'திரும்ப வந்துட்டேன்னு சொல்லு...' வெஸ்ட் இண்டீஸ் அணியில் கெய்ல்!

 

வரும் 9-ம் தேதி, இந்தியாவுக்கு எதிராக வெஸ்ட் இண்டீஸ் விளையாடப்போகும் 20 ஓவர் கிரிக்கெட் அணியில், அதிரடி பேட்ஸ்மேன் கிறிஸ் கெய்ல் இடம்பிடித்துள்ளார். 

அதிரடி பேட்ஸ்மேன் கிறிஸ் கெய்ல், மேற்கிந்தியத் தீவுகள் அணிக்குத் தொடர்ந்து விளையாடிவந்தார். மோசமான ஃபார்ம், உடலில் ஏற்பட்ட காயங்கள் போன்ற பல்வேறு காரணங்களுக்காக, இடையில் சிறிது காலம் அவர் விளையாடாமல் இருந்தார். பின்னர், ஐபிஎல் போட்டிகளில் பங்கேற்று கலக்கினார். இதனால், சர்வதேச கிரிக்கெட் அரங்கில் இன்னும் தான் மிக ஆபத்தான பேட்ஸ்மேன் என்பதை நிரூபித்தார். என்னதான் 20 ஓவர் போட்டிகளில் கெய்ல் விளையாடினாலும், ஒருநாள் மற்றும் டெஸ்ட் போட்டிகளில் விளையாடுவதைத் தவிர்த்துவந்தார். இதையடுத்து, மேற்கிந்தியத் தீவுகளின் 20 ஓவர் கிரிக்கெட் அணியில் மட்டும் விளையாடிவந்தார். கடைசியாக அவர், கடந்த ஆண்டு ஏப்ரல் மாதம் மேற்கிந்தியத் தீவுகள் அணி 20 ஓவர் உலகக் கோப்பை அணியில் இடம்பெற்றிருந்தார். அதன் பின்னர், இப்போதுதான் சொந்த நாட்டின் அணியில் விளையாட உள்ளார். 

இதுகுறித்து மேற்கிந்தியத் தீவுகள் அணியின் தேர்வாளர்கள் தரப்பு, 'கிறிஸ் கெய்லை நாங்கள் மறுபடியும் வரவேற்கிறோம். 20 ஓவர் கிரிக்கெட் போட்டியைப் பொறுத்தவரை, அவர்தான் இருப்பதிலேயே திறன்மிக்க பேட்ஸ்மேன். ஒரு மிகச் சிறந்த இந்திய அணிக்கு எதிராக அவர் விளையாட உள்ளது மகிழ்ச்சி' என்று தெரிவித்துள்ளது.

http://www.vikatan.com/news/sports/94414-chris-gayle-has-returned-to-the-west-indies-side.html

டி20-யில் கிறிஸ் கெய்ல் புரட்டி எடுத்த சிறந்த பவுலர்களும்; அவரை அதிகம் வீழ்த்திய பவுலர்களும்

 

கோப்புப் படம்.|ஜி.பி.சம்பத்குமார்.

 

 

இந்தியாவுக்கு எதிரான டி20 கிரிக்கெட் போட்டியில் கிறிஸ் கெய்ல் ஆடுகிறார். லெண்டில் சிம்மன்ஸுக்குப் பதிலாக அவர் அணியில் சேர்க்கப்பட்டுள்ளார்.

இதனையடுத்து கிறிஸ் கெய்ல் தன் சொந்த மண்ணான சபைனா பார்க் மைதானத்தில் ஆடும் வாய்ப்பு கிடைத்துள்ளது.

இந்நிலையில் அவரது டி20 பேட்டிங் பற்றிய புள்ளி விவரங்கள் சில:

கிறிஸ் கெய்ல் தனது 10,000 டி20 ரன்களை 290 ஆட்டங்களில் எடுத்துள்ளார். மொத்தம் 18 அணிகளுக்கும், 8 டி20 லீகுகளிலும் அவர் ஆடியுள்ளார்.

மொத்தம் 285 இன்னிங்ஸ்களில் 40.47 என்ற சராசரியில் அவர் 10,000 ரன்களை எட்டியுள்ளார்.

டி20 கிரிக்கெட்டில் முதன் முதலாக 10,000 ரன்கள் மைல்கல்லை எட்டியவர் கிறிஸ் கெய்ல், மற்றவர்களைக் காட்டிலும் 2,500 ரன்கள் முன்னிலை பெற்றுள்ளார்.

லீக் வாரியாக கெய்லின் ரன்கள்:

ஐபிஎல் - 3746

பிபிஎல் - 650

பிஎஸ்எல்- 263

சிபிஎல் - 1795

ஜிம்பாப்வே டி20 - 293

ராம்ஸ்லாம்: 257

பிக் பாஷ் லீக்- 892

டி20 பிளாஸ்ட் - 516 ரன்கள்.

மே.இ.தீவுகளுக்காக டி20 கிரிக்கெட்டில் அதிகபட்சமாக 1523 ரன்களை எடுத்துள்ளார். கெய்லின் டி20 ஸ்ட்ரைக் ரேட் 149. 2. 6700 பந்துகளைச் சந்தித்து அவர் இந்த ஸ்ட்ரைக் ரேட்டை வந்தடைந்துள்ளார்.

20 டி20 சதங்களை அடித்துள்ள கெய்ல், டி20 வரலாற்றில் மற்றவர்களை விட 11 சதங்களை அதிகம் எடுத்து விரைவில் எட்ட முடியாத தொலைவில் உள்ளார்.

மொத்தம் 735 சிக்சர்களை டி20 கிரிக்கெடில் கெய்ல் அடித்துள்ளார் இதுவே அவரது ரன்களில் 61% பங்களிப்பு செய்துள்ளது.

கெய்ல் தன் வாழ்நாளில் தலைசிறந்த பவுலர்கள் சிலரை வெளுத்து வாங்கியுள்ளார்:

டிவைன் பிராவோ இவருக்கு 115 பந்துகள் வீச அதில் 187 ரன்களை விளாசியுள்ளார் கெய்ல்

பிரெட் லீ இவருக்கு 67 பந்துகளை வீச 111 ரன்களை விளாசினார்.

புவனேஷ் குமார் 73 பந்துகளில் 115 ரன்கள் விளாசப்பட்டார்.

சில பவுலர்கள் இவரை கட்டுப்படுத்தியுள்ளனர். அதில் குறிப்பிடத்தகுந்தவர்கள்:

லஷித் மலிங்கா 98 பந்துகளில் 90 ரன்களையே கெய்லுக்கு கொடுத்து இருமுறை வீழ்த்தியுள்ளார்.

ஹர்பஜன் சிங் 110 பந்துகள் வீசி 101 ரன்களை விட்டுக் கொடுத்ததோடு 4 முறை கெய்லை வீழ்த்தியுள்ளார்.

சுனில் நரைன் 86 பந்துகளை கெய்லுக்கு வீசியதில் 70 ரன்களையே விட்டுக் கொடுத்து 4 முறை வீழ்த்தியுள்ளார்.

டி20 சாம்பியன் பட்டம் வென்ற அணிகளில் கெய்ல் விளையாடியுள்ளார்.

சர்வதேச டி20 யில் இந்தியாவுக்கு எதிராக 4 முறையே ஆடிய கெய்ல் 159 ரன்களை எடுத்துள்ளார்., 98 அதிகபட்ச ஸ்கோர். ஸ்ட்ரைக் ரேட் 119.54. இங்கிலாந்து, தென் ஆப்பிரிக்கா, ஆஸ்திரேலியா ஆகிய அணிகளை புரட்டி எடுத்துள்ளார்.

http://tamil.thehindu.com/sports/டி20யில்-கிறிஸ்-கெய்ல்-புரட்டி-எடுத்த-சிறந்த-பவுலர்களும்-அவரை-அதிகம்-வீழ்த்திய-பவுலர்களும்/article9750320.ece?homepage=true