பிரித்தானியாவில் உண்ணாவிரதம் இருந்த இளவாலை இளைஞரை திருப்பியனுப்ப முயற்சி!

பிரித்தானிய உள்துறை அமைச்சு ஏற்பாடு

பிரிட்டனின் அகதி அந்தஸ்து விண்ணப்பம் நிராகரிக்கப்பட்ட நிலையில் இளவாளையைச் சேர்ந்த இளைஞர் ஒருவரை இலங்கைக்குத திருப்பி அனுப்ப பிரிட்டிஷ் உள்துறை

அமைச்சு நடவடிக்கை எடுத்துள்ளது.

இலங்கைக்குத திரும்பி அனுபினால், உயிர் அச்சுறுததலுக்கு ஆளாக நேரிடும், எனவே தம்மை திருப்பி அனுப்ப வேண்டாம் என்ற கோரிக்கையை முன் வைத்து உண்ணாவிரதப் போரட்டம் நடத்திய இளவாலையைச் சேர்ந்த ஜூட் கிறிஸ்டி என்ற இளைஞரே நாடுகடத்தப்பட உள்ளார்.

எதிர்வரும் செவ்வாய்கிழமை அவரை நாடு கடத்தத் தேவையான பயண ஏற்பாடுகளை உள்துறை அமைச்சு செய்துள்ளது.

ஜூட் கிறிஸ்டியை நாடு கடத்துவதற்காக அவருக்கான பயணச்சீடட்டு பயணப்பதிவு ஆகியவற்றை அந்த அமைச்சு பூர்த்தி செய்து விட்டது.

அகதி அந்தஸ்து நிராகரிக்கப்பட்ட நிலையில், தம்மை இலங்கைக்கு அனுப்ப வேண்டாம் என்று கோரி, அவரைத் தடுத்து வைத்திருந்த ஹமன்பேர்க் தடுப்பு முகாமில் அவர் உண்ணாவிரதப் போராட்ட்டத்தை ஆரம்பித்தார். அவருக்கு அதரவாக, அகதி அந்தஸ்து விண்ணப்பம் நிராகரிக்கப்ட்டிருந்த ஏனைய தடுப்பு முகாம்களில் தடுத்து வைக்கப்பட்டிருந்த 61 ஈழத்தமிழர்களும் உண்ணாவிரதப் போராட்டத்தில் பங்கேற்றனர்.

தமிழ் அமைப்பினரும், தமிழ்கவுன்ஸிலர்களும் விடுத்த கோரிக்கையின் பேரில் அவர்கள் உண்ணாவிரதத்தைக் கைவிட்டிருந்தனர்.

இந்நிலையில் ஜூட் கிறிஸ்டியை நாடு கடத்த எடுத்துள்ள நடவடிக்கை, அங்குள்ள ஈழத்தமிழர்கள் மத்தியில் பெரும் அதிர்ச்சியை ஏற்படுத்தியிருந்தது.உள்துறை அமைச்சின் இந்த நடவடிக்கையை தமிழ் அமைப்புகள் வன்மைனயாகக் கண்டித்திருக்கின்றன.

நன்றி சுடர் ஒளி