ஓடிப்போன ஓணானை மடியினில் செருகிய ராஜபக்சே! - கிழக்கை மீட்பதாக புறப்பட்டவர் தூரகிழக்கு நாட்டுக்குச் செல்ல திட்டம்

ஓடிப்போன ஓணானை மடியினில் செருகிய ராஜபக்சே! - கிழக்கை மீட்பதாக புறப்பட்டவர் தூரகிழக்கு நாட்டுக்குச் செல்ல திட்டம்.

ஜ வியாழக்கிழமைஇ 2 ஆகஸ்ட் 2007 ஸ ஜ யோகராஜன் ஸ

ராஜபக்சே ஆட்சிக்கு வந்ததும் தனது தம்பிமாரை அழைத்து நாட்டின் பாதுகாப்பையும், தனது பாதுகாப்பையும் அவர்களிடத்து ஒப்படைத்தார். புலிகளிடமிருந்து ஓடிப்போன கருணாவை சந்திரிகா சரியாகப் பயன்படுத்தவில்லை. நான் எப்படிப் பயன்படுத்துகிறேன் பாருங்கள் என்று கூறி பல வித்தைகள் செய்து கருணாவை கொழும்புக்கு அழைத்துவந்தார். காசேதான் கடவுளுக்கு மேல் என்றிருந்த கருணா சந்தர்ப்பத்தைப் பயன்படுத்திக்கொண்டு தனது கைவரிசையைக் கொழும்பில் காண்பித்தார். ஒன்று இரண்டு பேரல்லாது ஏறக்குறைய முப்பதுக்கும் மேற்பட்ட தமிழ் மற்றும் முஸ்லீம் வியாபாரிகள் கடத்தப்பட்டு ஏறத்தாள 150 கோடி இலங்கை பணத்தில் சேர்த்துக்கொண்டார் கருணா. மகிந்தாவுக்குத் தேவை கிழக்கு, கருணாவுக்குத் தேவை காசு. இந்த இருவரது தேவையும் இப்போது ஓரளவுக்கு பூர்த்தியாகிவிட்டது. ஐ.நா. முதற்கொண்டு ஆனந்தசங்கரி வரை புலம்பத் தொடங்கியதும் கருணாவை ஓரம் கட்டுவது எப்படி என்று கோத்தபாயா தீவிர ஆலோசனை நடத்தி நேற்றைய முன்தினம் மகிந்தாவிடம் இறுதித் தீர்வினை கையளித்துவிட்டார், அதன்படி, கருணாவின் நபர்களிடம் இருக்கும் ஆயுதங்களை களைவது சுலபமல்ல. ஒரே வழி அவர்களை காவல்துறையிலும், இராணுவத்திலும் இணைத்துக் கொள்கிறோம் என்று கூறி அனைத்தையும் பிடுங்கி விடலாம். பிள்ளையான், மங்களம் மாஸ்ரர் போன்றோர் இராணுவத்துடன் இணைந்து சீருடையில் செயலாற்ற சம்மதித்து விட்டனர். எனவே, பாரதியும் மொட்டை மாமாவும் எதிர்த்து நிற்கும் பெரும் சக்தி முற்றிலும் அற்றவர்கள். எனவே, இணைத்துக் கொள்வதன் மூலம் நாங்கள் நினைத்ததைச் செய்யலாம். அடுத்து கருணாவின் தலைதான் என்ன வென்பது சிந்திக்கப்பட வேண்டும். ஏற்கனவே நாம் ஆலோசித்தது போன்று சீனாவுக்கு அழைத்துச் சென்று அங்கிருந்து அவரை ஐரோப்பிய நாடு ஒன்றுக்கு அனுப்பி வைக்கலாம். இப்படிச் செய்வதன் மூலம் பல வழிகளிலும் நாம் எதிர்கொள்ளும் விமர்சனங்களுக்கு முற்றுப்புள்ளி வைக்கலாம் என்று கூறப்பட்ட ஆலோசனையை மகிந்த ஏற்றுக் கொண்டதுடன் உடனடியாகவும் அறிவித்துவிட்டார். பாரதியும், மொட்டை மாமாவும் மிரண்டு இருக்கின்றனர். இவன் பிள்ளையான் என்ன துணிவில் இப்படி எல்லா இஞ்ச வந்து போறான் என்று கருணாவிடம் முறையிட முயற்சித்த போது, அவரது கையடக்க தொலைபேசி நொட் ரீச்சபிள் என்று தொடந்து கூறியுள்ளது. இது அவர்களை மேலும் பீதியடையச் செய்துள்ளது. நேற்று மாலையில் கருணாவின் தொடர்பு அதே இலக்கத்தில் மீண்டும் கிடைத்துள்ளது. உண்மையில் கருணா கொழும்பில்தான் இருக்கின்றாரா?

அல்லது நேற்றைய முன்தினம் இரவு பிலிப்பைன்சுக்கு சென்ற கோத்தாபாயா கூடவே அழைத்துச் சென்று ஐரோப்பாவுக்கு கப்பலேற்றி விட்டாரா! என்று வடக்கையும் கிழக்கையும் மாறிமாறிப் பார்த்து விளித்துக்கொண்டிருக்கின்றன