இலங்கை பெண் கைது: தனுஷ்கோடியில் இருந்து சட்டவிரோதமாக படகில் தப்ப முயன்றபோது காவல்துறையினர் பிடித்தனர்

அப்போது தனுஷ்கோடியை அடுத்த இரண்டாம் மணல் திட்டு பகுதியில் இந்திய கடலோர காவல் படை ரோந்து படகு வந்ததையறிந்த படகோட்டி கஸ்தூரியை முதல் மணல் திட்டு பகுதியில் இறங்கி விட்டு சென்றதாக கூறப்படுகிறது.

இதையடுத்து அப்பகுதியில் மீன் பிடித்துக் கொண்டிருந்த மீனவர்கள் கொடுத்த தகவலின் அடிப்படையில் தமிழக கடலோர பாதுகாப்பு குழும ராமேஸ்வரம் ஆய்வாளர் கனகராஜ் தலைமையிலான போலீசார் படகில் சென்று கஸ்தூரியை கைது செய்து தனுஷ்கோடிக்கு அழைத்து வந்தனர்.

கஸ்தூரியிடம் மெரைன் போலீசார் முதல் கட்ட விசாரணை செய்த பிறகு அவரை ராமேஸ்வரம் அனைத்து மகளிர் காவல் நிலையத்தில் ஒப்படைத்தனர்.

சமீப காலமாக இலங்கை மக்கள் சிலர் தனுஷ்கோடி கடல் வழியாக தமிழகம் வந்து வெளிநாடுகளுக்கு சட்டவிரோதமாக தப்பி செல்கின்றனர். எனவே பிடிபட்ட கஸ்தூரி வெளிநாடு செல்லவதற்காக தமிழகம் வந்து சட்டவிரோதமாக தங்கி இருந்தாரா என்ற கோணத்தில் மத்திய உளவுத்துறை அதிகாரிகள் அவரிடம் விசாரணை நடத்தி வருகின்றனர்.

தனுஷ்கோடியில் இருந்து சட்டவிரோமாக நாட்டுபடகில் அழைத்து செல்ல அவருக்கு உதவிய ஏஜென்டை காவல்துறையினர் தேடி வருகின்றனர்.

கஸ்தூரியிடம் இருந்து பாஸ்போர்ட் உள்ளிட்ட இலங்கை குடியுரிமை ஆவணங்கள் பறிமுதல் செய்யப்பட்டுள்ளன.

இந்த நிலையில், ராமேஸ்வரம் மெரைன் போலீசார் கஸ்தூரி மீது வழக்கு பதிவு செய்தனர். காவல்துறை விசாரணைக்கு பின் ராமேஸ்வரம் நீதிமன்றத்தில் ஆஜர்படுத்தப்பட்ட பின்னர் அவர் சென்னை புழல் சிறையில் அடைக்கப்படுவார் என்று அதிகாரிகள் தெரிவித்துள்ளனர்.

இலங்கை பெண் கைது: தனுஷ்கோடியில் இருந்து சட்டவிரோதமாக படகில் தப்ப முயன்றபோது காவல்துறையினர் பிடித்தனர் - BBC News தமிழ்