எங்கேயோ இருக்கும் ஆங்கிலேயர்களால் இலங்கைப் பிரச்சினையை புரிந்துகொள்ள முடியும் என்றால் தமிழர்களாகிய நம்மால் புரிந்து கொள்ள முடியாதா? - தமிழக நடிகர் சரத்குமார் கேள்வி?

ஜ ஞாயிற்றுக்கிழமைஇ 5 ஆகஸ்ட் 2007 ஸ ஜ யோகராஜன் ஸ

இலங்கையில் அமைதி நிலவ வேண்டும் என்பதில் யாருக்கும் மாற்றுக் கருத்து இருக்க முடியாது. அது பூமியில் உள்ள ஒரு சொர்க்கம். அங்கு என்னதான் இல்லை? எல்லாம் இருக்கிறது. எங்கேயோ உள்ள நோர்வேயிலிருந்து ஒரு குழு வந்து இலங்கையில் அமைதி நிலவ முயற்சிக்கிறார்கள். ஆனால் பக்கத்தில் தமிழகத்தைச் சேர்ந்த நாம் முயற்சிக்கக்கூடாதா? இலங்கை இனப்பிரச்சினை தொடர்பில் பல விடயங்களை நாம் கவனத்தில் கொள்ளவேண்டும். அங்கு அமைதி நிலவ வேண்டும் என்கிற நம் விருப்பமும், அதற்காக மேற்கொள்ளப்படும் முயற்சிகளில் நம்முடைய ஈடுபாடு இருப்பதும் மட்டுமே போதுமானது அல்ல. இலங்கையில் அமைதி ஏற்பட வேண்டும் என்பதில் விருப்பமாகத்தான் இருக்கிறது. இன்று ஆயுதமேந்தி போராடும் அளவுக்கு நிலைமை மாறியிருக்கிறது. அங்கு போராட்டமான சூழ்நிலைக்கு என்ன காரணம் என்று பார்க்க வேண்டும். எங்கேயோ இருக்கும் ஆங்கிலேயர்களால் இலங்கைப் பிரச்சினையை புரிந்துகொள்ள முடியும் என்றால் தமிழர்களாகிய நம்மால் புரிந்து கொள்ள முடியாதா? ஏன் நம்மால் மட்டும் புலிகளின் தலைவர் பிரபாகரனையும் இலங்கை ஜனாதிபதி ராஜபக்சவையும் சந்தித்துப் பேச முடியாதா? அதற்காகத்தான் இந்தப் பேச்சுவார்த்தைக்காக ஒரு குழு அமைக்க வேண்டும் என்று வலியுறுத்துகிறேன். அந்தக் குழுவில் இடம்பெறுவதில் எனக்கு எந்தத் தயக்கமும் இல்லை. ஏதோ விளம்பரத்துக்காக இதைச் சொல்லவில்லை. ஈழத் தமிழர்கள் மீதான உண்மையான அக்கறையில் சொல்கிறேன். இலங்கையில் இருதரப்பினரிடமும் விரிவாகப் பேசிய பிறகுதான் எந்த வகையில் தீர்வுத் திட்டத்தை முன்வைக்கலாம் என்கிற முடிவுக்கு வரலாம். இருதரப்பினரிடமும் நேருக்கு நேர் பேச வேண்டும் என்பதுதான் என் கருத்து. ஒரு தமிழனுக்குதான் இன்னொரு தமிழனின் உணர்வுகள், தேவைகள் எல்லாம் புரியும். அரசாங்கத்தின் ஆதரவுடன், அதிகாரபூர்வமாக ஒரு குழு தமிழகத்திலிருந்து செல்ல வேண்டும். இதற்கு தமிழகத்தில் ஆட்சியில் இருப்பவர்கள்தான் நடவடிக்கைகள் மேற்கொள்ள வேண்டும். உள்ளத்தின் அடித்தளத்திலிருந்து உண்மையான உணர்வோடும் ஈடுபாட்டுடனும் இந்த நடவடிக்கைகளை மேற்கொண்டால்தான் பலன் கிட்டும். அரசியல் ஆதாயத்திற்காக அல்லாமல் இலங்கையில் அமைதி நிலவ வேண்டும் எனும் அக்கறையுடன் இந்தக் குழு அமைக்கப்பட வேண்டும். இந்தியாவின் தலையீடு குறிப்பாக தமிழகத்தின் தலையீடு இருந்தால் மட்டுமே இலங்கைப் பிரச்சினைக்கு தீர்வு ஏற்படும். இதில் எனக்கு எந்தச் சந்தேகமும் இல்லை என்று, தென் இந்திய நடிகர் சங்கத்தின் தலைவர் திரு. சரத்குமார் அவர்கள் இலங்கை பத்திரிகைக்கு தெரிவித்துள்ளார்கள்.

நிதர்சனம்

ஏன் இவற்றை படம் ஒண்டும் ஓடுதில்லையோ?

அதுக்கு முதல் இவற்றை கருத்துக்கு ராதிகா ஓம் எண்டு சொன்னாவா?

அவாதான் கொழும்பில் சிங்கள அரசுடனும் ,சிங்களவரோடும் நல்ல ஒட்டாச்சே.

ராதிகாவின் சகோதரர்தான் கொழும்பில் பெரிய சிங்கள நிறுவனங்களின் பங்குதாரர். இப்போ யாழ் கொழும்பு ஓடுகின்ற விமான நிறுவனம் கூட ராதிகாவின் சகோதரரின் பங்கு நிறுவனம்

சரத்குமாரின் ஈழ ஆதரவுக்கு எமது பாராட்டுக்கள்!!!!