மனிதாபிமானம் செத்துக் கொண்டிருக்கிறது!

Posted on : Sun Jun 17 11:08:32 EEST 2007

மனிதாபிமானம் செத்துக் கொண்டிருக்கிறது!

வலி. மேற்கில் உள்ள பிரதேச வைத்தியசாலை ஒன்றில் குழந்தை பிரசவிப்ப தற்காகச் சென்ற பொக்குளிப்பான் நோயினால் பாதிக்கப்பட்ட பெண்ணுக்கு அந்த வைத்தியசாலையில் நேர்ந்த கதியும், அதனால் ஏற்பட்ட பாதிப்பும், மனிதா பிமானம் உள்ள எவர் மனதையும் கலங்கச் செய்வதாகும்.

மாகியப்பிட்டியைச் சேர்ந்த 8 மாதக் கர்ப்பிணியான அந்தப் பெண் சில நாள் களாகக் பொக்குளிப்பான் நோயினால் பாதிக்கப்பட்டிருந்தார்.

கடந்த மே மாதம் ஒரு நாள் திடீரென அவருக்கு வயிற்றுவலி ஏற்பட்டது. இதனையடுத்து, பெண்ணின் கணவர் அவரை முச்சக்கர வண்டி ஒன்றில் குறித்த பிரதேச வைத்தியசாலைக்குக் கொண்டு சென்றுள்ளார்.

அங்கு கடமையில் இருந்த வைத்தியர் பொக்குளிப்பான் நோயுடன் கர்ப் பிணிப் பெண்ணை வைத்தியசாலையில் அனுமதிக்க முடியாதென மறுத்து விட்டதாகக் கூறப்படுகிறது. அங்கு கடமையில் இருந்த மருத்துவ மாதுவும் சம் பந்தப்பட்ட கர்ப்பிணிப் பெண்ணை அனுமதிக்க வேண்டாம் என்றும் அம்பு லன்ஸ் வழங்க வேண்டாம் எனவும் கூறியிருக்கிறார்.

இதனை அடுத்து செய்வதறியாது நினைத்துப் பதற்றமுற்ற கணவர், மனை வியையும் கூட்டிக்கொண்டு வைத்தியசாலையை விட்டு முச்சக்கர வண்டியில் வெளியே போனார்! இது என் தலைவிதியா என்ற பெரும் நெருடல் அவர் மன தைக் குடைந்து கொண்டிருந்தது.

வாகனம் சென்று கொண்டிருக்கையில் கர்ப்பிணிக்கு வயிற்றுவலி அதிகமாகி வாகனத்துக்குள்ளேயே குழந்தை பிறந்தது. பின்னர் வீடு சென்று அங்கு நின்ற வர்களின் உதவியுடன் உரிய காரியங்களைச் செய்து விட்டு மீண்டும் குழந்தை யும் தாயையும் யாழ்.போதனா வைத்தியசாலைக்குக் கொண்டு சென்றார். அங்கு அவர்களுக்கு உரிய சிகிச்சை வழங்கப்பட்டது. ஆயினும் குழந்தை அன்று இரவே இறந்து விட்டது.

குறித்த பிரதேச வைத்தியசாலையில் கடமையில் இருந்த மருத்துவரினதும், மருத்துவமாதுவினதும் அசமந்தப் போக்குமே தனது குழந்தை இறப்பதற்குக் காரணம் என்கிறார் அந்தக் குழந்தையின் தந்தை. சம்பந்தப்பட்டவர்கள் உரிய கவனம் எடுத்து வைத்தியசாலையில் அனுமதித்து உரிய சிகிச்சை அளிக்கப் பட்டிருந்தால் குழந்தையின் உயிர்காப்பாற்றப்பட்டிருக்க