அடுத்த மாதம் 5ம் திகதியன்று வடக்குகிழக்கு வாழ் தமிழர்கள் படும் அவலங்கள், எதிர்நோக்கும அடக்குமுறைகள், ஆபத்துக்கள் குறித்து நடாடாளுமன்றததில் முழுநாள் விவாதம் நடத்தவதற்கு ஏற்பாடகியுள்ளது.

இந்த விவாதத்தை எதிர்வரும 5ம் திகதி புதன்கிழமை நடத்துவதற்கு அனைத்துக் கட்சிகளும் இணக்கம் தெரிவித்தள்ளன..

யாழ் குடாநாட்டில் கட்டுப்பாடின்றி, தங்குதடையின்றி,கங்குகணக்கின

தமிழர் பிரச்சனை தொடர்பாக நாடாளுமன்றில் முழுநாள் விவாதம்

Written by Ravanan - Aug 27, 2007 at 12:37 PM

வடக்கு கிழக்கு வாழ் தமிழர்கள் படும் அவலங்கள், எதிர்நோக்கும் அடக்குமுறைகள், ஆபத்துகள் குறித்து நாடாளுமன்றத்தில் முழுநாள் விவாதம் நடத்துவதற்கு ஏற்பாடகியுள்ளது. இந்த விவாதத்தை எதிர்வரும் ஐந்தாம் திகதி புதன்கிழமை நடத்துவதற்கு அனைத்துக்கட்சிகளும் இணக்கம் தெரிவித்துள்ளன.

யாழ்ப்பாணக் குடாநாட்டில் கட்டுப்பாடின்றி, தங்கு தடையின்றி, கங்குகணக்கின்றி நடைபெறும் படுகொலைகள், ஆள் கடத்தல்கள் குறித்து விவாதத்தின் போது முக்கிய இடம் கொடுக்கப்படும் என்று தமிழ்த்தேசியக் கூட்டமைப்பு வட்டாரங்கள் தெரிவித்தன.

கடந்த வியாழக்கிழமை நாடாளுமன்ற கட்டடத்தில் நடைபெற்ற கட்சித்தலைவர்களின் கூட்டத்தில் மேற்படி விவாதம் தொடர்பாக தமிழ்த்தேசியக்கூட்டமைப்பு அனுமதி கோரியது. விவாதத்தை நடத்துவதற்கு சகல கட்சிகளும் இணக்கம் தெரிவித்துள்ளன.

யாழ்ப்பாண மாவட்டத்தில் தொடரும் படுகொலைகள், கடத்தல்கள் தொடர்பாக இந்த விவாதத்தில் முக்கியமாக வெளிப்படுத்தப்படும். உண்மை நிலை அம்பலப்படுத்தப்படும் என்று கூட்டமைப்பின் நாடாளுமன்ற உறுப்பினர் சுரேஷ் பிரேமச்சந்திரன் உதயனுக்குத் தெரிவித்தார்.

கிழக்கில் இடம்பெறும் இனச்சுத்திக ரிப்பு, உயர்பாதுகாப்பு வலயப்பிரகடனம், மீளக்குடியமர்ந்த மக்கள் எதிர்நோக்கும் பிரச்சினைகள் அங்கு தேர்தல் நடத்தும் முயற்சி ஆகியன தொடர்பாகவும் இந்த விவாதத்தில் எடுத்துக்கூறப்படும் என்றும் அவர் சொன்னார்.

அனைத்துக்கட்சித் தெரிவுக்குழுவின் செயற்பாடுகளில் இருந்துவரும் தாமதங்கள், முரண்பாடுகள் குறித்தும் பிரஸ்தாபிக்கப்படும் என்றும் சுரேஷ் பிரேமச்சந்திரன் தெரிவித்தார்

அங்க தான் 50 வருசமாக விவாதித்தோம் என்ன கண்டோம்?

வன்முறைக்கு வன்முறை தான் பதில்.

வலியை தந்தவனுக்கே திரும்ப கொடு.