்பு)

 

ஆபாச வீடியோ சர்ச்சையின் காரணமாக மாடல் அழகியொருவர் கொலைச் செய்யப்பட்ட சம்பவம் பாகிஸ்தானில் இடம்பெற்றுள்ளது.

குறித்த பெண்ணின் ஆபாச வீடியோவை பேஸ்புக்கிற்கு பதிவேற்ற வேண்டாமென அவரது சகோதரன் தெரிவித்த போதிலும் அவர் கூறியதை செவிமடுக்காது பேஸ்புக்கில் பதிவேற்றயமையினால் ஆத்திரமடைந்த அவர் குறித்த கொலையை மேற்கொண்டுள்ளார்.

பாகிஸ்தானில் பெண்களுக்கு கடும் கட்டுப்பாடுகள் விதிக்கப்பட்டு உள்ளன. இவற்றை மீறுவோரை குடும்பத்தினர் அல்லது உறவினர்களே கொலை செய்து தண்டனை நிறைவேற்றுகின்றனர். அந்தவகையில் கடந்த ஆண்டு மட்டும் அங்கு 1,096 பெண்கள் கௌரவக்கொலை செய்யப்பட்டு உள்ளனர். இந்த எண்ணிக்கை அங்கு நாளுக்கு நாள் பெருகிவரும் நிலையில், சமீபத்திய நிகழ்வாக பிரபல நடிகை குவான்டீல் பலூச் (வயது 26) கௌரவக்கொலைக்கு ஆளாகி இருப்பது பெரும் அதிர்ச்சியை ஏற்படுத்தியது. 

குவாண்டீல் பலூச் ’ஆணவக்கொலைக்கு பல்வேறு தரப்பில் கண்டனம் எழுந்து உள்ளது.

மாடலிங் மற்றும் நடிப்புத்துறையில் கால்பதித்து இருந்த குவான்டீல்  பலூச், தனது கவர்ச்சிப்படங்களையும், வீடியோ பதிவுகளையும் சமூக வலைத்தளங்களில் பரவ விடுவதன் மூலம் அடிக்கடி செய்திகளில் அடிபட்டு வந்தார். 

அத்துடன் தனது அதிரடி அறிவிப்புகளால் பாகிஸ்தானியர் மட்டுமின்றி, இந்தியர்களின் கவனத்தையும் ஈர்த்தார். கடந்த இருபதுக்கு20 உலககிண்ண கிரிக்கெட் போட்டியின் போது இந்தியாவை பாகிஸ்தான் அணி வென்றால், நிர்வாண நடனம் ஆடப்போவதாக அறிவித்தார். இது அப்போது இரு நாட்டு ரசிகர்கள் மத்தியில் பெரும் பரபரப்பை ஏற்படுத்தியது. 

அதுமட்டுமின்றி பாகிஸ்தான் கிரிக்கெட் அணியின் முன்னாள் கேப்டனும், தற்போதைய எதிர்க்கட்சி தலைவருமான இம்ரான்கானை திருமணம் செய்வதற்கு பலமுறை வெளிப்படையாக விருப்பம் தெரிவித்து இருந்தார். இப்போது சொந்த அண்ணனால் கழுத்தை நெரித்து கொலை செய்யப்பட்டு உள்ளார். 

கொலை தொடர்பாக பொலிஸார் வழக்குப்பதிவு செய்து விசாரித்து வருகின்றனர். பொலிஸார் வாசீம்மை கைது செய்தனர். வாசீம் ’குடும்ப கௌரவத்தை காக்கவே கொலைசெய்தேன்’ என ஒப்புதல் வாக்குமூலம் அளித்து உள்ளார்.

“குவாண்டீல் பலூச் தொடர்ந்து குடும்ப கௌரவத்திற்கு கலங்கத்தை ஏற்படுத்தி வந்தார், இதனை தொடர்ந்தும் என்னால் சகித்துக் கொள்ளமுடியவில்லை. எனவே வெள்ளிக்கிழமை இரவு எல்லோரும் தூங்க சென்றபோது 11 மணியளவில் கழுத்தை நெறித்து கொலை செய்தேன். என்னுடைய அண்ணனுக்கு இதில் தொடர்பு கிடையாது,” என்று வாசீம் கூறியுள்ளார். 

26 வயதாகும் குவான்டீல் பலூச்சின் இயற்பெயர் பௌவுசியா அசீம். மாடலிங் தொழிலுக்கு வந்த பின்னர் தனது பெயரை மாற்றிக்கொண்டார்.17 வயதில் திருமணம் செய்து கொடுக்கப்பட்ட குவான்டீல் பலூச் 3 பேரை திருமணம் செய்து, அவர்களிடம் இருந்து பிரிந்து வந்துவிட்டார். அவருக்கு ஒரு மகன் இருக்கின்றமை குறிப்பிடத்தக்கது.

http://www.virakesari.lk/article/9080