மத்திய லண்டனில் தாக்குதல் ; மக்கள் அச்சத்தில்

 

மத்திய லண்டனில் ரஸ்ஸல் சதுக்கத்திற்கு அருகில் நடத்தப்பட்ட தாக்குதலில் ஒருவர் பலியானதுடன் ஐவர் காயமடைந்துள்ளதாக தெரிவிக்கப்படுகின்றது.

கையில் கத்தியுடன் வந்த நபர் பொது மக்கள் மீது தாக்குதல் நடத்தியுள்ளதாக அந்நாட்டு ஊடகங்கள் தகவல் வெளியீட்டுள்ளன.

குறித்த தாக்குதலில் ஈடுப்பட்ட 19 வயதுடைய சந்தேக நபர் பொலிஸாரினால் கைது செய்யப்பட்டுள்ளார்.

இத் தாக்குதல் தீவிரவாதிகளின் நடவடிக்கையாக இருக்கலாமென தெரிவிக்கப்படுகின்றது.

 

http://www.virakesari.lk/article/9766

லண்டன் கத்திக்குத்து சம்பவம்: சோமாலிய வம்சாவளியை சேர்ந்த 19 வயது தாக்குதல்தாரி

 

மத்திய லண்டனில் அமெரிக்க பெண் ஒருவரை கத்தியால் குத்தி கொன்றதாக சோமாலிய வம்சாவளியை சேர்ந்த 19 வயதுடைய நார்வே நபரை சந்தேகத்தின் பேரில் போலிசார் கைது செய்துள்ளனர்.

புதன்கிழமை இரவன்று நடந்த தாக்குதலில் மேலும் ஐந்து பேர் காயம் அடைந்துள்ளனர்.

மனநல பிரச்சினைகள் காரணமாக இந்த கத்தி குத்துத் தாக்குதல் நடந்திருக்க வாய்ப்புகள் இருப்பதாக போலிஸ் தெரிவித்துள்ளது.

இஸ்லாமியவாத தீவிரவாதத்துடன் தொடர்பு அல்லது தீவிரவாத கொள்கைகளால் அவர் நெறிப்படுத்தப்பட்டதற்கான ஆதாரங்கள் எதுவும் சிக்கவில்லை என போலிசார் தெரிவித்துள்ளனர்.

தாக்குதல்தாரி என சந்தேகிக்கப்படும் நபர் இந்த தாக்குதல் நடத்தியதற்கான ஒரு பொருத்தமான காரணம், அவரது வம்சாவளி நாட்டை சார்ந்தது இல்லை என போலிசார் தெரிவித்துள்ளார்.

http://www.bbc.com/tamil/global/2016/08/160804_london_knife