டிரம்பின் கருத்துக்கு எதிராக கொதிந்தெழுந்த விளையாட்டு வீரர்கள்

 

• இதை பகிர ஃபேஸ்புக்கில்
•  
• இதை பகிர டுவிட்டரில்
•  
• இதை பகிர Messenger
•  
• இதை பகிர மின்னஞ்சல்
•  
• பகிர்க

படத்தின் காப்புரிமைGETTY IMAGES

விளையாட்டு வீரர்களை விமர்சித்த அமெரிக்க அதிபர் டொனால்ட் டிரம்புக்கு விளையாட்டு உலகில் இருந்து மேலும் கண்டனங்கள் அதிகரித்துள்ளன.

அமெரிக்க தேசிய கீதம் இசைக்கப்பட்டபோது போராட்டம் நடத்திய வீரர்களை தேசிய கால்பந்து லீக் (என்எஃப்எல்) நீக்க வேண்டும் என்று கடந்த வெள்ளிக்கிழமையன்று அமெரிக்க அதிபர் டொனால்ட் டிரம்ப் கூறினார்.

இதற்கு பதிலளிக்கும் விதமாக, உயர்மட்ட கால்பந்து வீரர்கள் மற்றும் கூடைப்பந்து நட்சத்திரமான லெப்ரோன் ஜேம்ஸ் ஆகியோர் டிரம்ப்பிற்கு எதிராக வெளிப்படையாக கண்டனம் தெரிவித்து வருகின்றனர்.

ஒரு என்எஃப்எல் (NFL) குழு உரிமையாளர், டிரம்ப்பின் கருத்துக்கள் "தீங்கு விளைவிக்கக்கூடியது'' என்று கூறினார். ஆனால், டிரம்ப் தனது விமர்சனத்தை மீண்டும் தொடர்ந்தார்.

டிரம்ப் என்ன சொன்னார்?

கடந்த ஆண்டு, வீரர் கொலின் கேப்பர்னிக் துவங்கிய இன உறவுகளின் மீதான எதிர்ப்புக்களின் சரத்தை கருத்தில் வைத்து வெள்ளிக்கிழமை இரவு ஒரு பேரணியில் பேசிய டிரம்ப், தேசிய கீதம் இசைக்கப்பட்டபோது, எதிர்ப்பு ஆர்ப்பாட்டத்தில் ஈடுபட்ட என்எஃப்எல் வீரர்களை தங்கள் அணியிலிருந்து நீக்க வேண்டும் என்று கூறினார்.

"இந்த என்எஃப்எல் உரிமையாளர்களில் ஒருவரைக் காண விரும்புகிறீர்களா? யாரோ ஒருவர் நமது தேசிய கொடியை மதிக்காதபோது, அவரை உடனே பணிநீக்கம் செய்யவேண்டும் அல்லவா?'' என்று டிரம்ப் அந்த கூட்டத்தில் பேசினார்.

என்எஃப்எல்வீரர்கள் எவ்வாறு பதிலளித்தனர்?

என்எஃப்எல் கமிஷனர் ரோஜர் குட்டெல் ஒரு அறிக்கையை வெளியிட்டார், "இதுபோன்ற பிளவுபடுத்தும் கருத்துக்கள், துரதிருஷ்டவசமான அவமரியாதையை காட்டுகின்றன.

படத்தின் காப்புரிமைGETTY IMAGES Image captionஎன்எஃப்எல் கமிஷனர் ரோஜர் குட்டெல்

என்எஃப்எல் வீரர்கள் சங்கம், அதிபர் டிரம்ப் ''வாயைமூடி விளையாடவும்'' என்று வீரர்களை நோக்கி கூறியதன் மூலம், தனது எல்லையைக் கடந்துவிட்டதாக என்எஃப்எல் வீரர்கள் சங்கம் கூறியது.

இந்த விமர்சனத்தில் வேறு யார் இணைந்தனர்?

சனிக்கிழமை இரவு, ஓக்லாண்ட் தடகள வீரர், புரூஸ் மேக்ஸ்வெல், தேசிய கீதம் இசைக்கப்பட்டபோது, எதிர்த்து முழங்கிய முதல் மேஜர் லீக் பேஸ்பால் வீரர் ஆவார்.

கூடைப்பந்து சாம்பியன்களான தி கோல்டன் ஸ்டேட் வாரியர்ஸ் அணியிருக்கு, வெள்ளை மாளிகைக்கு வர விடுத்திருந்த அழைப்பை, ஸ்டீபன் கர்ரி என்ற ஒரு வீரர்,தனக்கு வர விருப்பமில்லை என்று கூறியதை அடுத்து,அதிபர் டிரம்ப் பின்வாங்கினார்.

தி கோல்டன் ஸ்டேட் வாரியர்ஸ், இதற்கிடையில், "வெள்ளை மாளிகைக்கு நாங்கள் அழைக்கப்படுவதில்லை" என்று தெளிவாக புரிந்து கொண்டதாகக் கூறியது. ஆனால் சமத்துவம், பன்முகத்தன்மை,ஒற்றுமையை கொண்டாடுவதற்கு, வாஷிங்டன் டி.சிக்கு தங்கள் சொந்த முயற்சியில் செல்ல வேண்டும் என்றும் அது கூறியது.

என்பிஏ ஆணையர் ஆடம் சில்வர், தி கோல்டன் ஸ்டேட் வாரியர்ஸ் அணி வெள்ளை மாளிகைக்கு செல்ல முடியாமல் போனது தனக்கு ஏமாற்றம் அளித்துள்ளதாகவும், ஆனால் வீரர்கள் வெளிப்படையாக பேசியது "பெருமை" அளித்துள்ளது என்றும் கூறினார்

http://www.bbc.com/tamil/arts-and-culture-41377109

தேசிய கால்பந்து லீக் சர்ச்சை : டிரம்ப்பிற்கு வலுக்கும் எதிர்ப்பு...!

 

• இதை பகிர ஃபேஸ்புக்கில்
•  
• இதை பகிர டுவிட்டரில்
•  
• இதை பகிர Messenger
•  
• இதை பகிர மின்னஞ்சல்
•  
• பகிர்க

படத்தின் காப்புரிமைGETTY IMAGES Image captionஅதிபர் டிரம்புக்கு எதிர்ப்பு தெரிவிக்கும் வகையில் விளையாட்டு வீரர்கள் கரங்களை இறுகக்கட்டி முட்டியிட்டனர்

சக விளையாட்டு வீரர்களுக்கு எதிராக, `மனதை புண்படுத்தக்கூடிய` மற்றும் `பிரிவினையை` தூண்டும் வகையில் பேசியதாக அதிபர்  டிரம்புக்கு எதிர்ப்பு தெரிவிக்கும் வகையில் அமெரிக்காவின் தேசிய கால்பந்து லீக் (என்.எஃப்.எல்) விளையாட்டு வீரர்கள் கரங்களை இறுகக்கட்டி  முட்டியிட்டனர்.

தேசிய கீதத்துக்கு எழுந்து நிற்காத விளையாட்டு வீரர்களை அணியிலிருந்து நீக்க வேண்டும் அல்லது இடைநீக்கம் செய்ய வேண்டும் என்று டிரம்ப் அண்மையில்  பேசி இருந்தார்.  அதுதொடர்பாக மிகக்கடுமையான வார்த்தைகளைப்  பயன்படுத்தியிருந்தார். இது விளையாட்டு உலகில் பெரும் சர்ச்சையை ஏற்படுத்தியது. டிரம்பின் இந்தப் பேச்சுக்கு எதிராக விளையாட்டு வீரர்கள், அணி உரிமையாளர்கள் கருத்துகளை பதிவு செய்து இருந்தனர்.

கடந்த ஆண்டு, வீரர் கொலின் கேப்பர்னிக் பாகுபாட்டுடன் அமெரிக்க கறுப்பு இனத்தவர் நடத்தப்படுவதற்கும், போலீஸ் வன்முறைக்கும் எதிராக தன் எதிர்ப்பை பதிவு செய்ய அமெரிக்க தேசிய கீதம் பாடப்படும் போது தம் கரங்களை இறுகக்கட்டி, முட்டியிட்ட நிலையில் அமரும் எதிர்ப்பு இயக்கத்தை தொடங்கினார்.

பணிநீக்கம் செய்:

வெள்ளிக்கிழமை தமது ஆதரவாளர்களுக்கு மத்தியில் உரையாற்றும் போது, இந்த எதிர்ப்பு இயக்கத்தை குறிப்பிட்டுப் பேசிய அதிபர் டிரம்ப், "ஒருவர் நமது தேசிய கொடியை மதிக்காதபோது, அவரை உடனே பணிநீக்கம் செய்யவேண்டும் அல்லவா?''  என்று பேசினார்.

இதற்கு விளையாட்டு வீரர்கள் வார இறுதி விளையாட்டு நிகழ்வின்போது தங்கள் எதிர்ப்புகளை பதிவு செய்தனர்.  சனிக்கிழமை இரவு நிகழ்ந்த  விளையாட்டு நிகழ்வின் போது, ஓக்லாந்து பேஸ்பால் விளையாட்டு வீரரான ப்ரூஸ் மேக்ஸ்வெல், அமெரிக்க தேசிய கீதம் இசைக்கப்பட்டபோது முட்டியிட்ட நிலையில் அமர்ந்து தம் எதிர்ப்பை பதிவு செய்தார்.

படத்தின் காப்புரிமைREUTERS Image captionஅதிபர் டிரம்புக்கு எதிர்ப்பு தெரிவிக்கும் வகையில் விளையாட்டு வீரர்கள் கரங்களை இறுகக்கட்டி முட்டியிட்டனர்

ஞாயிற்றுக்கிழமை நடந்த என்.எஃப்.எல் விளையாட்டு நிகழ்வின் போதும் பல்வேறு அணியினர் டிரம்பின் இந்த பேச்சுக்கு கண்டனம் தெரிவிக்கும் வண்ணம் தங்கள் எதிர்ப்புகளை பதிவு செய்தனர்.  குறிப்பாக, சியாட்டல் சீயாக்ஸ் அணி மற்றும் டென்னிசி டைட்டன்ஸ் அணி விளையாட்டு வீரர்கள் ஆட்டம்  தொடங்குவதற்கு முன் இசைக்கப்பட்ட தேசிய கீத நிகழ்வில் பங்குபெறவில்லை.  சிகாகோவிலும் பிட்ஸ்பர்க் ஸ்டீலர்ஸ் அணி இவ்வாறே செய்தது.

மேலும், சீயாக்ஸ் மற்றும் டைட்டன்ஸ் இடையிலான விளையாட்டு போட்டியில் தேசிய கீதத்தை பாடியவர், தேசிய கீதம் இசைக்கப்பட்டவுடன் முட்டியிட்டு அமர்ந்தார். 

குறிப்பிடத்தக்க ஒரு நிகழ்வாக, டிரம்பின்  பிரசாரத்திற்கு ஒரு மில்லியன் டாலர் (740,000 பவுண்டுகள்) நன்கொடை அளித்த ஜாக்சன்வில் ஜாக்குவார்ஸ் அணியின் உரிமையாளர் சாஹித் கான், தேசிய கீதம் இசைக்கப்பட்டபோது தன் அணியினருடன் இணைந்து கொண்டு மைதானத்தில் இறங்கி தம் கரங்களை கட்டிக் கொண்டார். அணியின் உரிமையாளர்கள் மைதானத்துக்கு வருவது அரிதான செயல்.

மற்றொரு பக்கம் சில பார்வையாளர்கள், வீரர்களின் இந்த நடவடிக்கைக்கு எதிராக தங்கள் எதிர்ப்பை தெரிவித்து கூச்சலிட்டனர்.  

எதிர்ப்பு தெரிவித்த என்.எஃப்.எல்:

என்.எஃப்.எல் -ம்  டிரம்பின் கருத்துகளுக்கு எதிர்ப்பு தெரிவித்து இருக்கிறது. அதன் ஆணையர் ரோஜர்ஸ் குட்வெல் ஒரு ட்விட்டர் பதவில், "இதுபோன்ற பிளவுபடுத்தும் கருத்துக்கள் துரதிர்ஷ்டவசமாக மரியாதையின்மையை நிரூபிக்கின்றன" என்று கூறியுள்ளார்.

"கடந்தகால மற்றும் நிகழ்கால சமூக உரிமை கதாநாயகர்களின் முகங்களில் விழுந்த அறை" என்று டிரம்பின் கருத்துக்களை ஒரு பதிவில் வர்ணித்துள்ளார்  என்.எஃப்.எல் வீரர்கள் சங்கத்தின் தலைவர் எரிக் வின்ஸ்டன்.

படத்தின் காப்புரிமைGETTY IMAGES Image captionதேசிய கீதத்துக்கு எழுந்து நிற்காத வீரர்களை பணி நீக்கம் செய்ய வேண்டும் என்று பேசிய டிரம்ப்

அழைப்பை திரும்பபெற்ற டிரம்ப்:

இந்த சர்ச்சைகளுக்கு மத்தியில் கூடைப்பந்தாட்ட சாம்பியனான கோல்டன் ஸ்டேட் வாரியர்ஸ் அணிக்கு விடுக்கப்பட்ட அழைப்பை டிரம்ப் திரும்ப பெற்றது புதிய விமர்சனங்களை எழுப்பி உள்ளது.

டிரம்ப் கூடைப்பந்தாட்ட சாம்பியனான கோல்டன் ஸ்டேட்  அணியை வெள்ளை மாளிகைக்கு அழைத்து இருந்தார். ஆனால், அந்த அணியின் ஒரு வீரர், ஸ்டீஃபன் கரி,தான் அங்கு செல்ல விரும்பவில்லை என்று கூறி இருந்தார். அதற்கு பதிலளிக்கும் விதமாக டிரம்ப், "வெள்ளை மாளிகைக்கு செல்வது ஒரு சாம்பியன்ஷிப் அணிக்கு மாபெரும் கெளரவமாக  கருதப்படுகிறது. ஸ்டீஃபன் கரி தயக்கம் காட்டுவதால் நான் அழைப்பை திரும்ப பெறுகிறேன் " என்று பதிவிட்டார்,

http://www.bbc.com/tamil/global-41387132