செப்டம்பர் மூன்றாம் திகதி முன்னாள் ஜனாதிபதி கோட்டாபய ராஜபக்ச நாடு திரும்பக்கூடும் என முன்னாள் தூதுவர் உதயங்கவீரதுங்க தெரிவித்துள்ளார்.

அவர் 24 அல்லது 25 ம் திகதி நாடு திரும்பியிருக்கவேண்டும்,எனினும் நான் அவர் வரும் திகதியை முன்கூட்டியே வெளியிட்டதை தொடர்ந்து குழப்பங்கள் உருவாகியுள்ளன என உதயங்கவீரதுங்க தெரிவித்துள்ளார்.

எனினும் அனேகமாக அவர் மூன்றாம் திகதி இலங்கை திரும்பக்கூடும் என உதயங்க தெரிவித்துள்ளார்.

முன்னாள் ஜனாதிபதிக்கு பாதுகாப்பு பிரச்சினையில்லை ஆனால் அவரை சுற்றியுள்ளவர்கள் அவரைமீண்டும் அரசியலிற்குள் இழுக்க முயல்கின்றனர் இது மீண்டும் மக்கள் எழுச்சிக்கு வழிவகுக்கலாம் என்ற அச்சம் காணப்படுகின்றது என முன்னாள் தூதுவர் தெரிவித்துள்ளார்.

நாட்டு மக்கள் மீண்டும் கோட்டாபயவை ஏற்றுக்கொள்வார்கள் என நான் நினைக்கவில்லை,ஏனென்றால் அவர் இரண்டு வருடங்களாக எங்கள் சிறுவர்களின் எதிர்காலத்தை அழித்துவிட்டார்,அவர் அரசியலிற்கு பொருத்தமானவர் என நான் கருதவில்லை என உதயங்கவீரதுங்க தெரிவித்துள்ளார்.

சிறிய நடவடிக்கைகளை முன்னெடுப்பதற்கு அவர் பொருத்தமானவர் பாதுகாப்பு செயலாளராக அவர் அதனை செய்தார்,ஆனால் அது நாட்டை ஆள்வதற்கு பொருத்தமானதில்லை எனவும் அவர் தெரிவித்துள்ளார்.

https://www.virakesari.lk/article/134416