உள்­ளூ­ராட்சி மன்­றங்­களில் அதி­கா­ரத்தில் உள்ள ஆணை­யா­ளர்கள் இன்னும் ஆறு மாதத்­திற்கு  உள்­ளூ­ராட்சி மன்­றங்­க­ளுக்­கான அதி­கார பொறுப்பை ஏற்­க­வேண்டும். ஏனெனில் உள்­ளூ­ராட்சி மன்­றங்­க­ளுக்­கான தேர்தல் ஜன­வரி அல்­லது பெப்­ர­வரி மாதங்­களில் நடத்­தப்­படும் என்று ஜனா­தி­பதி மைத்­தி­ரி­பால சிறி­சேன தெரி­வித்தார்.

குப்பையினை வைத்து பெரும் மோச­டிகள் நடக்­கின்­றன. குப்பை கொட்­டு­வ­தற்கு பாதாள உலக கோஷ்­டி­களும் மோசடி கும்­பல்­களும் 

பெரும் தடை­யாக உள்­ளன. எவ்­வா­றா­யினும் அனைத்து தடை­க­ளையும் உடைத்­தெ­றிந்து குப்பை பிரச்­சினையை தீர்ப்பேன். அடுத்த அர­சாங்­கத்­திற்கு குப்பை பிரச்­சி­னையை வைத்து விட்டு செல்ல மாட்டேன் என்றும் அவர் குறிப்­பிட்டார்.

குப்பை முகா­மைத்­துவம் மற்றும் டெங்கு நோய் தொடர்­பாக நாடு­பூ­ரா­கவும் உள்ள 335 உள்­ளூ­ராட்சி மன்­றங்­களின் ஆணை­யா­ளர்­க­ளுக்­கான விசேட செய­ல­மர்வு நேற்று கொழும்­பி­லுள்ள இலங்கை மன்ற கேட்போர் கூடத்தில் நடை­பெற்­றது. இதில் கலந்து கொண்டு உரை­யாற்­று­கை­யி­லேயே ஜனாதிபதி மேற்­கண்­ட­வாறு தெரி­வித்தார்.

அங்கு ஜனா­தி­பதி மைத்­தி­ரி­பால சிறி­சேன மேலும் உரை­யாற்­று­கையில்,

தற்­போது அனைத்து உள்­ளூ­ராட்சி மன்­றங்­களின் அதி­கா­ரங்கள் ஆணை­யா­ளர்­க­ளிடம் ஒப்­ப­டைக்­கப்­பட்­டுள்­ளன. முன்பு மக்கள் பிர­தி­நி­தி­க­ளான மேயர்கள், பிர­தேச சபை தவி­சா­ளர்­க­ளுக்கு இருந்த பொறுப்­பு­களும் கட­மை­களும் அதி­கா­ரங்­களும் ஆணை­யா­ளர்­க­ளிடம் ஒப்­ப­டைக்­கப்­பட்­டுள்­ளன. உள்­ளூ­ராட்சி மன்­றங்­களை கலைப்­ப­தற்கு அதி­காரம் எமக்கு கிடை­யாது. காலம் நிறை­வ­டைந்­த­வுடன் உள்­ளூ­ராட்சி மன்­றங்­க­ளுக்­கான காலத்தை நீடிக்க முடியும். தற்­போது அனைத்து உள்­ளூ­ராட்சி மன்­றங்­க­ளுக்­கான காலம் நீடிக்­கப்­பட்­டுள்­ளது.

இதன்­படி உள்­ளூ­ராட்சி மன்ற தேர்­தலை விரைவில் நடத்தி மக்கள் பிர­தி­நி­தி­களை விரைவில் தேர்ந்­தெ­டுக்­க­வுள்ளோம். உள்­ளூ­ராட்சி மன்­றங்­க­ளுக்­கான சட்­ட­மூ­லத்தில் பெரும் குறைப்­பா­டுகள் காணப்­பட்­டன. இதன்­கா­ர­ண­மாக பல தரப்பில் இருந்து எதிர்ப்­பு­களும் பிரச்­சி­னை­க­ளும் ஏற்­பட்­டன. இத­னை­ய­டுத்து அர­சாங்கம் என்ற வகையில் நீதி‍யை நிலை­நாட்டும் நோக்கில் சுமார் ஒன்­றரை வருடம் குறைப்­பா­டு­களை திருத்தம் செய்­வ­தற்­கான பணி­களை முன்­னெ­டுத்தோம். 

இந்த சட்­ட­மூலம் தொடர்பில் 1500 முறைப்­பா­டுகள் கிடைக்­க­பெற்­றன. இந்த குறைப்­பா­டு­களை நிவர்த்தி செய்­வ­தற்கு தேர்­தல்கள் ஆணைக்­குழு, மாகாண மற்றும் உள்­ளூ­ராட்சி அமைச்சு,உள்­நாட்டு அலு­வல்கள் அமைச்சு ஆகிய மூன்று நிறு­வ­னங்­களும் இணைந்து குறைப்­பா­டு­களை நிவர்த்தி செய்­வ­தற்கு ஒரு­மித்து செயற்­பட்­டன. இதன்­கா­ர­ண­மாக குறைப்­பா­டு­களை நிவர்த்தி செய்ய எமக்கு காலம் தேவைப்­பட்­டது.

இதே­வேளை வடக்கு உள்­ளிட்ட சில மாகா­ணங்­களில் உள்­ளூ­ராட்சி மன்­றங்­களில் பெரும் வெற்­றி­டங்கள் நில­வு­கின்­றன. எனினும் நான் ஒன்றை கூறிக்­கொள்ள விரும்­பு­கின்றேன். ஏற்­க­னவே தற்­கா­லி­க­மாக இணைக்­கப்­பட்ட ஊழியர்கள் வேறு காரி­யங்­களில் ஈடுப்­பட்­டுள்­ளனர். தற்­போதை 335 உள்­ளூ­ராட்சி மன்­றங்­களில் ஒரு சில பிர­தேச மற்றும் மாந­கர சபை­களில் முன்பு இருந்த மேயர், தவி­சா­ளர்­களின் ஆதிக்கம் தொடர்ந்து காணப்­ப­டு­வ­தாக தெரி­ய­வ­ரு­கின்­றது. இதன்­படி சில உள்­ளூ­ராட்சி மன்­றங்­களில் சில தவி­சா­ளர்கள், மேயர்கள் தொடர்ந்தும் உள்­ளூ­ராட்சி மன்­றங்­க­ளுக்கு சொந்­த­மான வாக­னங்­க­ளையும் உடை­மை­க­ளையும் பயன்படுத்துகின்றனர்.

உள்­ளு­ராட்சி மன்ற நிறு­வ­னங்­களில் சில ஊழி­யர்கள் குறித்த மேயர்­க­ளுக்கும் தவி­சா­ளர்­க­ளுக்கும் உதவி, ஒத்­தாசை புரி­கின்­றனர். எனவே இது தொடர்பிர் உள்­ளூ­ராட்சி மன்ற ஆணை­யாளர் பொறுப்­பு­ணர்­வுடன் செயற்­பட வேண்டும்.

அத்­துடன் குப்பை சம்­பந்­த­மாக பல்­வேறு பிரச்­சி­னைகள் ஏற்­பட்­டுள்­ளன. குப்பை மேட்­டினால் மீதொட்­ட­முல்­லையில் பேனர்த்தம் ஏற்­பட்டு பல அப்­பாவி பொது மக்கள் உயி­ரி­ழந்­தனர். நான் ஒன்றை கூற விரும்­பு­கின்றேன். குப்பை முகா­மைத்­துவம் தொடர்பில் இதற்கு முன்பு இருந்த அர­சாங்­கங்­க­ளுக்கு ஒரு தேசிய கொள்கை இருக்­க­வில்லை. 

இதன்­கா­ர­ண­மா­கவே குப்பை விவ­காரம் இவ்­வ­ளவு தூரத்­திற்கு வந்­துள்­ளது. குப்பை முகா­மைத்­துவம் செய்­வ­தற்கு பதி­லாக குப்­பையை குவித்து மேடாக்­கினர். அந்த குப்பை மேடு கீழே விழுந்து உயி­ரி­ழப்­பு­களும் ஏற்­பட்­டன. அந்த குப்பை மேடு அர­சாங்­கத்­திற்கு  ‍மேலேயும் விழுந்­தது. அதா­வது அர­சாங்­கத்தின் மீதே விமர்­ச­னங்கள் எழுந்­துள்­ளன. நாட்டில் சில உள்­ளூ­ராட்சி நிறு­வ­னங்­களில் குப்பை முகா­மைத்­து­வத்­திற்கு கொள்கை காணப்­ப­டு­கின்­றது. குறிப்­பாக பலாங்­கொடை பிர­தேச சபை உட்பட சில உள்­ளூ­ராட்சி மன்­றங்­களில் குப்பை  முகா­மைத்­துவம் தொடர்பில் கொள்கை உள்­ளன. எனினும் அனைத்து உள்­ளூ­ராட்சி மன்­றங்­க­ளிலும் இவ்­வா­றான கொள்கை இல்லை. 

குப்­பையை வைத்து பண­மீட்ட கூடி­ய­வர்­க­ளி­னால்தான் இந்த பிரச்­சினை ஏற்­பட்­டது.குப்­பையை வைத்து மோசடி செய்ய கூடிய கும்பல் இருந்­தது. மேலும் பாதாள உலக கோஷ்­டி­யி­னரும் தலை­யீடு செய்­துள்­ளனர். குப்பை கொட்­டு­வ­தற்கு பாதாள உலக கோஷ்­டி­களும் மோசடி கும்­ப­ல்களுமே பெரும் தடை­யாக உள்­ளன. அர­சாங்­கத்தில் அங்கம் வகிக்கும் அமைச்­சர்கள் சிலர் கூட தமது பிர­தே­சங்­களில் குப்பை குவிப்­ப­தற்கு எதிர்ப்பு வெளி­யிட்டு போராட்­டங்­களில் ஈடு­ப­டு­கின்­றனர். உலக நாடு­களில் இலங்­கையில் மாத்­தி­ரமே இப்­ப­டிப்­பட்ட அமைச்­சர்கள் உள்­ளனர். 

எனினும் அனைத்து தடை­க­ளையும் உடைத்தெறிந்து குப்பை பிரச்சினையை தீர்ப்பேன். அடுத்த அரசாங்கத்திற்கு குப்பை பிரச்சினையை வைத்து விட்டு செல்ல மாட்டேன் .

ஆகவே எவ்வாறாயினும் மாநகர , நகர சபையின் மேயர்களினதும் பிரதேச சபை தவிசாளர்களினதும் கடமைகளையும் பொறுப்புகளையும் உள்ளூராட்சி மன்ற ஆணையாளர்கள் இன்னும் 6 மாதங்களுக்கு செய்ய வேண்டியுள்ளது. ஏனெனில் உள்ளூராட்சி மன்றத்திற்கு ஜனவரி அல்லது பெப்ரவரி மாதம் அளவில் மக்கள் பிரதிநிதிகள் தேர்வு செய்யப்படுவர். உள்ளூராட்சி மன்ற ஆணையாளர் தமது பொறுப்புகளை உரிய முறையில் முன்னெடுக்க வேண்டும் என்றார்.