விடுதலைப் புலிகளிள் அமைப்பால் அரசை யுத்தத்தின் மூலம் வெற்றி கொள்ள முடியாது

என்பததை ஜனாதிபதி மஹிந்தவின் அரசு உணர்த்தி விட்டது. எமது நாடடிற்கு மட்டுமன்றி

சர்வதேசங்களுக்கும் வெளிப்படுத்திவிட்டது. ஆனால், அவ்வமைப்பை முற்றாக அழித்துவிட

அரசால் இயலாது என்பதை அவர்களின் 'கொரில்லா" அணுகு முறை நிரூபித்திருக்கிறது.

இவ்வாறு கூறினார் சமாதானப் பேரவையின் பணிப்பாளர் ஜெஹான் பெரேரா.

கொழும்பு ஹோர்ட்ன் பிரதேச சுமித்திரோ தொழில்பயிற்சி மண்டபத்தில் கடந்த நான்காம் திகதி நடைபெற்ற செயலமர்வில் உரையாற்றும் போதே அவர் இவ்வாறு குறிப்பிட்டார்.

தேசிய சமாதனப் பேரவையின் இணைப்பாளர் எஸ்.பி. நாதனின் தலைமையில், இச்

செயலமர்வு நடைபெற்றது. நாடாளாவிய ரீதியில் தேசிய சமாதானப் பேரவையின் கிளை

முக்கியஸ்தர்கள் பலரும் இச் செயலமர்வில் கலந்து கொண்டனர்.

அவர் அங்கு தொடர்ந்து கூறியதாவது :-

கிழக்கு மாகாணத்தை, புலிகளின் பிடியிலிருந்து அரசு மீட்டுள்ளது. ஆனாலும், கிழக்கு

மாகாண மக்கள் பூரண திருப்தியடைந்தனரா என்று தெரியவில்லை. மட்டக்களப்பின் சமபூர்

போன்ற பிரதேசங்கள் உயர் பாதுகாப்பு வலயமாக்கப்பட்டிருப்பதனால் அப்பிரதேசங்களில்

வாழ்ந்து வந்த மக்கள் சொந்த இடங்களைவிட்டு அகதி முகாம்களிலேயே தொடர்ந்தும் தஞ்சம் அடைந்திருக்கும் நிலையைக் காண்கின்றோம்.அவர்கள் படும் இன்னல்களை நான் கண்கூடாகக் கண்டேன். தொண்டு நிறுவனங்களின் பணிகளும் இப்பொது அவர்களுக்கு கிட்டுவதில்லை.

மேலும்,திருகோணமலைப் பகுதியில் நூறு மீற்றருக்கு ஒரு சோதனைச்சாவடி என்ற வகையில்,பலத்த பாதுகாப்பு போடப்பட்டுள்ளது. திருகோணமலை வழியாக வட மாகாணத்திற்கு விரைவில் செல்லக்கூடியதாக இருப்பதானல், புலிகள் மீண்டும் வந்து விடுவார்கள் என்பதனாலேயே பாதுகாப்பு பலப்படுத்தபடப்டுள்ளது.

அரசு வடக்கையும் மீட்க திட்டமிட்டிருக்கிறது. இது விடயத்தில் அரசு மிகுந்த நிதானத்தைக் கடைப்பிடிக்கும். பாதுகாப்புப் படையினரின் 'ஜயசிக்குறு" நடவடிக்கை மூலம் அரசு பெரும் படிப்பினையைக் கொண்டிருக்கின்றது. அது போன்ற தவறுகளை அரசு தொடர்ந்தும் மேற்கொள்ளாது. யுத்தம் பாரியளவில் மேற்கொள்ளபட்பட்டால் சர்வதேச நாடுகளின் கண்டனங்கள் அரசுக்கு வந்த விடும். அத்துடன்,தமிழ்நாட்டின்

நெருக்குதல்களுக்கு அரசு ஆளாகும். ஆகையால், புலிகள் அமைப்பினரை சிறிது சிறிதாக பலமிழக்க வைக்கும் தந்திரோபாய செயற்பாடுகளையே அரசு மேற்கொள்ளும்.

கிழக்கு மாகாணத்தில் கருணா குழுவினரிரன் ஆதி;ம் ஓங்கியிருக்கின்றது. தற்போதைய நிலையில் கிழக்கு மாகாணத்தில் தேர்தல் ஒன்று நடைபெறுமேயானால், கருணா குழுவால் வெற்றி கொள்ள முடியுமென்றே நான் கருதுகின்றேன்.கிழக்கு மாகாண முஸ்லிம் மக்கள் புலிகள் அமைப்பையோ அல்லது கருணா குழுவையோ

ஆதிக்கம் செலுத்த அனுமதிக்க மாட்டார்கள். கிழக்கு மாகாணம் மீட்கப்பட்டமைக்கு ஆதரவு தெரிவிக்கும் முஸ்லிம் மக்கள், கருணா குழுவின் நிர்வாகத்திற்கு எதிர்ப்பனைத் தெரிவிக்கின்றனர்.இந்நிலையில, இன்னும் ஒருவருடத்திற்காயினும், இந்த அரசால் ஆட்சி செய்ய முடியுமா என்பது கேள்விக்குறியே. அத்தியாவசியப் பொருட்களின் விலையேற்றம், அதனால் பொதுமக்கள் அனுபவித்து வரும் அவலம், அரசியல் நெருக்கடி, மறுபக்கத்தில் யுத்தச் சூழல் ஆகியவற்றினை அரசு எதிர் நோக்கியுள்ளது.யுத்தச் சூழல் மேலோங்க, சர்வதேச நாடுகளின் எத்தகைய உதவிகளும், எமது நாட்டிற்குக் கிடைக்காது. இந்நிலையில், எவ்வகையில் ஆட்சியை நீடிக்க முடியும்? என்றார்.

இலங்கை தேசிய சமாதானப் பேரவையின் தேசிய இணைப்பளர் எல்.பி.நாதன், வேரவையின் கிளைகளின் இணைப்பாளர் வசந்த புஸ்பகுமார் ஆகியோரும் உரையாற்றினர்.

நன்றி : சுடர் ஒளி

Edited August 8, 200718 yr by Janarthanan

இன்னும் புலிகள் வ்வெலையை காட்டவில்லையே காட்டும் போது புரியும்

அட பாவிகளா...!

நீங்கள் திருந்தவே மாட்டீங்களாடா.

உங்களிற்கு கறுப்பு பைகளில் கட்டி அனுப்பினால்தான் புரியும்போல.

இன்னும் ஒரு கொஞ்சக் காலம்தான் அதுவரை பொறுத்திருங்கோ

அரசால் புலிகளை வெல்ல முடியும் என்பதை அரசாங்கம் நிறூபித்து காட்ட வில்லை...