கெஞ்சல்

சென்னை, ஆர்.கே.நகர் இடைத் தேர்தல் ரத்து செய்யப்படலாமென வதந்திகள் கிளம்பியுள்ள நிலையில், ''பணப் பட்டுவாடா குற்றச்சாட்டை நம்பி, தேர்தலை ரத்து செய்யும் முடிவை எடுத்துவிட வேண்டாம்,'' என, லோக்சபா துணை சபாநாயகரும், சசிகலா அணியைச் சேர்ந்தவருமான, தம்பிதுரை, தலைமை தேர்தல் கமிஷனரிடம் மன்றாடி கேட்டுள்ளார்.

மற்ற மாநிலங்களை விட, தமிழகத்தில் தேர்தலின் போது வாக்காளர்களுக்கு பணம் கொடுத்து, ஓட்டுகளை வாங்க, அரசியல் கட்சிகள் முயற்சிப்பது அதிகமாக நடப்பதாக, டில்லியில் ஒரு கருத்து நிலவுகிறது.தற்போது, சென்னை, ஆர்.கே.நகர் சட்டசபை இடைத் தேர்தல் நெருங்கும் சூழ்நிலையில், அதே குற்றச்சாட்டுகளுடன், முக்கிய அரசியல் கட்சிகள், டில்லி தலைமை தேர்தல் கமிஷனை மொய்க்க துவங்கியுள்ளன.
இதையடுத்து, தேர்தல் கமிஷன் கடுமையான நடவடிக்கைகளை எடுத்து வருகிறது. சென்னை போலீஸ் கமிஷனரை மாற்றியது, சில உயர் அதிகாரிகளை காத்திருப்பில் வைத்தது என, அதிரடி நடவடிக்கைகள் எடுக்கப்பட்டன.
 

குற்றச்சாட்டு

இந்நிலையில் தான், 'ஆர்.கே.நகர் தேர்தல் ரத்தாகலாம்' என்ற யூகங்கள் கிளம்பின. ஏற்கனவே, சட்டசபை தேர்தலின்போது அரவக்குறிச்சி, தஞ்சை ஆகிய தொகுதிகளில், பணப் பட்டுவாடா காரணமாகவே தேர்தல் ரத்து செய்யப்பட்டது.
தற்போதும், அதே குற்றச்சாட்டுகளோடு, அதிகாரம் தவறாக பயன்படுத்தப்படுவதாகவும்

புகார்கள் எழுந்துள்ளதால், தேர்தல்ரத்து என்ற பேச்சு வலுப்பெறத் துவங்கியுள்ளது.
இந்நிலையில், நேற்று லோக்சபா துணை சபாநாயகர் தம்பிதுரை, டில்லியில் உள்ள தலைமை தேர்தல் கமிஷனுக்கு வந்தார். தேர்தல் கமிஷனர்களை சந்தித்த அவர், ''ஆர்.கே.நகர் இடைத் தேர்தலில் அதிகாரிகள் மாற்றம் இருக்கக் கூடாது. பணப் பட்டுவாடா என்ற எதிர்க்கட்சிகளின்குற்றச்சாட்டை நிராகரிக்க வேண்டும்,'' என, வலியுறுத்தினார்.

இது குறித்து, அரசியல் வட்டாரங்கள் கூறியதாவது:தேர்தல் ரத்து என்ற பேச்சு கிளம்பியுள்ளதன் பின்னணியில் அரசியல் உள்ளது. ஆளும் கட்சியான, அ.தி.மு.க., அம்மா அணி சார்பில் வேட்பாளராக போட்டியிடும் தினகரனின் அரசியல் எதிர்காலமே, இந்த தேர்தலில் தான் உள்ளது.
எப்படியாவது வெற்றி பெற்றாக வேண்டிய நிலையில் அவர் உள்ளார்.

அவர் மீதான வழக்கு விசாரணையும் வேகம் பெற்றுள்ளது. நாள்தோறும் விசாரணை என்ற அளவுக்கு செல்வதால், தீர்ப்பும், நெருக்கத்தில் வர அதிக வாய்ப்பு உள்ளது.
இந்த தீர்ப்புக்கு முன், தான், எம்.எல்.ஏ., ஆகிவிட வேண்டும் என்றும், முக்கிய பதவிக்கு வந்தால் தான், தனக்கு பாதுகாப்பு என்றும் தினகரன் கருதுகிறார்; இதை முறியடிக்க வேண்டுமெனில், அவர், எம்.எல்.ஏ., ஆவதை தாமதப்படுத்த வேண்டும்.
 

பதற்றம்

அதற்கு, தேர்தல் தள்ளிப்போவதே ஒரே வழியென்ற ரீதியில் எதிர்தரப்பு காய் நகர்த்துகிறது. இதை மோப்பம் பிடித்ததால் தான், தினகரன் தரப்புக்கு பதற்றம்