சவாலை எதிர்கொள்வதற்கு தயாராகும் அரசாங்கம்

புதிய அர­சி­ய­ல­மைப்பு பூர்­வாங்க வரைவு நவம்­பரில் வர­வு-­ – செ­லவுத் திட்டம் மீதான விவாதம் நடை­பெ­று­வ­தற்கு முன்­ன­தாக பாரா­ளு­மன்­றத்தில் சமர்ப்­பிக்­கப்­படும் என்று அர­சாங்­கத்­த­லை­வர்கள் கூறிக்­கொண்­டி­ருக்­கி­றார்கள். புதிய அர­சி­ய­ல­மைப்பை நடை­மு­றைப்­ப­டுத்த வேண்­டு­மானால் சர்­வ­ஜ­ன­ வாக்­கெ­டுப்­பொன்றில் மக்­களின் அங்­கீ­கா­ரத்தை அர­சாங்கம் பெற­வேண்டும். அத்­த­கைய வாக்­கெ­டுப்பில் மக்கள் புதிய அர­சி­ய­ல­மைப்பு வரைவை நிரா­க­ரிப்­பார்­க­ளாக இருந்தால், அதுவே அர­சாங்­கத்தின் வாட்­டர்­லூ­வாக இருக்­கலாம்.

புதிய அர­சி­ய­ல­மைப்பின் பல்­வேறு அம்­சங்கள் குறித்தும் ஆராய்ந்து அறிக்­கை­களைத் தயா­ரிப்­ப­தற்­கென்று நிய­மிக்­கப்­பட்­டி­ருந்த 6 பாரா­ளு­மன்ற உப­கு­ழுக்­களில் 5 குழுக்கள் அவற்றின் பணி­களைப் பூர்த்தி செய்­து­விட்­ட­தாக பொது­மக்கள் பிர­தி­நி­தித்­துவ குழுவின் தலை­வ­ரான மூத்த சட்­டத்­த­ரணி லால் விஜே­நா­யக்க கடந்­த­வாரம் தெரி­வித்­தி­ருந்தார். பிர­தமர் ரணில் விக்­கி­ர­ம­சிங்­க­வினால் இவ்­வ­ருட ஆரம்­பத்தில் நிய­மிக்­கப்­பட்ட 19 உறுப்­பி­னர்­களைக் கொண்ட பொது­மக்கள் பிர­தி­நி­தித்­து­வக்­குழு அர­சி­ய­ல­மைப்பு வரைவுச் செயன்­மு­றை­க­ளுடன் தொடர்­பு­டைய விவ­கா­ரங்கள் குறித்து பொது­மக்­க­ளுடன் ஆலோ­சனை கலப்­ப­தற்கு விசேட முயற்­சி­களை மேற்­கொண்­டி­ருந்­தது. பொது­மக்கள் மத்­தியில் இருந்து பல்­வேறு தரப்­பினால் யோச­னைகள் இக்­கு­ழு­வுக்கு சமர்ப்­பிக்­கப்­பட்­டி­ருந்­தன. புதிய அர­சி­ய­ல­மைப்பை வரையும் போது அந்த யோச­னைகள் கருத்­தி­லெ­டுக்­கப்­படும் என்று லால் விஜே­நா­யக்க உறு­தி­ய­ளித்தார். மிகவும் மட்­டுப்­ப­டுத்­தப்­பட்ட ஒரு கால கட்­டத்­திற்குள் மேற்­கொள்­ளப்­பட்­டி­ருந்­தாலும் கூட, இத்­த­டவை இடம்­பெற்ற பொது மக்­க­ளு­ட­னான கலந்­தா­லோ­சனைச் செயன்­மு­றைகள் இலங்­கையைப் பொறுத்­த­வரை ஒரு புதிய நிகழ்வுப் போக்­காகும். 1972 ஆம் ஆண்­டிலும் 1978 ஆம் ஆண்­டிலும் முதல் இரு குடி­ய­ரசு அர­சி­ய­ல­மைப்­பு­களும் அர­சி­யல்­வா­திகள் மத்­தியில் இருந்தும் சட்­டத்­த­ர­ணிகள் மத்­தியில் இருந்தும் தெரிவு செய்­யப்­பட்ட சில நபர்­க­ளி­னா­லேயே வரை­யப்­பட்­டன. மக்­க­ளுடன் ஆலோ­சனை கலக்­காமல், அவர்­களின் கருத்­துக்­களை அறிந்து கொள்­ளாமல், மிகவும் முக்­கி­யத்­துவம் வாய்ந்த தீர்­மா­னங்கள் அவ்­விரு சந்­தர்ப்­பங்­க­ளிலும் எடுக்­கப்­பட்­டி­ருந்­தன.

1972 அர­சி­ய­ல­மைப்பை வரைந்­த­வர்கள் நீதித்­து­றையை அர­சாங்­கத்தின் நிறை­வேற்று அதி­கார பிரி­வுக்கு (Executive Branch of Government) கீழ் நிலைப்­பட்­ட­தாக்கத் தீர்­மா­னித்­ததன் மூல­மாக ஆட்­சி­மு­றையில் தவ­றுகள் இடம்­பெ­று­வதைத் தடுக்கக் கூடிய ஏற்­பா­டு­களை (Checks and Balances) பற்­றிய கோட்­பாட்டை பல­வீ­னப்­ப­டுத்­தினர். நாட்டை எதேச்­சா­தி­கார ஆட்­சியின்

திசையில் இழுத்­துச்­சென்ற அந்த முக்­கி­ய­மாற்­றங்கள் தொடர்பில் மக்­க­ளுடன் கலந்­தா­லோ­சனை நடத்­தப்­ப­ட­வில்லை.

அந்த எதேச்­சா­தி­கார ஆட்­சிப்­போக்கு இன்­றுதான் மாற்­றி­ய­மைக்­கப்­பட்டுக் கொண்­டு­வ­ரு­கி­றது.

1978 அர­சி­ய­ல­மைப்பை வரைந்­த­வர்கள் நிறை­வேற்று அதி­கார ஜனா­தி­பதி பத­வியில் மட்டும் மீறிய அதி­கா­ரங்­களைக் குவிப்­ப­தற்குத் தீர்­மா­னித்­தார்கள். மீண்டும் மக்­களின் சம்­மதம் இல்­லாமல், முன்­னெ­டுக்­கப்­பட்ட அந்தச் செயன்­முறை எதேச்­சா­தி­கார ஆட்­சியை மேலும் வலுப்­ப­டுத்­தி­யது.

கடந்த காலத்தைப் போலன்றி, இத்­த­டவை அர­சாங்கம் பொது­மக்­க­ளுடன் ஆலோ­சனை நடத்­தி­யது. அந்த ஆலோ­சனைச் செயன்­மு­றை­களின் இலட்­ச­ணங்கள் குறித்து விச­னங்கள் வெளி­யி­டப்­பட்­டி­ருக்­கின்­றன. 6 மாத கால­வ­ரை­யறை மிகவும் குறு­கி­ய­தாகும். ஆலோ­சனை நடத்தும் செயன்­மு­றை­யொன்று முன்­னெ­டுக்­கப்­ப­டு­கின்­றது என்­பதை பொது­மக்கள் பெரு­ம­ள­வுக்கு அறிந்­தி­ருக்­க­வில்லை. அதனால், அச்­செ­யன்­மு­றையில் சகல மட்­டங்­க­ளி­லு­மான பொது­மக்­களின் பங்­கேற்பு மிகவும் மட்­டுப்­ப­டுத்­தப்­பட்­ட­தா­கவே இருந்­தது. மக்­களின் பங்­கேற்பைப் பெறு­வ­தற்கு பொது­மக்­களின் பிர­தி­நி­தித்­துவக் குழுவின் உறுப்­பி­னர்கள் தங்­க­ளது தொடர்­பு­க­ளையும் செல்­வாக்­கையும் பயன்­ப­டுத்த வேண்­டி­யி­ருந்­தது. ஆலோ­சனை நடத்தும் செயன்­மு­றை­க­ளுக்கு அர­சாங்­கத்­தினால் ஒதுக்­கீடு செய்­யப்­பட்ட வளங்­களும் மட்­டுப்­ப­டுத்­தப்­பட்­ட­வை­யா­கவே இருந்­தன. ஆனால், பொது­மக்கள் பிர­தி­நி­தித்­துவக் குழுவின் உறுப்­பி­னர்­க­ளாக நிய­மிக்­கப்­பட்­டி­ருந்­த­வர்­களின் அக்­க­றை­யு­ட­னான ஈடு­பாடு நம்­ப­க­மா­ன­தொரு ஆலோ­சனை கலப்புச் செயன்­மு­றைகள் இடம்­பெ­று­வதை உறுதி செய்­தது.

மக்­களை தவ­றாக வழி­ந­டத்தல்

பொது­மக்­க­ளு­ட­னான ஆலோ­சனை கலப்புச் செயன்­மு­றை­களின் முடிவில் லால் விஜே­நா­யக்க தலை­மை­யி­லான அக்­கு­ழு­வினால் தயா­ரிக்­கப்­பட்ட 200க்கும் அதி­க­மான பக்­கங்­களைக் கொண்ட அறிக்கை மிகவும் எளி­மை­யா­கவும் தெளி­வா­கவும் எழு­தப்­பட்­டி­ருந்­தது என்­பது குறிப்­பி­டத்­தக்­க­தாகும். சட்ட சொற்­தொ­கு­தி­களைப் படிப்­பதில் நேரத்தைச் செல­வ­ழிக்க விரும்­பா­த­வர்­க­ளினால் விளங்கிக் கொள்­ளப்­ப­டக்­கூ­டி­ய­தாக அறிக்கை அமைந்­தி­ருக்­கி­றது. நாட்டு மக்கள் மத்­தியில் பிளவை ஏற்­ப­டுத்­தி­யி­ருக்கும் சர்ச்­சைக்­கு­ரிய அர­சியல் விவ­கா­ரங்கள் மீதான விவா­தத்தின் பிர­தான ஆய்­வுக்­கூ­று­களை அவ்­வ­றிக்கை விளக்­க­மாக வெளிப்­ப­டுத்­தி­யி­ருக்­கி­றது. வெளிப்­ப­டைத்­தன்­மையை உறுதி செய்­வதில் இருந்த அக்­கறை கார­ண­மாக பொது மக்கள் பிர­தி­நி­தித்­துவக் குழுவின் உறுப்­பி­னர்கள் ஒவ்­வொரு விவ­காரம் தொடர்­பிலும் எத்­த­கைய சிந்­த­னையைக் கொண்­டி­ருந்­தார்கள் என்­பதை அறிக்கை புலப்­ப­டுத்­து­கின்­றது. குழுவின் உறுப்­பி­னர்­க­ளினால் தனி­யான விதப்­பு­ரையைச் செய்ய முடி­யாமல் போன சந்­தர்ப்­பங்­களில் அவர்கள் பல்­வே­று­வ­கைப்­பட்ட விதப்­பு­ரை­களைச் செய்­தி­ருக்­கி­றார்கள். அவை ஒன்­றுடன் ஒன்று முரண்­ப­டு­வ­தாக இருக்­கின்­றன. சர்ச்­சைக்­கு­ரிய விவ­கா­ரங்கள் தொடர்பில் மக்கள் மட்­டத்தில் இருக்­கின்ற பல்­வே­று­வ­கை­யான சிந்­த­னை­களைப் பற்­றிய ஒரு விளக்க உணர்வை அர­சி­ய­ல­மைப்பை வரை­யப்­போ­கின்ற பாரா­ளு­மன்ற உறுப்­பி­னர்­க­ளுக்கு கொடுப்­பதே பொது­மக்கள் பிர­தி­நி­தித்­துவக் குழுவின் இலக்­காகும்.

இத்­த­கை­ய­தொரு சூழ்­நி­லை­யிலே, பொது­மக்கள் பிரதிநிதித்­துவக் குழுவின் அறிக்­கையில் உள்ள விதப்­பு­ரை­களில் சில­வற்றை புதிய அர­சி­ய­ல­மைப்பில் உள்­ள­டக்­கப்­படப் போகின்ற அம்­சங்­க­ளாக கூட்டு எதி­ர­ணியின் அர­சி­யல்­வா­திகள் நாட்டு மக்­க­ளுக்கு காட்ட முற்­ப­டு­வது மிகவும் துர­திர்­ஷ­ட­வ­ச­மா­ன­தாகும். உதா­ர­ண­மாக, அர­சி­ய­ல­மைப்பில் பெளத்த மதத்­துக்கு வழங்­கப்­பட்­டுள்ள அதி முதன்மை அந்­தஸ்து, அல்­லது அரசின் ஒற்­றை­யாட்சித் தன்மை அல்­லது வடக்கு, கிழக்கு மாகா­ணங்­களின் இணைப்பு போன்ற சர்ச்­சைக்­கு­ரிய விவ­கா­ரங்­களில் பொது­மக்கள் பிர­தி­நி­தித்­துவக் குழுவின் உறுப்­பி­னர்­க­ளினால் பொது­வான விதப்­பு­ரை­யொன்றை செய்­வ­தற்கு இணங்க முடி­யாமல் போன கார­ணத்தால், அவர்கள் பல்­வே­று­வ­கைப்­பட்ட விதப்­பு­ரை­களை முன்­வைத்­தி­ருக்­கி­றார்கள். குழுவின் முன்­னி­லையில் ஆஜ­ராகி யோச­னை­களைச் சமர்ப்­பித்­த­வர்கள் கூறிய வேறு­பட்ட கருத்­துக்­களும் அறிக்­கையில் தரப்­பட்­டி­ருக்­கின்­றன. குழுவின் உறுப்­பி­னர்கள் தங்­களால் ஒரு­மித்து இணக்­க­மான முறையில் ஒரு­த­னி­யான விதப்­பு­ரையை செய்ய முடி­யாமல் போன விட­யங்­களில் அவர்கள் ஒன்­றுக்கும் அதி­க­மான விதப்­பு­ரை­களைச் செய்­தி­ருக்­கி­றார்கள். குறிப்­பிட்ட விதப்­பு­ரை­களை ஆத­ரித்­த­வர்­களின் பெயர்­களும் அறிக்­கையில் தெரி­விக்­கப்­பட்­டுள்­ளன. அறிக்­கையில் இருந்தும் அதில் முன்­வைக்­கப்­பட்­டுள்ள விதப்­பு­ரை­களில் இருந்தும் விருப்­ப­மா­ன­வற்றை அல்­லது அவற்றை விடவும் முற்­றிலும் வேறு­பட்­ட­வற்றை தெரிவு செய்­து­கொள்­வ­தற்­கான பொறுப்பை பொது­மக்கள் பிரதி நிதித்­து­வக்­குழு அர­சி­ய­ல­மைப்பை இறு­தியில் வரையப் போகின்­ற­வர்­க­ளான பாரா­ளு­மன்ற உறுப்­பி­னர்­க­ளி­டமே ஒப்­ப­டைத்­தி­ருக்­கி­றது.

கூட்டு எதி­ர­ணியின் சில உறுப்­பி­னர்கள் பொது­மக்கள் பிர­தி­நி­தித்­துவக் குழுவின் அறிக்­கையை தவ­றாக வியாக்­கி­யா­னப்­ப­டுத்­து­வதன் மூல­மாக பண்­பா­டில்­லாத முறையில் நடந்­து­கொள்­வதைக் காணக்­கூ­டி­ய­தா­க­வு­முள்­ளது. அர­சி­ய­ல­மைப்பில் இருந்து பெளத்த மதம் பற்­றிய குறிப்பை அர­சாங்கம் அகற்­றப்­போ­கின்­றது என்றும் ஒற்­றை­யாட்­சியை இல்­லாமல் செய்­வ­துடன் பொது­மக்கள் பிர­தி­நி­தித்­துவக் குழுவின் விதப்­பு­ரை­களின் அடிப்­ப­டையில் வடக்கு மாகா­ணத்­தையும் கிழக்கு மாகா­ணத்­தையும் இணைக்­கப்­போ­கின்­றது என்றும் இந்த கூட்டு எதி­ரணி உறுப்­பி­னர்கள் கூறித் திரி­கி­றார்கள். பொது­மக்­க­ளி­ட­மி­ருந்து கிடைக்­கப்­பெற்ற யோச­னை­களின் அடிப்­ப­டையில் குழுவின் உறுப்­பி­னர்­களில் சிலர் அத்­த­கைய விதப்­பு­ரை­களைச் செய்­தி­ருக்­கி­றார்கள் என்­கின்ற அதே­வேளை, குழு பொதுப்­ப­டை­யாக அல்­லது அதன் உறுப்­பி­னர்­களில் பெரும்­பான்­மை­யா­ன­வர்கள் அத்­த­கைய விதப்­பு­ரை­களைச் செய்­தி­ருக்­கி­றார்கள் என்று கூறு­வது சரி­யா­ன­தல்ல. இது பொது­மக்கள் பிர­தி­நி­தித்­துவக் குழுவின் பெரும்­பான்மை நிலைப்­பாடும் அல்ல. அர­சி­ய­ல­மைப்பில் ஏற்­க­னவே இருக்­கின்ற ஏற்­பா­டு­க­ளுக்கும் செய்­யப்­ப­ட­வேண்­டிய மாற்­றங்­க­ளுக்கும் இடைப்­பட்­ட­தான ஒரு நடுத்­த­ர­மான நிலைப்­பாட்­டையே குழு கடைப்­பி­டித்­தி­ருக்­கி­றது.

சரி­யான நேரம்

பொது­மக்கள் பிர­தி­நி­தித்­துவக் குழுவின் அறிக்­கையை தவ­றான முறையில் வியாக்­கி­யானம் செய்து கூட்டு எதி­ரணி முன்­னெ­டுத்துக் கொண்­டி­ருக்­கின்ற எதிர்ப்­பி­ர­சா­ரங்­க­ளுக்கு பதி­ல­டியைக் கொடுப்­பதில் அர­சாங்கம் தாமதம் காட்­டு­வதன் கார­ணத்தால், அந்­தக்­கு­ழுவின் அவ­தா­னிப்­புக்­களை எந்­த­வ­கை­யிலும் அர­சாங்கம் கருத்­தி­லெ­டுக்­காமல் போகலாம் என்ற விசனம் பல வட்­டா­ரங்­களில் தோன்­று­வ­தற்கு வாய்ப்பு ஏற்­பட்­டி­ருக்­கி­றது. பொது­மக்கள் பிர­தி­நி­தித்­து­வக்­கு­ழுவின் அறிக்­கையை அடிப்­ப­டை­யாகக் கொண்டு மக்­க­ளுக்கு அறி­வூட்­டு­வ­தற்­கான செயற்­பாடு எதையும் அர­சாங்கம் இது­வரை முன்­னெ­டுக்­க­வில்லை. நாட்டு மக்கள் வேறு­பட்ட அபிப்­பி­ரா­யங்­களைக் கொண்­டி­ருக்­கின்­றதும், ஆனால் அதே­வேளை பரஸ்­பரம் ஏற்­பு­டைய தீர்­வொன்றைக் காண­வேண்­டிய தேவையைக் கொண்­ட­து­மான (ஆட்­சி­முறை­யுடன் சம்­பந்­தப்­பட்ட) சர்ச்­சைக்­கு­ரிய விவ­கா­ரங்கள் தொடர்பில் மக்­க­ளுக்கு அறி­வூட்­டு­வ­தற்கு கிடைத்­தி­ருக்­கக்­கூ­டிய வாய்ப்பு தவ­ற­வி­டப்­ப­டக்­கூடும். பொது­மக்கள் பிர­தி­நி­தித்­துவக் குழுவின் அறிக்கை இனங்­க­ளுக்­கி­டை­யி­லான உற­வு­களில் தாக்­கத்தை ஏற்­ப­டுத்தும் விவ­கா­ரங்­களை பற்­றி­யது மாத்­தி­ர­மல்ல, பெண்­க­ளுக்­கான விசேட இட ஒதுக்­கீ­டுகள், பாலியல், சிறு­பான்­மை­யி­னரின் உரி­மைகள் மற்றும் ஊன­முற்­ற­வர்­களின் உரி­மைகள் போன்ற ஏனைய சர்ச்­சைக்­கு­ரிய விவ­கா­ரங்­க­ளு­டனும் சம்­பந்­தப்­பட்­ட­தாகும். தாராண்மைப் போக்கில் இருந்து தாராண்­மை­யற்ற போக்கு வரை­யான அந்த விவ­கா­ரங்கள் தொடர்பில் இலங்கைச் சமு­தா­யத்தின் தற்­போ­தைய சிந்­தனைப் போக்கை அகப்­ப­டுத்­தி­ய­தாக விளங்கும் பொது­மக்கள் பிர­தி­நி­தித்­து­வக்­கு­ழுவின் அறிக்கை மக்­க­ளுக்கு அறி­வூட்­டு­வ­தற்­கான ஒரு உன்­ன­த­மான கரு­வி­யாகும்.

எமது அர­சியல் சமு­தா­யத்தில் இருக்­கக்­கூடிய சில பிரத்தியேகமான தனி­ந­பர்கள் இந்த பணியை முன்­னெ­டுக்க முடியும். கடந்­த­வாரம் முன்னாள் ஜனா­தி­பதி சந்­தி­ரிகா பண்­டா­ர­நா­யக்க குமா­ர­துங்க சமஷ்­டி­மு­றை­யி­னதும் மத­சார்­பற்ற ஆட்­சி­மு­றை­யி­னதும் பண்­புகள் தொடர்பில் மக்­க­ளுக்கு அறி­வூட்­ட­வேண்­டிய தேவையை உணர்ந்­த­வ­ராக கருத்து வெளி­யிட்­டதைக் காணக்­கூ­டி­ய­தாக இருந்­தது. அவ­ரது தலை­மை­யி­லான தேசிய ஐக்­கியம் மற்றும் நல்­லி­ணக்க அலு­வ­ல­கத்­தினால் ஏற்­பாடு செய்­யப்­பட்­டி­ருந்த கருத்­த­ரங்கு ஒன்­றி­லேயே அவர் அதைச்­செய்தார். மேடையில் திரு­மதி குமா­ர­துங்­க­வுடன் தேசிய சக­வாழ்வு அமைச்சர் மனோ ­கணே­சனும் புதிய அர­சி­ய­ல­மைப்பை வரை­வ­தற்­கான பொறுப்பு ஒப்­ப­டைக்­கப்­பட்­டுள்ள பாரா­ளு­மன்ற உறுப்­பினர் கலா­நிதி ஜெயம்­பதி விக்­கி­ர­ம­ரத்­னவும் அருகே அமர்ந்­தி­ருந்­தனர். அரைச் சமஷ்டி கட்­ட­மைப்பைக் கொண்ட தென்­னா­பி­ரிக்கா மற்றும் சமஷ்டி கட்­ட­மைப்பைக் கொண்ட நைஜீ­ரியா போன்று இன­ரீ­தி­யாக பிள­வு­பட்­டுள்ள சமு­தா­யங்­களில் பிரச்­சி­னை­களைத் தீர்த்­து­வைப்­ப­தற்­கான அதி­கா­ரப்­ப­கிர்­வுக்கு சமஷ்­டி­மு­றையை நாடு­வதில் இருக்­கக்­கூடிய நன்­மைகள் பற்றி முன்னாள் ஜனா­தி­பதி கருத்துக் கூறினார். இந்­தி­யாவை ஒரு உதா­ர­ண­மாகக் காட்டி மத­சார்­பற்ற ஆட்சி முறையின் பண்பு குறித்தும் கூட அவர் பேசினார். கருத்­த­ரங்கில் கேள்வி – பதில் அமர்வு மிகவும் துடிப்­பா­ன­தாக இருந்­த­தே­யன்றி, குரோத உணர்­வு­டை­ய­தா­கவோ அல்­லது வெறுப்­பூட்­டு­வ­தா­கவோ அமைந்­தி­ருக்­க­வில்லை. அதை அடிப்­ப­டை­யாகக் கொண்டு நோக்கும் போது அங்கு கூடி­யி­ருந்த சபை­யினர் திரு­மதி குமா­ர­துங்­கவின் கருத்­துக்­களை ஏற்­றுக்­கொண்­ட­தா­கவே தோன்­றி­யது.

அடுத்த முனை­யிலே, கூட்டு எதி­ர­ணியின் கடுந்­தே­சி­ய­வாத தலை­வ­ரான விமல் வீர­வன்ச அர­சாங்­கத்தின் உத்­தேச புதிய அர­சி­ய­ல­மைப்­பினால் நாட்­டுக்கு ஏற்­படப் போகின்ற ஆபத்­துக்கள் குறித்து எச்­ச­ரிக்கை செய்­வ­தற்­காக முக்­கி­ய­மான பெளத்த மதத்­த­லைவர் ஒரு­வரை சந்­தித்த போது திட்டு வாங்­கி­ய­தாகச் செய்­திகள் வெளி­யா­கி­யி­ருக்­கின்­றன. புதிய அர­சி­ய­ல­மைப்பு நாட்டின் ஒற்­றை­யாட்சி முறைக்கு ஆபத்தை ஏற்­ப­டுத்தும் என்று வீர­வன்ச மல்­வத்தை பீடத்தின் மகா­நா­யக்­க­ரான அதி­வண.திப்­பட்­டு­வாவே ஸ்ரீ சித்­தார்த்த சுமங்­கள தேர­ரிடம் கூறி­ய­போது, நாட்டுப் பிரி­வி­னையை ஊக்­கு­விக்கக் கூடிய எந்­த­வொரு யோச­னையும் அர­சி­ய­ல­மைப்பில் உள்­ள­டக்­கப்­ப­ட­மாட்­டாது என்று ஜனா­தி­பதி மைத்­தி­ரி­பால சிறி­சே­னவும் பிர­தமர் ரணில் விக்­கி­ர­ம­சிங்­கவும் தன்­னிடம் உறு­தி­ய­ளித்­த­தாக மகா­நா­யக்கர் தெரி­யப்­ப­டுத்­தினார் என்று அறி­விக்­கப்­பட்­டுள்­ளது. மக்­களின் அங்­கீ­கா­ரத்தைப் பெறு­வ­தற்­காக புதிய அர­சி­ய­ல­மைப்பு தொடர்பில் சர்­வ­ஜன வாக்­கெ­டுப்­பொன்று நடத்­தப்­ப­டு­மென்­பதால் வீணாக அச்­ச­ம­டைய வேண்­டி­ய­தில்லை என்று வீர­வன்­ச­வி­டமும் அவரின் தேசிய சுதந்­திர முன்­ன­ணியின் ஏனைய உறுப்­பி­னர்­க­ளி­டமும் மல்­வத்தை மகா­நா­யக்கர் கூறி­யி­ருக்­கிறார்.

சரி­யா­ன­மு­றையில் சிந்­திக்­கின்ற மக்­களும் தார்­மீகத் தலை­வர்­களும் தீர்­வொன்றைக் காண­வேண்­டு­மென்­பதில் அக்­கறை கொண்­ட­வர்­க­ளாக இருக்­கி­றார்கள் என்­ப­தற்­கான அறி­கு­றிகள் தென்­ப­டு­கின்­றன. சரி­யான செய்­தியை மக்­க­ளிடம் எடுத்துச் செல்­வ­தற்­கான சரி­யா­ன­த­ருணம் இதுவே. பிரிட்டிஷ் கால­னித்­துவ ஆட்­சியில் இருந்து சுதந்­திரம் பெற்ற நாட்­களில் இருந்தே தொடர்ந்து கொண்டிருக்கின்ற அரசியல் பிரச்சினைகள் எளிதாக அகன்று விடப்போவதில்லை என்பதையும் அவற்றுக்குத் தீர்வு காண்ப­தற்கு பாடுபடவேண்டும் என்பதையும் அதற்கான சிறந்த நேரம் இது என்பதையும் அவர்கள் அறிவார்கள்.