சசிகலா குடும்பத்தில் நிலவும் குழப்பங்கள் 'பளிச்'சென அம்பலமாகி வருகின்றன

சசிகலா குடும்பத்தில் நிலவும் குழப்பங்கள் 'பளிச்'சென அம்பலமாகி வருகின்றன. தினகரன் - திவாகரன் இடையே வெடித்த குடும்பத்தில் கடும் கசமுசா ஏற்பட்டுள்ளது.இதை, திவாகரன் மகன், ஜெயானந்த், தினகரன் ஆதரவாளர் வெற்றிவேல் ஆகியோரின் 'பேஸ்புக்'பதிவுகள் வெட்ட வெளிச்சமாக்கி உள்ளன.

ஜெ., மறைவுக்கு பின், சசிகலா குடும்பத்திற்குள் அதிகார மோதல் ஏற்பட்டது. சசிகலா சிறைக்கு சென்றதும், மோதல் அதிகரித்தது. சசிகலா அறிவுரைப்படி, அவரது அக்கா மகன் தினகரன், புதிய கட்சியை துவக்கி உள்ளார். சசிகலாவின் தம்பி திவாகரன் கட்சியில் தன் மகனுக்கு முக்கியத்துவம் தரப்படும் என எதிர்பார்த்தார். ஆனால், குடும்பத்தினரை ஒட்டு மொத்தமாக ஓரங்கட்டி தினகரன் தனித்து செயல்பட்டு வருகிறார். இது, திவாகரனுக்கு பிடிக்கவில்லை. குடும்பத்திலும், அரசியலிலும், தன்னை முன்னிலைப்படுத்த, திவாகரன் விரும்புகிறார். இதனால் யார் பெரியவர் என்பதில், அவருக்கும், தினகரனுக்கும் இடையே, அடிக்கடி பிரச்னைகள் ஏற்பட்டன. தற்போது, கடும் மோதலாக வெடித்துள்ளது.இதை அம்பலப்படுத்தும்விதமாக, திவாகரனுக்கு ஆதரவாக, அவரது மகன் ஜெயானந்த், நேற்று முன்தினம் மதியம் 2:07 மணிக்கு தன் பேஸ்புக் பக்கத்தில் 'மாபெரும் தவறுகளை பொறுத்து கொண்டு இருக்கிறோம். இந்த நிலை நீடித்தால், அந்த அமைப்பு, விரைவில் சமைக்கப்படும்' என பதிவிட்டார்.மீண்டும் மாலை 6:56 மணிக்கு 'என்னால் முடிந்த நல்லதை, போஸ் மக்கள் பணியகம் சார்பில் செய்யப் போகிறேன். அரசியலில் செயல்படப் போவதில்லை. யாருக்கும் இடையூறாக இருக்கப் போவதில்லை. என்னை சீண்டி, அரசியலில் இழுத்து விட்டால் தான் உண்டு' என்ற கருத்தை பதிவிட்டார்.அதன் தொடர்ச்சியாக, நேற்று மதியம் 'என் நேற்றைய பதிவில், நான், அ.ம.மு.க., என்று, எங்கும் குறிப்பிடவில்லை. குறிப்பிடாமலே, நான் அதைத் தான் சொல்லியிருக்க வேண்டும் என, சில நிர்வாகிகள், ஏன் நினைக்கின்றனர்?

எப்போது பிரச்னை வரும் என சிலர், நம் கூட்டத்திலேயே காத்திருப்பதாக அறிந்தேன். நம் தலைமை, இதை கண்டறியும் என நம்புகிறேன்' என, பதிவிட்டார்.அவருக்கு பதில் அளிக்கும் விதமாக, தினகரன் தரப்பில், அவரது ஆதரவாளரான, முன்னாள் எம்.எல்.ஏ., வெற்றிவேல் தன் முகநுால் பக்கத்தில், நீண்ட விளக்கத்தை பதிவு செய்தார். அதன் விபரம்:ஜெ., மறைவுக்கு பின், கட்சியின் ஆணிவேராக சசிகலாவும், கட்சியின் முகமாக,தினகரனும் செயல்பட்டு வருகின்றனர். மன்னிக்க முடியாத துரோகத்தாலும், மறக்க முடியாத சூழ்ச்சியாலும், சசிகலா சிறைக்கு சென்ற பின், பல்வேறு அடக்கு முறைகள், அத்துமீறல்களுக்கு மத்தியில், கட்சியை வலிமையோடு முன்னெடுக்கும் பணியில், தினகரன் செயலாற்றி வருகிறார்.அவருக்கு பக்க துணையாக, நியாயத்தின் பக்கம் நிற்க வேண்டும் என்பதற்காக, பல்வேறு இன்னல்களை, இன்முகத்தோடு ஏற்று, சசிகலா பின்னால், நான் உட்பட 21 எம்.எல்.ஏ.,க்களும், தொண்டர்களும் அணிவகுத்து நிற்கிறோம். ஆனால், எங்கள் தியாகத்தை கொச்சைபடுத்தும் நோக்கில், எங்கள் உணர்வை காயப்படுத்தும் எண்ணத்தில், சசிகலா குடும்பத்தை சேர்ந்த திவாகரனும், ஜெயானந்தும் செயல்படுவது, வேதனை அளிக்கிறது.சசிகலா மீது சுமத்தப்பட்ட, பொய்யான வீண் பழிகளையும், தங்கள் குடும்பத்தின் மீது சுமத்தப்பட்ட பழி சொற்களையும், தினகரன், கட்சியை தலைமையேற்று நடத்திய, இந்த காலகட்டத்தில் தான், முறியடிக்க முடிந்தது என்பதை, நினைவில் கொள்ளுங்கள்.கடந்த ஆண்டு மறைந்த, மகாதேவன் இறுதி சடங்கில் பங்கேற்று, துக்கம் விசாரித்த, சில அமைச்சர்களையும், எம்.எல்.ஏ.,க்களையும், மூளைச் சலவை செய்து அவர்களை நிரந்தரமாக பழனிசாமி அணியில் இருக்குமாறு பார்த்துக் கொண்டது யாரென்பதும், எங்களுக்கு தெரியும்.மதவாத சக்திகளுக்கு, ஒருபோதும் அடிபணியக் கூடாது என்ற, காரணத்தால் தான், சசிகலா, நெஞ்சம் நிமிர்த்தி, சிறைக்கு சென்றார். ஆனால், ஏதோ தங்கள் பின்னால் தான் 18 எம்.எல்.ஏ.,க்களும் இருக்கின்றனர் என்பது