உள்­ளு­ராட்­சித் தேர்­தலை நடத்­து­வ­தில் இருந்த பிரச்­சி­னை­கள் எல்­லாம் தீர்க்­கப்­பட்­டு­விட்­டன. எல்­லாச் சபை­க­ளுக்­கும் ஒரே நாளில் தேர்­தல் நடத்­தப்­ப­டும் என்­பது உறு­தி­யா­கி­விட்­டது. மாசி மாதம் இலங்­கை­யின் சுதந்­திர தினத்தை அடுத்­து­வ­ரும் முதல் சனிக்கிழ­மை­யில் தேர்­தல் நடத்­தப்­ப­ட­லாம் என்­கிற எதிர்­பார்ப்பு உள்­ளது. எனி­னும் எதிர்­வ­ரும் 27ஆம் திக­தி­தான் அது தொடர்­பான உறு­தி­யான அறி­விப்பு வெளி­யா­கும். எப்­ப­டி­யி­ருந்­தா­லும் மாசி மாதத்­தில் தேர்­தல் நடப்­பது உறுதி என்­ப­தால் கட்­சி­க­ளும் அதற்­கான பணி­க­ளில் மும்­மு­ரம் காட்­டு­கின்­றன.

அண்­மை­யில் உரு­வா­கிய மகிந்த ஆத­ர­வுக் கட்சி உட்­பட வடக்­கில் பல கட்­சி­க­ளும் இந்த உள்­ளு­ராட்­சித் தேர்­த­லில் அக்­கறை காட்­டு­கின்­றன. எனி­னும், கூட்­ட­மைப்­புக்­குப் பலத்த போட்­டியை வழங்­கக்­கூ­டிய எந்­த­வொரு அணி­யும் களத்­தில் இல்லை. தமிழ் மக்­கள் பேர­வையைக் களத்­தில் இறக்­கி­வி­டு­வ­தற்கு அதி­லி­ருந்த சிலர் எடுத்த முயற்­சி­க­ளும் பிசு­பி­சுத்­துப்­போன நிலை­யாலும் தமிழ்க் காங்­கி­ரஸ் கஜேந்­தி­ர­கு­மார் பொன்­னம்­ப­லத்­துக்­கும் ஈபி­ஆர்­எல்­எவ் சுரேஸ் பிரே­மச்­சந்­தி­ர­னுக்­கும் இடை­யி­லான கூட்டு இன்னமும் சரி­வர ஒழுங்­க­மைக்­கப்­ப­டாத நிலை­யாலும் கூட்­ட­மைப்­பின் ஏக­போ­கத்­த­னத்­திற்கு அச்­சு­றுத்­தல் ஏதும் தற்போது களத்­தில் இல்லை.

உள்­ளு­ராட்­சித் தேர்­தல்­கள் நாடா­ளு­மன்ற மற்­றும் மாகாண சபை­கள் தேர்­த­லைப் போன்­ற­தல்ல. இங்கு வெற்றி தோல்­வி­கள் வெறும் அர­சி­யல் கொள்­கை­க­ளின் பாற்­பட்­டுத் தீர்­மா­னிக்­கப்­ப­டு­பவையல்ல. அதை­யும் தாண்டி உள்­ளு­ரில் நிறுத்­தப்­ப­டும் வேட்­பா­ள­ரின் செல்­வாக்­கும் தீர்­மா­ன­க­ர­மான பங்­க­ளிப்பை வழங்­கும். அதி­லும் இம்­முறை தொகுதி ரீதி­யான போட்­டி­யில் வேட்­பா­ள­ரின் பங்­க­ளிப்பு இன்­னும் கணி­ச­மா­ன­தாக இருக்­கும்.

அதற்­கா­கக் கட்­சி­க­ளின் கொள்கை நிலைப்­பா­டு­க­ளைப் புறக்­க­ணித்­து­விட்டு மக்­கள் வாக்­க­ளித்­து­வி­டு­வார்­கள் என்று எண்­ணி­விட முடி­யாது. எனவே இந்­த­முறை தேர்­தல் பரப்­பு­ரையை புதிய அர­ச­மைப்பு தொடர்­பான விட­யங்­கள் ஆக்­கி­ர­மித்து நிற்­கும் என்­ப­தில் சந்­தே­க­மில்லை. அதி­லும் குறிப்­பாக, ஒற்­றை­யாட்சி, பெளத்த மதத்­துக்கு முக்­கி­யத்­து­வம், வடக்கு கிழக்கு மாகா­ணங்­க­ளின் இணைப்பு என்­பவை அதி­கம் கவ­னம் பெறப்­போ­கும் விட­யங்­க­ளாக இருக்­கும்.

புதிய அர­ச­மைப்பு உரு­வாக்­கத்­தில் இந்த விட­யங்­க­ளில் தமிழ்த் தேசி­யக் கூட்­ட­மைப்பு விட்­டுக்­கொ­டுத்­து­விட்­டது என்­கிற பலத்த குற்­றச்­சாட்டு அதன் மீது உண்டு. தமிழ் மக்­க­ளின் அடிப்­ப­டை­க­ளையே விட்­டுக்­கொ­டுத்­து­விட்டு அரை­கு­றைத் தீர்­வைக் கூட்­ட­மைப்­பின் தலை­வர்­கள் ஏற்­கப்­போ­கி­றார்­கள் என்­கின்ற விமர்­ச­னங்­க­ளும் முன்­வைக்­கப்­ப­டுகின்­றன. எனவே தேர்­தல் பரப்­பு­ரை­யில் கூட்­ட­மைப்­புக்கு எதி­ரான தரப்­பு­க­ளின் முக்­கிய ஆயு­த­மாக இந்­த­வி­ட­யமே இருக்­கும் என்­ப­தில் ஐய­மில்லை.

கூட்­ட­மைப்­புக்கு வாக்­க­ளித்­து­விட்­டால் தமி­ழர்­கள் ஒற்­றை­யாட்­சியை அங்­கீ­க­ரித்­து­விட்­டார்­கள் என்­றும், பௌத்த மதத்­துக்கு முன்­னு­ரிமை வழங்­கு­வ­தற்கு இணங்­கி­விட்­டார்­கள் என்­றும், வடக்கு கிழக்கு இணைப்­புத் தேவை­யில்லை அல்­லது அத­னைப் பின்­னர் பார்த்­துக் கொள்­ள­லாம் என்று அங்­கீ­க­ரித்­து­விட்­டார்­கள் என­வும், கூட்­ட­மைப்பு பின்­னர் இவற்றையெல்லாம் திரி­பு­ப­டுத்­தி ­வி­டும் என்­றும் அத­னால் தமிழ் மக்­கள் கூட்­ட­மைப்­புக்கு வாக்­க­ளிக்­கக்­கூ­டாது என்­றும், அவர்­கள் கோரு­வார்­கள் என்­பது திண்­ணம்.
அர­சி­யல் களத்­தில் கூட்­ட­மைப்­புக்கு நிக­ரான மாற்று ஒன்று இல்­லாத நிலை­யில், உரு­வாக முடி­யா­தி­ருக்­கும் யதார்த்­தத்­தில் கூட்­ட­மைப்­புக்­கு வாக்­க­ளிக்­கக்­கூ­டாது என்று கோரு­வ­தும் அந்­தக் கோரிக்­கை­யில் நியா­யம் இருப்­ப­தாக மக்­க­ளுக்­குத் தோன்­றக்­கூ­டிய சூழல் இருப்­ப­தும் மக்­களை வாக்­க­ளிப்­பில் இருந்து அந்­நி­யப்­ப­டுத்­தி­வி­டும்.

அவ்­வாறு வாக்­க­ளிப்­புக்­குச் செல்­வதை மக்­கள் குறைத்­துக் கொள்­ளும்­போது, ஏனைய தரப்­பு­கள் பெறும் குறைந்­த­ளவு வாக்­கு­கள்­கூட விகி­தா­சா­ரப் பிர­தி­நி­தித்­து­வத்­தின் ஊடாக அவற்­றுக்கு அதிக ஆச­னங்­க­ளைப் பெற்­றுத்­த­ரக்­கூ­டி­ய­தாக அமைந்­து­வி­டும்.

இந்­தச் சிக்­க­லில் இருந்து விடு­ப­ட­வேண்­டு­மா­னால் தமிழ்த் தேசி­யக் கூட்­ட­மைப்பு தமிழ் மக்­க­ளின் மனங்­க­ளில் இருக்­கும் சந்­தே­கங்­களை தெளி­வு­ப­டுத்த வேண்­டி­யது அவ­சி­யம். தேர்­தல் அறிக்கை மூல­மா­கவே அத­னைக் கூட்­ட­மைப்­பால் செய்­யக்­கூ­டி­ய­தாக இருக்­கும். தமிழ் மக்­க­ளின் அடிப்­ப­டைக் கோரிக்­கை­க­ளில் இருந்து வில­காத வகை­யி­லும், ஏற்­க­னவே தாம் மக்­க­ளி­டம் இருந்து பெற்­றுக்­கொண்ட ஆணை­யி­லி­ருந்து வில­காத வகை­யி­லும், தமது தேர்­தல் அறிக்­கையை கூட்­ட­மைப்பு முன்­வைக்க வேண்­டும். சிக்­க­லான சட்­ட­மொ­ழிக் கையா­ளு­கை­யை­வி­டுத்து அனைத்து மக்­க­ளும் புரிந்­து­கொள்­ளக்­கூ­டிய தெளி­வான தேர்­தல் அறிக்கை ஒன்­றைக் கூட்­ட­மைப்பு இந்­தத் தேர்­த­லில் விடுக்­க­வேண்­டும். அதன் மூலமே மக்­களை வாக்­க­ளிப்பு நிலை­யங்­களை நோக்கி அத­னால் கவர முடி­யும்.

அத்­தோடு தன் மீதான சந்­தே­கங்­க­ளைக் களை­வ­தும், மக்­க­ளின் ஆணை­யி­லி­ருந்து தான் வில­கிச்­செல்­ல­வில்லை என்­பதை எண்­பிப்­ப­தும் கூட்­ட­மைப்­பின் கட­மை­யும்­கூட.