சந்­தி­ரி­கா­வின் கருத்து கண்­மூ­டித்­த­ன­மா­னதே

கூட்டு அர­சின் தலை­வர் மைத்­தி­ரி­பால சிறி­சே­ன­வும், தலைமை அமைச்­சர் ரணில் விக்­கி­ர­ம­சிங்­க­வும் களவு செய்­ய­மாட்­டார்­கள் என்று தெரி­வித்து அவர்­கள் மட்­டில் தனது பகி­ரங்க ஆத­ரவை முன் வைத்­துள்­ளார் முன்­னாள் அரச தலை­வர் சந்­தி­ரிகா குமா­ர­துங்க.

வியாங்கொட பிர­தே­சத்­தில் நேற்­று­முன்­தி­னம் இடம்­பெற்ற மக்­கள் சந்­திப்­பி­லேயே இவ்­வா­றாக தனது நம்­பிக்கையை வெளிப்­ப­டுத்­தி­யுள்­ளார் சந்­தி­ரிகா.

பிணை­முறி விவ­கா­ரத்தை மைய­மாக வைத்தே அவர் தனது கருத்­துக்­க­ளைப் பதி­வு­செய்­தி­ருந்­தார். பிணை­முறி விவ­கா­ரத்­தில் தவறு செய்­த­வர்­க­ளுக்கு மைத்­திரி – ரணில் கூட்டு அரசு நிச்­ச­யம் தண்­ட­னை­யைக் கொடுக்­கும் என்­ற­வா­றாக சந்­தி­ரிகா தனது நம்­பிக்­கையை வெளிப்­ப­டுத்­தி­னார்.

மத்­திய வங்­கி­யில் இடம்­பெற்ற பிணை­முறி மோசடி விவ­கா­ரத்­தில் அதன் முன்­னாள் ஆளு­நர் கூட்டு அர­சால் வீட்­டுக்கு அனுப்­பப்­பட்­டமை, நிதி அமைச்­சர் பத­வி­யில் இருந்து நீக்­கப் பட்­டமை ஆகி­ய­வற்றை தனது நம்­பிக்­கைக்­கான சான்­றா­தா­ரங்­க­ளாக வைத்­துள்­ளார் சந்­தி­ரிகா.

ஆனால் மைத்­திரி – ரணில் இரு­வ­ரும் களவு செய்­ய­மாட்­டார்­கள் என்று அவர் வெளிப்­ப­டுத்­து­வது தமிழ் மக்­க­ளைப் பொறுத்­த­வ­ரை­யில் பெரும் அபத்­தமே.

தமிழ் மக்­க­ளின் பெரு­வா­ரி­யான வாக்­கு­க­ளைப் பெற்று ஆட்­சிக்கு வந்த இந்­தக் கூட்டு அரசு, முடி­வ­டைந்­துள்ள தனது 50 வீத­மான ஆயுட்­கா­லத்­தில் தமி­ழர்­க­ளுக்­காக எதை முழு­மை­யா­கச் செய்­துள்­ளது, சாதித்­துள்­ளது என்ற கேள்வி கேட்­கப்­ப­டும் பட்­சத்­தில் முழு­மை­யான பதில் நிச்­ச­யம் கிடைக்க வாய்ப்­பில்லை.

எனின் இந்த அர­சின் இரு உயர் அதி­கா­ரத் தரப்­புக்­க­ளான மைத்­திரி, ரணில் களவு செய்­யா­த­வர்­களா?
கூட்டு அர­சால் வழங்­கப்­பட்ட ஏகப்­பட்ட வாக்­கு­று­தி­கள் தொடர்பிலும், பரப்­பு­ரை­கள் தொடர்பிலும் இன்னமும் காத்­தி­ர­மான நகர்­வு­கள் வெளிப்­ப­ட­வில்லை.

படை­யி­னர் வச­முள்ள நிலத்தை விடு­விக்க வேண்­டும், இரா­ணு­வப் பிர­சன்­னத்­தைக் குறைக்க வேண்­டும், காணா­மல் ஆக்­கப்­பட்­ட­வர்­கள் விடயத்­தில் தெளி­வு­ப­டுத்­தல் வேண்­டும், அர­சி­யல் கைதி­க­ளின் விடு­த­லைக்கு வழி­ச­மைக்க வேண்­டும் என்று எண்­ணற்ற பிரச்­சி­னை­க­ளு­ட­னும், போராட்­டங்­க­ளு­ட­னும்­தான் தமி­ழர் தாய­கம் தமி­ழர் திரு­நா­ளாம் தைத் திரு­நாளைக் கண்­டுள்­ளது, தொடர்ந்­தும் பய­ணிக்­கத் தயா­ரா­க­வுள்­ளது, பய­ணிக்­கும்.

மேற்­கு­றிப்­பிட்ட அத்­தனை விட­யங்­க­ளி­லும் கூட்டு அரசு எமக்­கு­ரிய தீர்­வைத் தரும் என்ற நம்­பிக்­கை­யி­லேயே தமிழ்க்­கூட்­ட­மைப்­பும் தனது ஆத­ரவை இந்த ஆட்­சிக்கு வழங்­கி­யது, வழங்கி வரு­கி­றது.

ஆனால் கூட்டு அரசோ, வெறும் வார்த்தை ஜாலங்­க­ளால் ஒவ்­வொன்­றை­யும் கடந்து சென்­று­கொண்­டி­ருக்­கி­றது என்­பதே உண்மை.

தனது உரை­யின்­போது, ‘முன்­னாள் அர­ச­த­லை­வர் மகிந்த பில்­லி­யன் கணக்­கில் கொள்­ளை­யில் ஈடு­பட்­டார்.

அது தொடர்­பில் தற்­போ­தும் விசா­ர­ணை­கள் நடை­பெற்று வரு­கின்­றன’ என்­றும் சந்­தி­ரிகா குறிப்­பிட்­டி­ ருந்­தார். மகிந்­த­வு­டன் ஒப்­பி­டு­கை­யில் மைத்­திரி சிறந்­த­வ­ராக சந்­தி­ரி­கா­வுக்­குத் தோன்­ற­லாம்.

ஆனால் தமி­ழர்­க­ளைப் பொறுத்தவரை­யில், அவர்­க­ளின் பிரச்­சினை பிணை­முறி தொடர்­பா­னது மட்­டு­மானதல்ல. எனவே தமி­ழர்­க­ளின் கோரிக்­கை­கள் மட்­டில் மகிந்­த­வின் காலத்து ஆட்­சிக்­கும், கூட்டு ஆட்­சிக்­கும் இடை­யில் பெரி­ய­ள­வில் வேறு­பாடு காணப்­ப­ட­வில்லை.

அவ்­வா­றான வேறு­பாட்டை என்று தமி­ழர் தாய­கம் காண்­கி­றதோ அன்­று­தான் சந்­தி­ரி­கா­வின் கருத்தை தமிழ் மக்­கள் ஏற்­றுக்­கொள்­வார்­கள்.

தமது நிலம் கிடைக்­கா­த­வரை, தமது உற­வு­கள் விடு­விக்­கப்­ப­டா­த­வரை, தம்­ம­வர்­க­ளுக்கு என்ன ஆயிற்று என்ற நிலைப்­பாட்­டில் தெளி­வில்­லா­த­வரை மைத்­திரி, ரணில் இரு­வ­ரும் களவு செய்­ப­வர்­க­ளா­கவே தமிழ் மக்­க­ளுக்­குத் தோன்­று­வார்­கள்.