உலகின் மிகப் பெரிய வங்கிக் கொள்­ளையை நடத்­து­வ­தற்­காக 600 மீற்றர் நீள­மான சுரங்கம் அமைத்த கொள்­ளை­யர்கள் – பிரேஸில் பொலி­ஸா­ரினால் கொள்ளை முயற்சி முறி­ய­டிப்பு

உலகின் மிகப் பெரிய வங்கிக் கொள்­ளையை நடத்­து­வ­தற்­காக 600 மீற்றர் (2000 அடி) நீள­மான சுரங்­க­மொன்றை தோண்­டிய கொள்­ளை­யர்­களை பிரேஸில் பொலிஸார் கைது செய்­துள்­ளனர்.

பிரேஸில் அர­சுக்குச் சொந்­த­மான பேங்கோ டோ பிரேஸில் (பிரேஸில் வங்கி) எனும் வங்­கியின் சாவோ பௌலோ நகர கிளை­யொன்றில் இக்­கொள்­ளையை நடத்­து­வ­தற்கு இக்­கு­ழு­வினர் திட்­ட­மிட்­டி­ருந்­த­தாக பொலிஸார் தெரி­வித்­துள்­ளனர்.

100 கோடி பிரேஸில் றியால்­களை (சுமார் 4877 கோடி இலங்கை ரூபா) அவ்­வங்­கியில் கொள்­ளை­ய­டிப்­பதே இக்­கு­ழு­வி­னரின் திட்­ட­மாக இருந்­தது எனவும் பிரேஸில் பொலிஸார் தெரி­வித்­துள்­ளனர்.திட்­ட­மிட்­ட­படி இக்­கொள்ளை நடை­பெற்­றி­ருந்தால் அது உலகின் மிகப் பெரிய வங்­கிக்­கொள்­ளை­யாக இருந்­தி­ருக்கும்.

ஆனால், பிரேஸில் பொலி­ஸாரின் நட­வ­டிக்­கை­யினால் இக்­கொள்ளை முயற்சி முறி­ய­டிக்­கப்­பட்­டுள்­ளது. இக்­கொள்ளை முயற்சி தொடர்­பாக 16 பேர் கைது செய்­யப்­பட்­டுள்­ளனர்.

கொள்­ளையர் குழு­வினர் வங்கிக் கொள்­ளைக்­காக 4 மாத கால­மாக 600 மீற்றர் நீள­மான சுரங்­கப்­பா­தை­யொன்றை தோண்­டி­யதை பொலிஸார் கண்­டு­பி­டித்­துள்­ளனர். இக்கொள்ளை நடவடிக்கைக்காக 10 லட்சம் றியால்களை (சுமார் 4.88 கோடி ரூபா) செலவிட்டதாகவும் தெரியவந்துள்ளது.