கசப்பான யதார்த்தம்

இலங்கையில் என்­ன­தான் நல்­லி­ணக்­கம் பேசி­னா­லும் சிங்­கள, பௌத்த இன­வா­தத்­தில் ஊறிப்­போ­யி­ருக்­கும் அதன் தன்­மையை அவ்­வ­ளவு இல­கு­வில் மாற்­றி­வி­ட­முடி யாது. தாம் ஊறி­யி­ருப்­பது சிங்­கள, பௌத்த இன­வா­தத் திற்­குள்­தான் என்­பதை உணர முடி­யா­த­வர்­க­ளா­கவே பலர் அதற்­குள் ஊறித் திளைத்­தி­ருக்­கி­றார்­கள் என்­ப­து­தான் மிகக் கொடுமை.

இதற்கு மிகச் சிறந்த பிந்­திய உதா­ர­ணம் பொதுபலசேனாவின் பொதுச் செய­லா­ளர் ஞான­சார தேர­ரைக் கைது செய்­வது குறித்து பொலிஸ் ஊட­கப் பேச்­சா­ளர் பிர­திப் பொலிஸ் மா அதி­பர் பிரி­யந்த ஜயக்­கொடி தெரி­வித்­தி­ருக்­கும் கருத்து. சிங்­கள அரச இயந்­தி­ரத்­தின் அச்­சாணி எது என்­பதை அச்­சொட்­டாக வெளிப்ப டுத்­து­கி­றது அவ­ரது கருத்து. தமி­ழர்­க­ளின் அச்­சம்­கொள்­ளும் ஆணி­வேர் எது என்­ப­தை­யும் அதுவே வெளிப்­ப­டுத்­தி­வி­டு­கி­றது.

‘‘பொது­ம­கன் ஒரு­வ­ரைக் கைது செய்­வ­தற்­கும் தேரர் ஒரு­வ­ரைக் கைது செய்­வ­தற்­கும் இடையே வித்­தி­யா­சம் இருக்­கி­றது. விசா­ர­ணைக்­காகப் பொது மக்­க­ளின் இடங்க ளுக்­குச் சர்வ சாதா­ர­ண­மா­கச் செல்ல முடி­யும். இந்த நடை­முறை விகா­ரை­க­ளுக்­குள் சாத்­தி­யப்­ப­டாது‘‘ என்­றார் ஜயக்­கொடி.

அமைச்­ச­ரவை முடி­வு­களை அறி­விக்­கும் செய்­தி­யா­ளர் சந்­திப்­பில் கலந்­து­கொண்டு பேசும்­போதே அவர் அத­னைத் தெரி­வித்­தார். இலங்­கை­யில் சட்­டத்­தின் முன்­பாக பொது மக­னும் தேரர்­க­ளும் ஒன்­றாக மதிக்­கப்­ப­டு­ப­வர்­கள் அல்­லர் என்­பதை அவ­ரது கருத்துத் தெளி­வாக விளக்­கு­கி­றது.

பௌத்த சிங்­க­ள­வ­ரி­லும் பார்க்க பௌத்த தேரர்­கள் எப்­போ­துமே ஒரு­படி மேலே­தான் என்­ப­தையே அவர் சொல்­லா­மல் சொல்­கி­றார். தேரர்­கள் என்ன தவறு செய்­தா­லும் விகா­ரைக ளுக்­குள் நுழை­வதோ தேரர்­க­ளைக் கைது செய்­வதோ இலகு வான காரி­யம் அல்ல என்­ப­தையே அவர் தெளி­வு­ப­டுத்­து­கி­றார்.

பொது­மகன் ஒரு­வ­ரைக் கைது செய்­வ­தற்­கும் சம­யத் தலை­வர் ஒரு­வ­ரைக் கைது செய்­வ­தற்­கும் இடையே வித்­தி­யா­சம் இருக்கி றது என்று அவர் கூற­வில்லை. இங்­கே­தான் சிங்­கள, பௌத்த இன­வா­தத்­தின் கூறத் தெளி­வாக இனங்­காண முடி­கி­றது.
இலங்­கை­யில் சட்­டம் ஒழுங்­கைப் பேணும் ஒரே அமைப்பு பொலிஸ்­தான். அப்­ப­டி­யி­ருக்­கை­யில் இலங்­கைப் பொலி­ஸா­ரின் முன் அனை­வ­ரும் சம­மா­ன­வர்­களே. சாதா­ரண மக்­க­ளைக் கையாள்­வ­தி­லும் தலை­வர்­க­ளைக் கையாள்­வ­தி­லும் வேறு­பா­டு­கள் இருந்­தால் அது­வும் ஒரு பொதுப் பண்பு நிறைந்­த­தா­கவே இருக்க வேண்­டும். அதா­வது எந்த மதத் தலை­வ­ராக இருந்­தா­லும் அவர்­கள் மீது பொலி­ஸா­ரால் இல­கு­வில் கைவைக்க முடி­யாது என்று பொலிஸ் பேச்­சா­ளர் கூறி­யி­ருந்­தால் அதனை ஓர­ள­வுக்­கா­க­வது ஏற்­றுக்­கொள்ள முடிந்­தி­ருக்­கும்.

ஆனால் அவரோ, தேரர்­களை மட்­டுமே குறிப்­பிட்­டார். ஏனெ­னில் அது­தான் இலங்­கை­யின் யதார்த்­தம். பௌத்­த­மும் தேரர்­க­ளும்­தான் இங்கே முக்­கி­யம். இந்து, கிறிஸ்­தவ, முஸ்­லிம் மதத் தலை­வர்­க­ளுக்கு தேரர்­க­ளுக்கு நிக­ரான இடம் கிடை­யாது. பௌத்த சிங்­கள பொது­ம­க­னுக்­குக் கிடைக்­கும் மரி­யா­தை­யி­லும் பார்க்க குறைந்த மதிப்பே அவர்­க­ளுக்­குக் கிடைக்­கும்.
போர்க் காலத்­தில் இதனை நேர­டி­யா­கவே பார்க்க முடிந்­தது. அனு­ப­விக்க முடிந்­தது. போர் முடிந்த பின்­ன­ரும் மகிந்த ராஜ­பக்ச கோலோச்­சிய காலத்­தி­லும் அந்த நிலமை அப்­ப­டியே இருந்­தது. ஏனெ­னில் மகிந்­த­விற்­கும் பௌத்த சிங்­க­ளம் மட்­டுமே முக்­கி­ய­மாக இருந்­தது. ஆனால், தற்­போ­தைய அர­சின் காலத்­தி­லும் அது அப்­ப­டி­யே­தான் இருக்­கி­றது என்­ப­தன் யதார்த்­தம்­தான் பொலிஸ் பேச்­சா­ள­ரின் வாய்க்­கூ­டாக வெளிப்­பட்­டி­ருக்­கி­றது.

தமிழ், முஸ்­லிம் மக்­க­ளின் வாக்­கு­க­ளை­யும் பெற்­றுத்­தான் நாட்­டின் அரச தலை­வ­ரும் அர­சும் பத­விக்கு வந்­தா­லும் அடிப்­படை மனோ­நி­லை­யில் மாற்­றம் ஏற்­ப­ட­வில்லை என்­ப­தையே பொலிஸ் பேச்­சா­ள­ரின் கருத்­துப் புடம்­போட்­டுக் காட்­டு­கி­றது.
இத­னால்­தான் இலங்­கை­யின் பொலிஸ் மீதும் நீதி­யின் மீதும் தமக்கு நம்­பிக்­கை­யில்லை என்­றும் அவற்­றால் முன்னெ டுக்­கப்­ப­டும் எந்த விசா­ர­ணை­யை­யும் ஏற்­றுக்­கொள்ள மாட்­டோம் என்­றும் உள்ளூரில் நடக்­கும் எந்­த­வொரு விசா­ரணை யாயி­னும் அதன் ஊடா­கத் தமக்கு நீதி கிடைக்­காது என்­றும் பன்­னாட்­ட­ள­வில் நடை­பெ­றும் விசா­ரணை ஒன்­றின் ஊடா­கவே நீதி கிடைக்­கும் என்று தமி­ழர்­கள் எண்­ணு­கி­றார்­கள். அதன்­படி நடக்­கி­றார்­கள்.

கடந்த இரண்டரை ஆண்டுகளிலும் இந்த நிலமையில் மாற்றம் ஏதுமில்லை என்பதே கள யதார்த்தம். நல்லிணக்கம் பற்றியும் தீர்வு பற்றியும் பேசப்படும்போது இதுவொரு கசப்பான யதார்த்தமே!