இலங்கை அமைதி முயற்சிகளுக்கு நடுநிலையாளராக செயற்பட ரொனி பிளேயர் ஆர்வம்.

இலங்கை இனப்பிரச்சினையை தீர்ப்பதற்கான உதவிகளை வழங்குவதற்கு ஆர்வமாக இருப்பதாக பிரித்தானியாவின் பிரதமர் ரொனி பிளேயர் தெரிவித்துள்ளதாக இராஜதந்திர வட்டாரங்கள் தெரிவித்துள்ளன.

இது தொடர்பில் நேற்று சனிக்கிழமை இராஜதந்திர வட்டாரங்கள் மேலும் தெரிவித்துள்ளதாவது:

தனது பதவிக்காலம் முடிவுற்றதும் இனப்பிரச்சினையைத் தீர்ப்பதற்கு உதவிகளைப் புரிய ஆவலாக இருப்பதாக அண்மையில் அரச தலைவர் மகிந்த ராஜபக்சவிற்கு எழுதிய கடிதத்தில் பிளேயர் தெரிவித்துள்ளார்.

தற்போது அமைதி முயற்சிகளில் ஈடுபட்டு வரும் நோர்வேத்தரப்பினருடன் இணைந்து தனிப்பட்ட முறையில் தனது உதவிகளை வழங்குவதற்கு பிளேயர் முன்வந்துள்ளார். அவரது பதவிக்காலம் ஜூன் 27 ஆம் நாளுடன் முடிவுக்கு வருகின்றது என அந்த வட்டாரங்கள் மேலும் தெரிவித்துள்ளன.

இதனிடையே ரொனி பிளேயரைப் போன்று முன்னாள் அமெரிக்க அரச தலைவர் பில் கிளிண்டனும் தனது ஆவலை வெளியிட்டிருந்தது குறிப்பிடத்தக்கது.

-Puthinam-

பதவியில் இருக்கும் வரை ஒரு பக்க சார்பாக இருந்தவர் எல்லாம் பதவி முடிந்த பின் எவ்வாறு பக்க சார்பில்லாத நடுநிலையாளராக பதவி வகிப்பது

சில விடயங்கள் ஏனோ இவர்கள் மறக்கின்றார்கள்.

1.விடுதலைப் புலிகளைத் தடை செய்துள்ள நாடுகள் நடுநிலமை வகிக்கவோ, கண்காணிப்புக்குழுவில் ஈடுபடவோ முடியாது என்பது திட்டவட்டமாக அறிவிக்கப்பட்ட ஒன்று.

2. போர்நிறுத்த உடன்பாட்டைச் சிங்கள அரசு கடைப்பிடிக்கும் வரை பேச்சுவார்த்தை என்பது சாத்தியமல்ல.

என்று நிறைய பிரச்சனைகள் இருக்கின்றது. கடைசிக்காலத்தில் எவ்வளவு அழுத்தம் கொடுத்தாலாவது நோபல் பரிசு வாங்கிட நிறையப் பேர் முயற்சிக்கின்றார்கள்.