கடந்த 24ஆம் திக­தி­யன்று யாழ்ப்­பா­ணத்­தில் வடக்கு மாகாண முத­ல­மைச்­ச­ரு­டைய உரைத்­தொ­குப்பு புத்­த­க­மாக வெளி­யா­கி­யது.

உல­கத் தலை­வர்­கள் பல­ரும் தாம் அவர்­கள் செய்த வீர­தீ­ரச் செயல்­கள், தங்­கள் நாட்­டுக்­காக தாம் உழைத்த உழைப்பு, புரட்சி, பொரு­ளா­தார மாற்­றங்­கள் என பல நடை­மு­றைßச் செயல் வடி­வங்­க­ளைப் புத்­த­க­மாக வெளிக்­கொ­ணர்­வது வழமை அல்­லது கண்­கூடு, ஆனால் இன்று வடக்­கில் விநோ­தம் ஒன்று நடை­பெற்­றுள்­ளது.

பாரதி சொன்­னது போல “வாய்ச் சொல்­லில் வீர­ரடி” என்ற‌ கூற்­றுக்கு வலுச் சேர்ப்­ப­து­போல் முத­ல­மைச்­ச­ரின் வாய் மொழி மூல உரைத்­தொ­குப்பு மாத்­தி­ரம் வெளி­யா­கி­யுள்­ளது.

உண்­மை­யில் வடக்கு மாகாண சபை உரு­வா­ன­தில் இருந்து முத­ல­மைச்­சர் தாம் சாதித்­துக் காட்­டிய விட­யங்­களை உள்­ள­டக்கி புத்­த­கம் எழு­தி­யி­ருந்­தால் அது தான் செயல் வடி­வம், பெருமை.

ஆனால் மாறாக ‘வாய்ச் சொல்­லில் வீர­ரடி’’ என்­ப­தற்கு வலுச் சேர்க்­கும் முக­மாக முத­ல‌மைச்­சர், வாய்ச் சொல்லில், தான் வீரர்­தான் என்­ப­த­னைப் பறை­சாற்­றும் முக­மாக, ஆணித்­த­ர­மாக நிறு­வும் முக­மாக அவ­ரது பேச்­சுக்­கள் மற்­றும் உரை­கள் புத்­தக வடி­வம் பெறு­கின்­றன.

இது­வ­ரை­யான நிர்­வா­கத்­தில்  வடக்கு மாகாண சபை சாதித்­த­தென்ன?

வடக்கு மாகாண சபை இன்று உரு­வாக்­கம் கண்டு 5 ஆண்­டு­கள் முடி­வ­டை­யும் தறு­வா­யில், வடக்கு மாகாண சபை இவ­ரது தலை­மை­யின் கீழ் சாதித்­த­வை­தான் என்ன?

• போரி­னால் பாதிக்­கப்­பட்­ட­வர்­க­ளுக்­காக, முன்­னாள் போரா­ளி­க­ளுக்­காக என்ன நிலை­யான பொரு­ளா­தா­ரக் கொள்­கை­களை முத­ல­மைச்­சர் வகுத்­தார்?
• வடக்கு மாகா­ணத்­தில் எத்­தனை தொழிற் பேட்­டை­களை உரு­வாக்­கி­னார்?
• வடக்­கில் எத்­தனை இளை­ஞர் , யுவ­தி­க­ளுக்கு தொழில் வாய்ப்பை ஏற்­ப­டுத்­தி­னார் மற்­றும் ஏற்­ப­டுத்த முயன்­றார்?
• வடக்­கில் எத்­தனை சிறந்த பொரு­ளா­தார மத்­திய நிலை­யங்­களை ஆரம்­பித்­தார்?
• வடக்­கில் எவ்­வ­ளவு வீதம் கல்­வியை மேம்­ப­டுத்­தி­யுள்­ளார்?
• வடக்­கில் எத்­தனை வீதம் போருக்­குப் பின்­ன­ரான பொரு­ளா­தா­ரத்­தைக் கட்­டி­யெ­ழுப்­பி­யுள்­ளார்?
• வடக்­கில் எத்­தனை வீதம் விவ­சாய உற்­பத்­தியை ஊக்­கு­வித்­துள்­ளார்?
• வடக்­கில் எவ்­வ­ளவு தன்­னி­றைவு பொரு­ளா­தா­ரத்தை மேம்­ப­டுத்­தி­யுள்­ளார்?

இவ்­வாறு பல கேள்­வி­களை அடுக்­கிக் கொண்டே போக­லாம்.

உண்­மை­யில் போருக்­குப் பின்­னர் வடக்கு மாகாண சபை­யில் முத­ல­மைச்­சர் என்ற‌ பதவி நிலை­யில் இருந்து கொண்டு இவர் செய்த முன்­னேற்­றங்­களை, போருக்கு முன்­னைய காலத்­து­டன் ஒப்­பிட்டு ஆய்வு செய்­வது சாலப் பொருத்­த­மா­னது.

போரி­னால் பாதிக்­கப்­பட்ட  மாகா­ணம் என்­ப­தால்  வடக்­குக்­குக் கிட்­டிய  உத­வித் திட்­டங்­கள் ஏரா­ளம்

வடக்கு, போரி­னால் பாதிக்­கப்­பட்ட மாகா­ணம் என்­ப­த­னால் அர­சும், அரச சார்­பற்ற நிறு­வ­னங்­க­ளும், வெளி­நா­டு­க­ளும் பல பில்­லி­யன் ரூபாக்­கள் பெறு­ம­தி­யான உத­வித்­திட்­டங்­களை வழங்­கி­யி­ருந்­தன.

அவ்­வள‌வு நிதி­யை­யும் கொண்டு வடக்­கைத் துரி­த­க­தி­யில் கட்­டி­யெ­ழுப்­பி­யி­ருக்­க­லாம், ஆனால், மாறாக முத­ல­மைச்­சர் நிதி­யத்­துக்கு ஆளு­நர் தடை­யாக உள்­ளார் என்ற கார­ணத்தை மட்­டும் முன்­வைத்­துக் கொண்டே, காலத்தை இழுத்­த­டித்­துக் கொண்­ட­து­தான் மிச்­சம். முத­ல­மைச்­சர் நிதி­யம் அமைக்­கா­மல் இருக்­கும் நிதி­யைக் கொண்டே பல அபி­வி­ருத்­தி­க­ளைச் சாதித்­துக் காட்­டி­யி­ருக்­க­லாம்.

அர­சின் நிதி­க­ளும் , திட்­டங்­க­ளும் செல­வ­ழிக்­கப்­ப­டாது, பெரும்­பா­லும் வருட இறு­தி­க­ளில் மத்­திக்கு திரும்­பிச் சென்ற சாத­னை­களை இந்­தப்­புத்­த­கம் எடுத்­தி­யம்­புமா?

வெறு­மனே பேச்­சு­ரை­களை மட்­டும் வைத்­துக்­கொண்டு எமது பேண்­தகு பொரு­ளா­தா­ரத்­தைக் கட்­டி­யெ­ழுப்ப முடி­யுமா?

வடக்கு மாகாண அபி­வி­ருத்தி சம்­பந்­த­மாக அண்­மை­யில் தலைமை அமைச்சர் ரணில் தலை­மை­யில் இடம்­பெற்ற ஒருங்­கி­ணைப்­புக் குழுக் கூட்­டத்­துக்கு ஒரு முத­ல­மைச்­சர் என்ற ரீதி­யில் பொறுப்­பு­ணர்­வோடு கலந்து கொள்­ளா­மல் தவிர்த்து விட்டு, இப்­போது வாய்ச் சொல்­லில் வீரம் காட்­டு­வது அர்த்­த­மற்­றது.

உரிமை மறுக்­கப்­பட்ட இனத்­துக்­காக குரல் கொடுப்­பது  சிறப்­பா­னதே

ஒரு உரிமை மறுக்­கப்­பட்ட இன­மாக நாம் இன்று வரை இலங்­கைத்­தீ­வில் இருக்­கின்­ற­போது உரி­மைக்கு அவர் குரல் கொடுத்து வரு­வதை நாம் ஒரு­போ­தும் எதிர்க்­க­வில்லை, ஆனால் அதற்கு சமாந்­த­ர­மாக எமது இனத்­தின் இருப்­புக்கு அவ­சி­ய­மான பொரு ­ளாதா­ரக் கொள்­கை­களை முன்­னேற்­றப் பாதை­யில் முன்­ந‌கர்த்­திச் செல்­வ­தும் முக்­கி­ய­மான பணி­யா­கும்.

எமது இனத்­தின் பொரு­ளா­தா­ரம் தகர்க்­கப்­ப­டும்­போது, இன்­னும் இருப்பு நிலை­கு­லைந்து நிர்க்­க­தி­யா­கி­வி­டும் என்­பது அவ­ருக்­குத் தெரி­யாதா என்ன?
பொரு­ளா­தார வளர்ச்சி இல்­லா­மல் இனி­யொரு இலக்கை எம்­மால் எவ்­வாறு தொட முடி­யும்?

ஆக, உரி­மை­களை வென்­றெ­டுக்­கும் முனைப்­புக்­குச் சமாந்­த­ர­மாக எமக்கே உரித்­தான பொரு­ளா­தா­ரத்­தைக் கட்­டி­யெ­ழுப்­பு­வ­தில் அவர் தோற்றே போய்­விட்­டார் என்றே கூற­லாம்.

எமது இனத்­தின் விடு­த­லைக்­காக குரல் கொடுத்த, போரா­டிய, செயல் வடி­வத்­தில் தமி­ழர் தாய­கப் பரப்­புக்­குள் நின்று கொண்டே போராட்­டங்­க­ளைப் பல வடி­வங்­க­ளில் செயல்­வ­டி­வ­மாக செய்து காட்­டிய வீரர், தீரர்­க­ளது வர­லா­று­க­ளும், செயல்­க­ளும், அர்ப்­ப­ணிப்­புக்­க­ளும் எழுத்­து­ருப் பெறாது இருக்­கின்ற துர்ப்­பாக்­கிய தரு­ணத்­தில், தமி­ழர் தாய­கப் பரப்­புக்கு வெளியே தன‌து வாழ்க்­கை­யின் முக்­கால்­வா­சியை முடித்­துக் கொண்­ட­வ­ரது வாய்ச் சொல் வீரத்தை மட்­டும் புத்­த­க­மாக வாசிக்­கக் கிடைப்­பது தமிழ் மக்­க­ளுக்கு துர்ப்­பாக்­கி­யமே!!

மாறாக, வடக்கு மாகா­ணத்தை இன்று சொல்­லக்­கூ­டிய வகை­யில் அனைத்­துத் துறை­க­ளி­லும் ஒரு படி முன்­னோக்கி நெம்­பித் தந்­துள்­ளார் என்­றால், அதன் செயல் வடி­வங்­கள் அனைத்­தும் புத்­த­க­மாக வரு­வ­தில் தமி­ழர்­க­ளா­கிய நாம் பெரு­மைப்­பட்­டுக் கொள்­ள­வேண்­டும்.

உண்­மை­யில் தமி­ழன் வீரம், காவி­யச் செய­லா­கக் காண்­பிக்­கப்­பட்ட ஒரு தேசத்­தில், வாய்ச் சொல் வீரங்­கள் காவி­ய­மாக்­கப்­ப­டும் ஒரு அசா­தா­ரண, விகா­ர­ம­டைந்த காலத்­தில் தமி­ழர்­க­ளா­கிய நாம் வாழ்ந்து கொண்­டி­ருக்­கி­றோம் என்­பது ஏற்­றுக்­கொள்­ளப்­பட வேண்­டிய கசப்­பான உண்­மை­யொன்று .