வடக்கில் புதிய கூட்­டணி : தமிழ் தேசிய மக்கள் முன்­ன­ணியும் ஈ.பி.ஆர்.எல்.எவ்.கட்­சியும் இணைந்து போட்­டி­யிட தீர்­மானம்

வடக்கில் புதிய கூட்­டணி : தமிழ் தேசிய மக்கள் முன்­ன­ணியும் ஈ.பி.ஆர்.எல்.எவ்.கட்­சியும் இணைந்து போட்­டி­யிட தீர்­மானம்

(ரி.விரூஷன்)

விரைவில் இடம்­பெ­ற­வுள்ள உள்­ளூ­ராட்­சி­மன்றத் தேர்­தலில் வடக்கு,கிழக்கில் தமிழ் தேசிய மக்கள் முன்­ன­ணியும் ஈ.பி.ஆர்.எல்.எவ். கட்­சியும் இணைந்து புதிய கூட்­ட­ணி­யொன்றின் ஊடாக புதிய சின்­னத்தில் போட்­டி­யி­டு­வ­தற்கு தீர்­மா­னித்­துள்­ளன.

இப்­பு­திய கூட்­ட­ணிக்கு தமிழ் மக்கள் பேர­வையும் தமது ஆத­ர­வினை வழங்­கி­யி­ருப்­ப­தா­கவும் குறித்த கட்­சி­களின் பிர­தி­நி­திகள் அறி­வித்­துள்­ளனர்.

எதிர்­வரும் ஜன­வரி மாதம் இடம்­பெ­ற­வுள்ள உள்­ளூ­ராட்­சி­மன்ற தேர்தல் தொடர்­பாக தமிழ் மக்கள் பேர­வை­யா­னது நேற்­றைய தினம் கலந்­து­ரை­யாடல்  ஒன்றை மேற்­கொண்­டி­ருந்­தது. இக் கலந்­து­ரை­யா­ட­லா­னது யாழ்.பொது நூல­கத்தில் இடம்­பெற்­றி­ருந்­தது.  

இந்த கலந்­து­ரை­யா­ட­லி­லேயே மேற்­படி ஒர் தீர்­மானம் எடுக்­கப்­பட்­ட­தாக தக­வல்கள் தெரி­விக்­கப்­ப­டு­கின்­றது. இவ்­வா­றான நிலையில் இக் கலந்­து­ரை­யா­டலில் பங்­கு­பற்­றிய தமிழ் தேசிய மக்கள் முன்­ன­னியும், ஈ.பி.ஆர்.எல்.எவ். ஆகிய இரு கட்­சி­களும் மேற்­படி புதிய பொதுக் கூட்­டனி குறித்­தான தக­வல்­களை வெளி­யிட்­டுள்­ளன.

இக் கலந்­து­ரை­யாடல் தொடர்­பாக தமிழ் தேசிய மக்கள் முன்­ன­ணியின் தலைவர் கஜேந்­தி­ர­குமார் பொன்­னம்­பலம் தெரி­விக்­கையில் ,

நாட்டில் புதிய அர­சி­ய­ல­மைப்பு தொடர்­பான நட­வ­டிக்­கைகள் முன்­னெ­டுக்­கப்­பட்­டுள்ள நிலையில் அது தொடர்­பான இடைக்­கால அறிக்­கை­யொன்று வெளி­யா­கி­யுள்­ளது. இவ் அறிக்­கை­யா­னது தமிழ் தேசிய நலன்­களை ஊதா­சீனம் செய்யும் வகை­யிலும், தமிழ் தேசிய அபி­லா­ஷை­க­ளுக்கு முற்­றுப்­புள்ளி வைக்கும் வகை­யி­லுமே உள்­ளது.

இத்­த­கைய ஒர் வழி­காட்டல் குழுவின் அறிக்­கையின் பின்­ன­ணி­யி­லேயே தற்­போது உள்­ளு­ராட்சி தேர்­த­லி­னையும் நாம் அனுக வேண்­டி­யுள்­ளது. இத்­த­கைய ஒரு நிலையில் தமிழ் மக்­க­ளுக்கு எந்­த­வ­கை­யிலும் பிரி­யோ­ச­ன­மற்ற இவ் அறிக்­கையை முழு­மை­யாக ஆத­ரித்து தமிழ் தேசிய கூட்­ட­மைப்­பா­னது மக்கள் மட்­டத்தில் பிரச்­சாரம் செய்து வரும் நிலையில், இவ் அர­சி­ய­ல­மைப்பை ஏன் தமிழ் மக்கள் நிரா­க­ரிக்க வேண்டும் என்ற கார­ணங்­களை மக்கள் மத்­தியில் கொண்டு செல்ல வேண்டும். அதனை தெளி­வு­ப­டுத்த வேண்­டிய நிலையில் உள்ளோம்.

அந்­த­வ­கையில் உள்­ளு­ராட்சி தேர்­த­லினை அவ் அர­சி­ய­ல­மைப்­புக்கு உரிய ஒரு கருத்­துக்­க­ணிப்­பாக ஏற்­றுக்­கொண்டு மக்­க­ளுக்கு ஆழ­மான அர­சி­யலை கொண்டு செல்ல வேண்டும். அது மட்­டு­மல்­லாமல் உள்­ளு­ராட்சி தேர்­தலில் தமிழ் மக்கள் பேர­வை­யா­னது நேர­டி­யாக அர­சி­யலில் குதிக்­க­வில்லை என்­றாலும், அவர்­க­ளது பங்­க­ளிப்­போடு புதிய கூட்­ட­ணி­யொன்று போட்­டி­யிட வேண்டும். அக் கூட்­ட­ணியில் எமது கட்­சியும், ஈ.பி.ஆர்.எல்.எவ் கட்­சியும் மற்றும் பொது அமைப்­பு­களும் காணப்­படும்.

இதே­வேளை வடக்கு மாகாண முத­ல­மைச்சர் இக் கலந்­து­ரை­யா­டலில் பேசும் போது, தமிழ் தேசிய கூட்­ட­மைப்­பி­லுள்ள ஒரு சிலர் தாம் போகின்ற பாதை பிழை­யா­னது என உணர்ந்து திருந்தி தற்­போது அவ்­வா­றான கருத்­துக்­களை கூறி­வ­ரு­வ­தா­கவும் எனவே அவர்­க­ளையும் எதோ ஒரு வகையில் அர­வ­ணைத்து போக வேண்­டி­யுள்­ளது எனவும் குறிப்­பிட்­டி­ருந்தார்.

தற்­போது தமிழ் மக்­களின் நிலை­யா­னது நடுத்­தெ­ரு­வுக்கு வந்­துள்­ளது. அதற்கு காரணம் தமிழ் அர­சியல் தலை­மைகள் தமது பணி­யினை செய்­யா­மை­யாகும். அத்­த­கைய தமிழ் தலை­மைகள் தாம் செய்து கொண்­டி­ரு­கின்ற அநி­யா­யங்கள் அம்­ப­ல­மா­கிக்­கொண்­டி­ருக்­கின்ற நிலை­யிலும், மக்­க­ளுக்கு தாம் செய்ய நினைத்த துரோ­கங்­களை முழு­மை­யாக செய்ய முடி­யாத நிலை உரு­வாகி வரு­கின்ற நிலை­யிலும், தாமும் திருந்தி வரு­கின்றோம் என்ற முன்­வைக்கும் விட­யத்தை ஏற்­றுக்­கொள்ள முடி­யாது.

எனேனில் நாம் மக்­க­ளுக்கு நேர்­மை­யான அர­சி­யலை செய்ய நினைக்­கின்றோம். அத்­த­கைய அவர்­களை இணைத்­துக்­கொண்டு நாம் நேர்­மை­யான அர­சி­யலை செய்ய முடி­யாது என்­ப­துவே எமது நிலைப்­பா­டகும் என்றார்.

இக் கலந்­து­ரை­யாடல் தொடர்­பாக ஈ.பி.ஆர்.எல்.எவ் கட்­சியின் தலைவர் சுரேஸ்­பி­ரே­ம­சந்­திரன் தெரி­விக்­கையில்,

நாம் தமிழ் மக்­க­ளுக்கு மாற்றுத் தலைமை தொடர்­பாக நீண்­ட­கா­ல­மா­கவே வலி­யு­றுத்தி வந்­தி­ருந்தோம். இந்­நி­லையில் அதன் தேவையை எல்­லோ­ருமே கூடு­த­லாக உணர்ந்­து­கொண்­டுள்­ளார்கள். எனேனில் தமி­ழ­ரசு கட்­சி­யா­னது தமிழ் மக்கள் வழங்­கிய ஆணையை முழு­மை­யாக கைவிட்ட நிலை­யி­லேயே செயற்­பட்டு வரு­கின்­றது.

அதா­வது அது ஒரு எதேச்சை அதி­கார போக்­கி­லேயே செயற்­பட்டு வரு­கின்­றது. குறிப்­பாக தமிழ் தேசிய கூட்­ட­மைப்­புக்குள் கூட்­டங்­களை நடத்­தாமல் ஒரு இருவர் எடுக்­கின்ற முடி­வு­களை எல்­லோரும் ஏற்­றுக்­கொள்ள வேண்டும் என விட­யங்கள் திணிக்­கப்­ப­டு­கின்­றன. மேலும் தமிழ் மக்கள் வழங்­கிய ஆணை­களில் அவர்­க­ளிடம் எது தற்­போது இருக்­கின்­றது என்ற கேள்வி தற்­போது ஏற்­பட்­டுள்­ளது.

சம்­மந்­தனை போன்ற ஒற்­றை­யாட்­சியை ஏற்­றுக்­கொள்ள கூடிய ஒரு தமிழ் தலைவர் இனிமேல் கிடைக்­க­மாட்டார் என சிங்­களத் தலை­வர்கள் கூறு­ம­ள­வுக்கே அவ­ரது செயற்­பா­டுகள் காணப்­ப­டு­கின்­றன. முன்னர் ஏக்­கிய ராஜ்ய என்­பது தமிழில் ஒரு­மித்த நாடு என கூறப்­பட்­டி­ருந்­தாலும் அது மூன்று மொழி­யிலும் ஒற்­றை­யாட்சி என்றே அர்த்­தப்­படும் என பிர­த­மரே தற்­போது கூறி­விட்டார்.

இவ்­வா­றான ஒரு நிலை­மையில் சமஸ்டி என்ற சொல் இல்­லா­விட்­டாலும் அதி­கா­ரங்கள் கிடைக்கும் என கூறு­வது ஏமாற்றுத் தன­மான பொய்­யான ஒரு கருத்­தாகும். எனவே இனிமேல் தமிழ் மக்­களின் உரி­மைகள் எவ்­வாறு கிடைக்­கப்­போ­கப்­போ­கின்­றன என்ற கேள்­வி­யெ­ழுந்­துள்­ளது. எனவே தமிழ் மக்­களின் உரி­மை­களை வென்­றெ­டுக்க புதிய தல­மைத்­து­வமும் புதிய கூட்­ட­ணியும் தேவை என்­பது இன்­றைய கூட்­டத்தில் (நேற்­றைய) எல்­லோ­ராலும் ஏற்­றுக்­கொள்­ளப்­பட்­டுள்­ளது.

அந்­த­வ­கையில் அத்­த­கைய ஒரு புதிய கூட்­டணி பொது­வான ஒரு சின்­னத்தில் பொது­வான ஒரு கொள்­கையில் விரைவில் உரு­வாக்­கப்­படும் என்றார்.

இதன்­போது அவ­ரிடம், முத­ல­மைச்சர் கூட்­ட­மைப்பில் இருந்து கட்­சிகள் பிரிந்து செல்­வது நல்­ல­தல்ல, இணைந்து செயற்­ப­டு­வதே சிறந்­தது என கூறி­யுள்ளார் என கேட்­கப்­பட்ட போது,

அது முதலமைச்சருக்குள்ள ஆதங்கம், பிரிந்து போகக்கூடாது என்ற விருப்பமாகும். ஆனால் கூட்டமைப்பில் இருந்து பிரிந்து போக தமிழரசு கட்சியே காரணம் என அவர் முன்னரே கூறியும் இருந்தார். இந்நிலையில் ஈ.பி.ஆர்.எல்.எவ் கூட்டமைப்பில் இருந்து பிரிந்து செல்லவில்லை. அது தமிழரசு கட்சியுடன் இணைந்து செயற்பட முடியாது என்பதாலயே தமிழரசு கட்சியுடனான இணைவில் இருந்து பிரிந்து செல்கின்றது.

மேலும் தமிழரசு கட்சியானது கொள்கைகள் தொடர்பாக பிரச்சனைகள் தொடர்பாக கலந்துபேசி ஒருமித்த கருத்தாக எடுத்திருந்தால் இதனை தவிர்த்திருக்கலாம் என்ற கருத்துக்கள் முதலமைச்சருக்கு முன்பும் இருந்தன தற்போதும் இருக்கின்றன என்றார்.