சர்வதேச சமூகம் என்ன சொல்லப்போகிறது? சுவிஸ் நிலவரம் பத்திரிகைக்காக கிருஸ்ணமூர்த்தி அரவிந்தன்

இலங்கையில் இப்பொழுது முரண்நிலைகள் வரவர அதிகரித்தே செல்கின்றன. கடந்த வாரத்தில் இலங்கைக்கு பயணம் செய்திருந்த ஐ.நா. வின் பிரதிநிதிக்கும் சிறிலங்கா அரசுக்குமிடையில் முரண்பாடுகள் தோன்றி அது இப்பொழுது விவகாரமாக வளர்ந்து செல்கிறது.

இதேமாதிரி முன்னர் ஐ.நா.வின் இன்னொரு பிரதிநிதியான அலன் றொக்குக்கும் சிறிலங்கா அரசுக்குமிடையில் வாதப்பிரதிவாதங்களும் கடுமையான கருத்து மோதல்களும் நிகழ்ந்தன. அலன் றொக் தன்னுடைய நிலைப்பாட்டில் சற்றும் தளர்வின்றி நின்றபடியால் அவரால் முடிந்தளவுக்கு உண்மைகள் வெளிக் கொண்டு வரப்பட்டன. அலன் றொக்கின் அறிக்கை சிறிலங்காவின் மனித உரிமைகள் விவகாரத்தை சர்வதேச அளவிற் கொண்டு போனது. அவர் அதற்கேற்ற வகையில் புத்திபூர்வமாகவும் துணிச்சலாகவும் தகவல்களைத் திரட்டியிருந்தார்.

அவர் திரட்டிய தகவல்களே அவருக்கான பலமாக இருந்தது. அத்துடன் அவர் முற்று முழுதாக மக்களின் பாதுகாப்பு மற்றும் அவர்களின் உரிமைகள் தொடர்பாக கூடுதல் கரிசனையோடிருந்தார்.

இவையெல்லாம் அலன் றொக்கை பலப்படுத்தியதுடன் அவரை சர்வதேச மடடத்தில் ஒரு வலுவுடைய மனிதராகவும் மனித உரிமை ஆர்வலராகவும் துணிச்சலான ஐ. நா வின் பிரதிநிதியாகவும் அடையாளம் காட்டியது.

அலன் றொக்கின் அறிக்கையும் அறிவிப்பும் சிறிலங்காவுக்கு கணிசமான நெருக்ககடிகளை இப்போதும் கொடுத்துக் கொண்டேயிருக்கின்றன.

அலன் றொக்குக்கு அடுத்ததாக கடந்தவாரம் ஐ.நா. வின் மனிதாபிமான நடவடிக்கைகள் மற்றும் மனித உரிமைகள் விவகாரங்களுக்கான செயலர் ஜோன் ஹோம்ஸ் இலங்கைக்ககு பயணம் மேற்கொண்டிருந்தார். அவர் தன்னுடைய பயணத்தில் யாழ்ப்பாணம் மற்றும் மட்;டக்களப்பு ஆகிய இடங்களுக்கும் சென்றிருந்தார்.

அவர் யாழ்ப்பாணத்துக்குச் சென்று திரும்பிய ஒரு வாரத்துக்குள் மட்டும் பத்துக்கும் மேற்பட்டோர் அங்கே கொல்லப்பட்டுள்ளனர். பத்துப்பேர் வரையில் காணாமற் போயிருக்கின்றனர். உயிரச்சம் காரணமாக மனித உரிமைகள் ஆணையகத்தில் சரணடைவோரின் எண்ணிக்கையும் இப்போது மீண்டும் அதிகரித்துள்ளது.

ஜோன் ஹோம்ஸ் அங்கே நிற்கும்போதே கொலைச்சம்பவம் நடந்திருக்கிறது. இதெல்லாம் மனித உரிமைகளைப்பற்றி எவர் என்ன சொன்னாலும் அதைப்பற்றியெல்லாம் தாம் ஒரு போதும் அக்கறைப்படப் போவதில்லை என்பதையும் அதெல்லாம் தமக்கு ஒரு பொருட்டல்ல என்றும் அரசாங்கத்தரப்பு சொல்லும் செய்திகள். அது, தான் யாருக்கும் பயப்படப் போவதில்லை என்பதைச் சொல்லாமற் சொல்கிறது.

ஜோன் ஹோம்ஸ் தன்னுடைய இலங்கைப் பயணத்தின்போது திரட்டிய விசயங்களை அரசாங்கத்துக்கு தெரியப்படுத்தியிருந்தபோதும