தூக்குக்கயிறை நெருங்கும்போது மஹிந்த குடும்பம் எதையாவது செய்யும்

தூக்குக்கயிறை நெருங்கும்போது மஹிந்த குடும்பம் எதையாவது செய்யும்

 

தொங்கினாலும் அரசாங்கம் கவிழாது என்கிறார் அமைச்சர்
(ரொபட் அன்­டனி)

மஹிந்த ராஜ­ப­க் ஷவின் குடும்­பத்­தினர் சிறை­க­ளுக்கும் தூக்குக்கயி­றுகள் இருக்கும் இடத்­திற்கும் செல்­லப்­போகும் நாட்கள் நெருங்­கிக்­கொண்­டி­ருக்கும் போது அவர்கள் எதை­யா­வது ஒரு விட­யத்தை கையில் எடுத்து

இவ்­வாறு தூக்­கிப்­பி­டிப்­பார்கள். எதிர்ப்­பு­க்களை கிளப்­பு­வார்கள் என்று அமைச்­ச­ரவைப் பேச்­சா­ளரும், அமைச்­ச­ரு­மான ராஜித சேனா­ரட்ன தெரி­வித்தார்.

அர­சாங்கம் தொங்­கிக்­கொண்­டுதான் இருக்­கி­றது. ஆனால், அர­சாங்கம் ஒரு­போதும் வீழ்ந்­து­வி­டாது. தொங்­கிக்­கொண்டு இருக்­கின்ற அனைத்தும் வீழ்ந்­து­விட்டால் வாழ­மு­டி­யாது என்றும் அவர் குறிப்­பிட்டார்.

அர­சாங்கத் தகவல் திணைக்­க­ளத்தில் நேற்று நடை­ பெற்ற வாராந்த அமைச்­ச­ரவை முடி­வு­களை அறி­விக்

கும் செய்­தி­யாளர் மாநாட்டில் ஊட­க­வி­ய­லா­ளர்­க­ளினால்

எழுப்­பப்­பட்ட கேள்­வி­க­ளுக்குப் பதி­ல­ளிக்­கை­யி­லேயே அவர் மேற்­கண்­ட­வாறு குறிப்­பிட்டார்.

அவர் தொடர்ந்தும் குறிப்­பி­டு­கை­யில்;

கேள்வி:- அம்­பாந்­தோட்­டையில் சீனா­வுக்கு 15 ஆயிரம் ஏக்கர் காணி வழங்­கப்­ப­டு­கின்­றமை தொடர்­பா­கவும் அம்­பாந்­தோட்டை துறை­முகம் சீனா­வுக்கு வழங்­கப்­ப­டு­கின்­றமை தொடர்­பா­கவும் பாரிய குற்­றச்­சாட்­டுக்கள் முன்­வைக்­கப்­ப­டு­கின்­றன. இது தொடர்பில் ?

பதில்:- அம்­பாந்­தோட்­டையில் துறை­மு­கமும் மத்­த­ளையில் விமான நிலை­யமும் அமைக்­கப்­ப­டு­வ­தற்கு மிகவும் அவ­சியம் என்­பதில் மாற்­றுக்­க­ருத்­துக்கு இட­மில்லை. இது தொடர்பில் 2002 ஆம் ஆண்டு ஐ.தே.க. அர­சாங்­கமே ஆராய்ந்­தி­ருந்­தது. ஆனால் இவை நிர்­மா­ணிக்­கப்­பட்­டதன் பின்னர் என்ன நடக்­கி­றது. அம்­பாந்­தோட்டை துறை­மு­கத்­தி­லி­ருந்து 12 கடல் மைல்­க­ளுக்கு அப்பால் சர்­வ­தேச கப்பல் பாதை உள்­ளது.

அதில் ஒரு நாளைக்கு 700 கப்­பல்கள் பய­ணிக்­கின்­றன. அந்­த­கப்­பல்கள் 300 கடல் மைல் தூரத்தில் உள்ள மும்­பைக்கும் 200 கடல் மைல் தூரத்­தி­லுள்ள சிங்­கப்­பூ­ருக்கும் சென்றே எண்ணெய் நிரப்­பு­கின்­றன. எனவே எமது அம்­பாந்­தோட்டை துறை­முகம் எண்ணெய் மாற்று நிலை­ய­மாக செயற்­ப­டு­மானால் ஒரு நாளைக்கு 500 கப்­பல்­க­ளுக்கு எண்ணெய் மீள் நிரப்ப முடியும் அப்­போது நாம் பாரிய இலா­பத்தை அடை­யலாம். ஆனால் கடந்த அர­சாங்கம் அதனை செய்­யாமல் வெறு­மனே துறை­மு­கத்தை நிர்­மா­ணித்­தது.

இதனால் தற்­போது வரு­ட­மொன்­றுக்கு 59 கோடி ரூபா நட்டம் ஏற்­ப­டு­கின்­றது. இந்த நட்­டத்தை ரணில் விக்­கி­ர­ம­சிங்­கவும், மைத்­தி­ரி­பால சிறி­சே­னவும் வீட்­டி­லி­ருந்து கொண்­டு­வந்து கொடுப்­பார்­களா? முடி­யாது. மக்­களின் வரிப்­ப­ணம்தான் செல­வி­டப்­ப­டு­கின்­றது.

அதே­போன்று மத்­தளை விமான நிலை­யத்­திற்கு செல்­வ­தற்கு எந்­த­வொரு விமான நிறு­வ­னமும் விரும்­ப­வில்லை. இந்­நி­லையில் அம்­பாந்­தோட்­டையில் 15 ஏக்கர் காணியில் சுதந்­திர வர்த்­தக வல­யத்தை அமைத்தால் மத்­தள விமான நிலையம் சிறந்த பயன்­பாட்­டினைப் பெறும். இந்த விடயம் கடந்த அர­சாங்க காலத்தின் போதே பேசப்­பட்­டது. இதன்­போது பல இலட்சம் தொழில்­வாய்ப்­புக்கள் உரு­வாக்­கப்­படும்.

 ஆகவே சீனா­விற்கு 99 வருட குத்­த­கைக்கு 15 ஏக்கர் காணி­களை வழங்­கு­வதில் தவ­றில்லை. சீனா தான் இதில் சுதந்­திர வர்த்­தக வல­யத்தை நிர்­மா­ணிக்­கப்­போ­கின்­றது. நட்டம் ஏற்­பட்டால் அது சீனா­வையே சென்­ற­டையும், அது குறித்து நாம் கவ­லை­ய­டை­ய­தே­வை­யில்லை. அதற்­காக அந்தக் காணி சீனா­விற்கு சொந்­த­மா­னது என்று கூற முடி­யாது. இந்த யதார்த்தம் நன்கு தெரிந்தும் மஹிந்த ராஜ­பக்ஷ வேண்­டு­மென்றே எதிர்த்­துக்­கொண்­டி­ருக்­கிறார்.

கடந்த காலத்தில் திரு­டி­ய­வர்­களும் தர­குப்­ப­ணத்தில் வாழ்ந்­த­வர்­களும் இன்று இவற்றை எதிர்க்­கின்­றனர். இலங்­கையில் எந்­த­வொரு நல்ல திட்­டத்தை முன்­னெ­டுத்­தாலும் அதற்கு எதிர்ப்­புகள் கிளம்பும். நுரைச்­சோலை அனல் மின் நிலை­யத்தை மஹிந்த ராஜ­பக்ஷ நிர்­மா­ணிப்­ப­தற்கு எடுத்த முடிவு பல­ராலும் விமர்­சிக்­கப்­பட்­டது.

ஆனால் அவர் அந்த நேரத்தில் எடுத்த சிறந்த முடிவு என்று அதனைக் கூறலாம். இதே­போன்­றுதான் இந்த நாட்டில் 13 ஆவது திருத்த சட்­டத்தை கொண்­டு­வந்த போது ஈழம் உரு­வாகப் போகின்­றது என்று கூச்­ச­லிட்­டனர். அவ்­வாறு ஈழம் உரு­வாகப் போகின்­றது என்று கூறிய சிவப்பு தம்­பி­மார்கள் அதே மாகா­ண­ச­பை­களில் பின்னர் ஆட்­சியை தீர்­மா­னிப்­ப­வர்­க­ளாக மாறினர்.

அன்று பாரா­ளு­மன்­றத்­திற்கு குண்டு வீசி­ய­வர்கள் இன்று ஜன­நாயம் குறித்து பேசு­கி­றார்கள். இவ்­வாறு இந்த நாட்டில் எந்த திட்­டத்தை முன்­னெ­டுத்­தாலும் அதற்கு எதிர்ப்பு தெரி­விப்­பது வழ­மை­யா­கி­விட்­டது. அந்­த­வ­கையில் ஜன­வரி 8 ஆம் திகதி இந்த நாட்டில் பாரிய மாற்றம் ஏற்­பட்­டது. அந்த மாற்­றமும் முற்­று­மு­ழு­தாக நல்ல மாற்­ற­மாக அமை­ய­வில்லை. அதிலும் பிரச்­சி­னைகள் உள்­ளன.

கேள்வி:- கூட்டு எதி­ரணி இதனை கடு­மை­யாக எதிர்க்­கின்­றதே?

பதில்:- அவர்கள் எதிர்­பார்ப்­பார்கள். மஹிந்த ராஜ­ப­க்ஷவின் குடும்­பத்­தினர் சிறை­க­ளுக்கும் தூக்கு கயி­றுகள் இருக்கும் இடத்­திற்கும் செல்­லப்­போகும் நாட்கள் நெருங்­கிக்­கொண்­டி­ருக்கும் போது அவர்கள் எதை­யா­வது ஒரு விட­யத்தை கையில் எடுத்து இவ்­வாறு தூக்­கிப்­பி­டிப்­பார்கள். எதிர்ப்­பு­களை கிளப்­பு­வார்கள். எம்மைப் பொறுத்­த­வ­ரையில் 15 ஆயிரம் ஏக்கர் அல்ல 25 ஏக்கர் கேட்­டாலும் கொடுக்­க­வேண்டும்.

கேள்வி:- 99 வரு­டங்­களின் பின்­னரும் சீனா அந்­தக்­கா­ணி­களை சொந்தம் கொண்­டாடும் அபாயம் உள்­ள­தாக கூறப்­ப­டு­கின்­றதே?

பதில்:- அது அந்த நேரம் இருக்­கின்­ற­வர்கள் பார்த்­துக்­கொள்­ளட்டும். 99 வருட குத்­தகை என்­பது இந்த நாட்டின் சட்டம்.

கேள்வி:- அமைச்­ச­ர­வைக்கு அறி­வித்து விட்டா இதனை மேற்­கொள்­கின்­றீர்கள்?

பதில்:- அமைச்­ச­ர­வைக்கு அறி­விக்­காமல் எத­னையும் செய்ய மாட்டோம்.

கேள்வி:- 10 சீனர்­க­ளுக்கு வீசா கொடுக்­கப்­ப­ட­வுள்­ள­தாக தெரி­விக்­கப்­ப­டு­கின்­றதே?

பதில்:- அவ்­வாறு எதுவும் இல்லை. தற்­போது ஜன­நா­யகம் இருப்­பதால் எல்­லோரும் எல்லா விட­யங்­க­ளையும் கூறு­கின்­றனர்.

கேள்வி:- அப்­ப­டி­யானால் ஜனா­தி­பதி பல­வீ­ன­வ­மா­னவர் என்று கூறு­கி­றீர்­களா?

பதில்:- இல்லை ஜனா­தி­பதி மனி­தா­பி­மானி.

கேள்வி:- எவ்­வா­றெ­னினும் அர­சாங்கம் ஆட்டம் காண்­ப­துடன் தொங்­கிக்­கொண்­டு­தானே இருக்­கி­றது.

பதில்:- அர­சாங்கம் தொங்­கிக்­கொண்­டுதான் இருக்­கி­றது. ஆனால் அர­சாங்கம் ஒரு­போதும் வீழ்ந்­து­வி­டாது. தொங்­கிக்­கொண்டு இருக்­கின்ற அனைத்தும் வீழ்ந்­து­விட்டால் வாழ­மு­டி­யாது. பசு­களின் மடி தொங்­கு­வதன் கார­ண­மா­கவே நாம் பால் கரக்­கின்றோம். தொங்­கு­கின்ற எவையும் இல­குவில் விழுந்­து­வி­டாது. முதலில் 2015 ஆட்­சியை மாற்­று­வ­தாக கூறினர். பின்னர் 2016 இல் மாற்­று­வ­தாக கூறினர். தற்­போது 2017 இல் மாற்­று­வ­தாக கூறு­கின்­றனர். திரு­டர்­களை காப்­பாற்­றவே இவ்­வாறு அறிக்­கை­களை விடுக்­கின்­றனர்.

கேள்வி:- பியங்­கர ஜய­ரத்ன பதவி வில­கி­யி­ருக்­கி­றாரே?

 பதில்:- நரி தனது வால் வெட்­டப்­பட்­ட­வுடன் வாலில்லாமல் இருப்பது சுகமாக இருப்பதாக கூறி ஏனைய நரிகளையும் வாலை வெட்டிக்கொள்ளுமாறு கூறுமாம். அப்படித்தான் இவரின் கதையும் அமைந்திருக்கிறது.

கேள்வி:- லொத்தர் சீட்டு விற்பனையாளர்கள் பணிபகிஷ்கரிப்பு செய்கின்றனரே?

பதில்:- அவர்கள் பணி பகிஷகரிப்பு செய்துவிட்டு போகட்டும். அதனால் யாருக்கும் நட்டமில்லை. அதுவும் கிட்டத்தட்ட சூது விளையாட்டுப்போன்றதுதான் அதனை சுரண்டாவிட்டால் வீட்டில் மனைவிமார் சந்தோஷப்படுவர். இதையெல்லாம் ஒரு பிரச்சினை என்று கூறுவது நியாயமா?

கேள்வி:- அப்படியானால் அவர்களின் பிரச்சினை தீர்க்கப்படாதா?

பதில்:- அவ்வாறு நான் கூறவில்லை. ஆனால் நிதி அமைச்சர் அது தொடர்பில் ஆராய்ந்து பார்ப்பார்.