2009 ஆம் ஆண்டில் முள்ளிவாய்க்காலில் கொல்லப்பட்ட 140,000 தமிழரின் ஆவிகளும் ஜனாதிபதி கோட்டாபய ராஜபக்‌ஷவை துரத்துகின்றன என்று தமிழ்த் தேசியக் கூட்டமைப்பு பாராளுமன்ற உறுப்பினர் கோவிந்தன் கருணாகரம் தெரிவித்துள்ளார்.

பாராளுமன்றத்தில் நேற்று உரையாற்றும் போது அவர் இதனை தெரிவித்துள்ளார்.

நாட்டை இந்த நிலைக்கு கொண்டு வந்தவர் தற்போதைய ஜனாதிபதி கோட்டாபய ராஜபக்‌ஷவே ஆகும். இவர் ஜனாதிபதியாக வந்தக் காலத்தில் எடுத்த முட்டாள்தனமான முடிவுகளினால் நாடு இந்தளவுக்கு சென்றுள்ளது.

2009 ஆம் ஆண்டில் முள்ளிவாய்க்காலில் ஒரு இலட்சத்து 40 ஆயிரத்திற்கும் மேற்பட்டோரின் உயிர்களை பலியெடுத்தவர் இன்று இந்த நாட்டில் 22 மில்லியன் மக்களையும் ஒரே சவக் குழிக்குள் கொன்று குவிக்கும் நிலைமைக்கு இந்த நாட்டை கொண்டு வந்திருக்கின்றார். இந்த நிலைமையில் இவரை ஒரு இலட்சத்து 40 ஆயிரம் ஆவிகளும் துரத்துகின்றன. அதேபோன்று அவருக்கு வாக்களித்த 69 இலட்சம் மக்களும் அவரை துரத்துகின்றனர் என்று அவர் தெரிவித்துள்ளார்.
-(3)

http://www.samakalam.com/140000-ஆவிகள்-ஜனாதிபதியை-துரத/