அகதிகளுக்கு கொழும்பில் நிவாரணப்பொருட்கள் சேகரிக்கும் பணியில் மேலக முன்னணி, தமிழ் கூட்டமைப்பு எம்.பி.க்கள் -தாராள மனதுடன் உதவுமாறு வேண்டுகோள்

மட்டக்களப்பு மாவட்டத்தில் அரசபடையினரால் தொடர்ச்சியாக மேற்கொள்ளப்பட்டு வரும் ஷெல் மற்றும் பல்குழல் ரொக்கட் தாக்குதல்கள் காரணமாக பல்லாயிரக்கணக்கில் இடம் பெயர்ந்துள்ள மக்களுக்கு தலைநகர் கொழும்பில் வசிக்கும் அனைத்து மக்களும் இன மதபேதமின்றி நிவாரண உதவிகளை வழங்குமாறு மேலக மக்கள் முன்னணியின் தலைவரும் கொழும்பு மாவட்ட பாராளுமன்ற உறுப்பினருமான மனோ கணேசன் அவசர வேண்டுகோள் விடுத்துள்ளார்.

மேலக மக்கள் முன்னணியும் தமிழ்த் தேசிய கூட்டமைப்பின் மட்டக்களப்பு மாவட்ட பாராளுமன்ற உறுப்பினர்களும் இணைந்து தலைநகர் கொழும்பிலுள்ள வர்த்தகர்கள், பொதுமக்கள், பொது நிறுவனங்கள் என்பவற்றிடமிருந்து நிவாரண உதவிப் பொருட்களைப் பெற்று மட்டக்களப்பு மாவட்டத்தில் இடம் பெயர்ந்துள்ள மக்களுக்கு அனுப்பிவைக்கவுள்ளதாகவும் மனோ கணேசன் தெரிவித்துள்ளார்.

தொடர்ச்சியாக இடம் பெற்றுவரும் தாக்குதல் சம்பவங்கள் காரணமாக மட்டக்களப்பு மாவட்டத்தின் இராணுவ கட்டுப்பாடற்ற பிரதேசங்களிலிருந்து இராணுவ கட்டுப்பாட்டுப் பிரதேசங்களுக்கு சுமார் ஒன்றரை இலட்சம் மக்கள் இடம் பெயர்ந்துள்ள நிலையில் மிகப் பெரும் மனித அவலமொன்றை எதிர்கொண்டுள்ளனர்.

மிகப்பெருமளவில் இடம்பெயர்ந்துள்ள இந்த மக்கள், தங்குமிடமின்றி வீதியோரங்களிலும் பொது இடங்களிலும் மரநிழல்களுக்கு கீழேயும் தங்கியுள்ள நிலையில் உணவு, உடை, குடிநீர், சுகாதார வசதிகளின்றி பெரும் அவலநிலைக்கு தள்ளப்பட்டுள்ளனர்.

எனவே, இடம்பெயர்ந்துள்ள மக்களுக்கு அத்தியாவசியமாக தேவைப்படுகின்ற உணவுப்பொருட்கள், குழுந்தைகளுக்கான பால்மா, நுளம்புத் திரி, பெட்சீட், பாய், மருந்துப்பொருட்கள் என்பனற்றை தலைநகர் கொழும்பிலுள்ள அனைத்து மக்களும் மனிதாபிமான அடிப்படையில் வழங்கி உதவுமாறு மனோ கணேசன் அவசரவேண்டுகோள் விடுத்துள்ளார்.

அவசர நிவாரண உதவிகளை வழங்க முன்வரும் வர்த்தகர்கள், பொதுமக்கள், பொது நிறுவனங்கள் கீழ்கண்ட தொலைபேசி இலக்கங்களுடன் தொடர்பு கொள்ளுமாறு வேண்டப்படுகின்றனர். மனோ கணேசன் எம்.பி. 0777-312770, எஸ்.ஜெயானந்தமமூர்த்தி எம்.பி. 077-3031598, பா.அரியநேத்திரன் எம்.பி. 0773088296, கே.பத்மநாதன் எம்.பி.071-2111999.

மூலம்

நானும் கொழும்பிலதான் இருக்கிறன் அப்படி ஒனறையும் காணேல்லை

நான் அறிந்தவரை இந்தவிடயம் காலி வீதிக்கு வரவே இல்லை

சுனாமியின் போது எவ்வளவு உதவியை இங்கிருந்தவர்கள் செய்தார்கள்

நானும் கொழும்பிலதான் இருக்கிறன் அப்படி ஒனறையும் காணேல்லை

நான் அறிந்தவரை இந்தவிடயம் காலி வீதிக்கு வரவே இல்லை

சுனாமியின் போது எவ்வளவு உதவியை இங்கிருந்தவர்கள் செய்தார்கள்

எல்லோரும் துன்பதையனுபவிக்கும் தமிழ் மக்களி வைத்து வியாபரம் பண்ணுவதில்தானிருகின்றனர் :angry: