இந்திய வௌிவிவகார அமைச்சர் இன்று இலங்கைக்கு விஜயம்

இந்திய வௌிவிவகார அமைச்சர் எஸ்.ஜெய்ஷங்கர் இரண்டு நாட்கள் உத்தியோகபூர்வ விஜயம் மேற்கொண்டு இன்று (செவ்வாய்க்கிழமை) நாட்டுக்கு வருகை தரவுள்ளார்.

இந்த விஜயத்தின்போது அவர், ஜனாதிபதி கோட்டாபய ராஜபக்ஷ, பிரதமர் மஹிந்த ராஜபக்ஷ மற்றும் வௌிவிவகார அமைச்சர் தினேஷ் குணவர்தன ஆகியோருடன் இந்திய வௌிவிவகார அமைச்சர் இருதரப்பு பேச்சுவார்த்தைகளை நடத்தவுள்ளதாக வௌிவிவகார அமைச்சு தெரிவித்துள்ளது

மேலும் இந்த விஜயத்தின் மூலம் இருதரப்பு உறவுகளை வலுப்படுத்திக்கொள்வதற்கு எதிர்பார்த்துள்ளதாக வௌிவிவகார அமைச்சு தெரிவித்துள்ளது.

2021ஆம் ஆண்டில் உயர்மட்ட வௌிநாட்டு தூதுக்குழுவொன்று இலங்கைக்கு விஜயம் மேற்கொள்ளும் முதலாவது சந்தர்ப்பம் இதுவாகும்.

இந்திய வௌிவிவகார அமைச்சரின் இந்த வருடத்திற்கான முதலாவது உத்தியோகபூர்வ வௌிநாட்டு பயணமாகவும் இது அமைந்துள்ளது.

இரு நாடுகளிலும் கொவிட் நிலைமை காரணமாக பயணக் கட்டுப்பாடுகள் விதிக்கப்பட்டுள்ள நிலையில், எயார் பபள் முறைமைக்கு அமைய இந்த விஜயம் இடம்பெறுகின்றமை குறிப்பிடத்தக்கது.

http://athavannews.com/இந்திய-வௌிவிவகார-அமைச்சர/

இரு தரப்பு உறவுகளின் முன்னேற்றத்தை மூலோபாய அடிப்படையிலும் நீண்ட கால கண்ணோட்டத்திலும் மறுஆய்வு செய்வதற்காகவே ஜெய்சங்கர் விஜயம் இடம்பெறுகின்றது- இந்துஸ்தான் டைம்ஸ்

 

இரு அயல்நாடுகளிற்கும் இடையிலான இரு தரப்பு உறவுகளின் முன்னேற்றத்தை மூலோபாய அடிப்படையிலும் நீண்ட கால கண்ணோட்டத்திலும் மறுஆய்வு செய்வதற்காக வடிவமைக்கப்பட்டதே இந்திய வெளிவிவகார அமைச்சரின் இலங்கை விஜயம் என இந்துஸ்தான் டைம்ஸ் தெரிவித்துள்ளது.
இது தொடர்பில் இந்துஸ்தான் டைம்ஸ் மேலும் தெரிவித்துள்ளதாவது.

இலங்கையுடனான உறவுகளை மேலும் வலுப்படுத்துவதற்காக இந்திய வெளிவிவகார அமைச்சர் இலங்கைக்கு விஜயம் மேற்கொள்ளவுள்ளார்.
இரு அயல்நாடுகளிற்கும் இடையிலான இரு தரப்பு உறவுகளின் முன்னேற்றத்தை மூலோபாய அடிப்படையிலும் நீண்ட கால கண்ணோட்டத்திலும் மறுஆய்வு செய்வதற்காக வடிவமைக்கப்பட்ட விஜயத்தின் போது இந்திய வெளிவிவகார அமைச்சர் கடந்த மாதம் இலங்கை கடற்படையினரால் கைதுசெய்யப்பட்டுள்ள இந்திய மீனவர்களின் விடுதலை குறித்து கவனம் செலுத்துவார்.

இலங்கை ஜனாதிபதியாக கோத்தபாய ராஜபக்ச தெரிவு செய்யப்பட்டு ஒரிரு மணித்தியாலங்களில் கொழும்பிற்கு விஜயம் மேற்கொண்ட ஜெய்சங்கர் இரு நாடுகளிற்கு இடையிலான உறவுகளை மீட்பதற்கான நடவடிக்கைகளில் ஈடுபட்டார்.
அதன் பின்னர் இலங்கை ஜனாதிபதி இந்தியாவிற்கு- ஜனாதிபதி என்ற அடிப்படையில் தனது முதலாவது விஜயத்தினை மேற்கொண்டார்.
பிரதமர் மகிந்த ராஜபக்சவுடன் இணையவழி மாநாட்டில் கலந்துகொண்டவேளை உறவுகளை ஆழமாக்குவதற்கான முயற்சிகள் தொடர்ந்தன.
இலங்கையில் ஜெய்சங்கர் இலங்கை ஜனாதிபதி பிரதமர் வெளிவிவகார அமைச்சருடன் பேச்சுவார்த்தைகளை மேற்கொள்ளவுள்ளார்.

இருநாடுகளில் உறவுகளில் காணப்படும் கடினமான விடயங்களை சரிசெய்வது குறித்து ஜெய்சங்கர் கவனம் செலுத்துவார் என அதிகாரிகள் தெரிவித்துள்ளனர்.

இலங்கை உட்பட இந்து சமுத்திரத்தில் சீனா தனது செல்வாக்கை அதிகரிக்க தொடங்கிய பின்னரே இரு நாடுகளினதும் உறவுகள் அதிகளவிற்கு குழப்பமானவையாக மாறியுள்ளன.
இந்தியாவே தனது முன்னுரிமைக்குரிய நாடு என இலங்கை கடந்த வருடத்தில் பலமுறை சமிக்ஞையை வெளி;ப்படுத்தியுள்ளது.
இலங்கையின் மூலோபாய பாதுகாப்பு கொள்கை இந்தியாவிற்கு முன்னுரிமை அளிக்கும் வகையில் காணப்படும் எனவும் இலங்கை தெரிவித்து வந்துள்ளது.
 

https://thinakkural.lk/article/102796