புதிய மாற்றத்தை சர்வாதிகார போக்குடன் மக்களுக்கு திணிக்க முடியாது: மன்மோகன் சிங்

புதிய மாற்றத்தை சர்வாதிகார எண்ணத்துடன் மக்களுக்கு திணிக்க முற்பட்டால் அது அவர்களிடத்தில் அவநம்பிக்கையை ஏற்படுத்துமென முன்னாள் பிரதமர் மன்மோகன் சிங் தெரிவித்துள்ளார்.

டெல்லியில் நேற்று (வெள்ளிக்கிழமை) நடைபெற்ற நிகழ்வொன்றில் கலந்துகொண்டு கருத்து தெரிவிக்கும்போதே மன்மோகன் சிங் இதனை குறிப்பிட்டுள்ளார். அவர் மேலும் கூறியுள்ளதாவது,

“நாடு எதிர்கொண்டுள்ள சவால்களுக்கு எதிராக புத்தாக்கத்தன்மையை ஊக்கப்படுத்தும் போதே சமூகம் வளர்ச்சி அடையும்.

அத்துடன் அரசின் கொள்கையில் புத்தாக்கச் சிந்தனை, கருத்தொற்றுமை இல்லாவிடின் சவால்களை வெற்றிகொள்ள முடியாது.

மேலும் சர்வாதிகார எண்ணத்துடன் செயற்பட்டால் எந்ததொரு செயற்பாடும் மக்களிடத்தில் தோல்வியையே சந்திக்கும்.

அந்தவகையில் நாம் ஜனநாயகப் பாதையைத் தேர்வு செய்துள்ளோம், இதில் சர்வாதிகார எண்ணத்துடன், மாற்றங்களைத் திணிப்பதற்கு வாய்ப்பில்லை.

நாம் இன்றும் இளமையான நாடாக இருந்தாலும் கூட பழமையான சமூகம்தான். ஆகையால் பழமையான நாகரிகம், பாரம்பரியத்துக்கு பாதிப்பு ஏற்படாத வகையில் வினைத்திறனான மாற்றங்களை சமூகத்தில் ஏற்படுத்த வேண்டும்” என மன்மோகன் சிங் தெரிவித்துள்ளார்.

 

http://athavannews.com/புதிய-மாற்றத்தை-சர்வாதிக/

 

 

நரேந்திர மோதியை ஹிட்லருடன் ஒப்பிட்ட காங்கிரஸ் தலைவர்

• ஒரு மணி நேரத்துக்கு முன்னர்

• இதை பகிர ஃபேஸ்புக்கில்
•  
• இதை பகிர Messenger
•  
• இதை பகிர டுவிட்டரில்
•  
• இதை பகிர மின்னஞ்சல்
•  
• பகிர்க

படத்தின் காப்புரிமைMIKHAIL KLIMENTYEV Image captionநரேந்திர மோதி

இந்தியப் பிரதமர் நரேந்திர மோதியை ஹிட்லருடன் ஒப்பிட்டு ட்விட்டரில் பதிவிட்ட காங்கிரஸ் திக்விஜய சிங்கிற்கு எதிராக சமூக வலைதளங்களில் வாதங்கள் எழுந்துள்ளன.

நியூசிலாந்தின் கிழக்கு கடலோர நகரமான கிரைஸ்ட்சர்ச்சிலுள்ள இருவேறு மசூதிகளில் நேற்று (வெள்ளிக்கிழமை) துப்பாக்கித்தாரிகள் நடத்திய தாக்குதலில் 49 பேர் உயிரிழந்த சம்பவம் சர்வதேச அளவில் அதிர்வலைகளை ஏற்படுத்தியுள்ளது.

"இந்நிலையில், நியூசிலாந்தில் நடந்த துப்பாக்கிச்சூடு பயங்கரவாதத்தின் ஒரு இழிவான செயலாகும், அது உண்மையாக கண்டிக்கப்பட வேண்டும். மதவெறியையும், வெறுக்கத்தக்க பயங்கரவாதத்தையும் உலகம் எதிர்த்து நிற்கிறது. இந்த தாக்குதலில் உயிரிழந்தவர்களின் குடும்பத்தினருக்கும், காயமடைந்தவர்களுக்கும் எனது அனுதாபத்தை தெரிவித்து கொள்கிறேன்" என்று காங்கிரஸ் கட்சியின் தலைவர் ராகுல் காந்தி ட்விட்டரில் பதிவிட்டிருந்தார்.

படத்தின் காப்புரிமைHINDUSTAN TIMES

அதை தனது கணக்கில் ரீட்வீட் செய்த காங்கிரஸ் கட்சியின் முன்னணி தலைவர்களில் ஒருவரான திக்விஜய சிங் ராகுல் காந்தியின் கருத்தை முற்றிலும் ஏற்றுக்கொள்வதாக பதிவிட்டுள்ளார்.

"இந்த உலகிற்கு கௌதம புத்தரும், மஹாவீரும் பரப்பிய அன்பு, அமைதி, பரிவு ஆகியவையே தேவைப்படுகிறது. வெறுப்பும், வன்முறையும் இங்கு தேவையில்லை. நமக்கு மகாத்மா காந்திகளும், மார்ட்டின் லூதர் கிங்கும்களும்தான் வேண்டும், ஹிட்லர்கள், முசோலினிகளும் மற்றும் மோதிகளும் தேவையில்லை" என்று அந்த பதிவில் குறிப்பிட்டுள்ளார்.

இதைத்தொடர்ந்து, திக்விஜய சிங்கிற்கு எதிரான கருத்துகள் அவரது ட்விட்டுக்கு மறுமொழியாக பதிவிடப்பட்டு வருகின்றன. இதில் பெரும்பாலான கருத்துக்கள் மோதிக்கும், மோதி அரசுக்கும் ஆதரவாகவும், காங்கிரஸுக்கு எதிராகவும் பதியப்பட்டுள்ளன.

"நீங்கள் ராகுலுக்கு அடுத்த இரண்டு மாதங்களுக்குத்தான் உடன்பட வேண்டும். தேர்தல் முடிவுகள் வந்து, மோதி பெரும்பான்மையோடு மீண்டும் ஆட்சியமைத்தவுடன், ராகுல் அரசியலிலிருந்து ஓய்வு பெறலாம்" என்று பிரதீப் என்பவர் பதிவிட்டுள்ளார்.

புகைப்பட காப்புரிமை @pradip1951@PRADIP1951

மேலும், நீங்கள் ராகுல் காந்தியின் கருத்தை ஆதரிப்பதைவிட உங்களுக்கு வேறு என்ன வழி உள்ளது என்பது? என்பது போன்ற கேள்விகளையும் பலர் பதிவிட்டு வருகின்றனர்.

https://www.bbc.com/tamil/india-47594623

Edited March 16, 20196 yr by ஏராளன்
link connected