வர்த்தகத்துறைக்கு தெற்காசியாவில் மிகவும் மோசமான இடம் இலங்கை! சர்வதேச ஆய்வின் முடிவில் தெரிவிப்பு

வர்த்தகத்துறைக்கு தெற்காசியாவில் மிகவும் மோசமான இடம் இலங்கை! சர்வதேச ஆய்வின் முடிவில் தெரிவிப்பு

உயர்ந்த வரி விதிப்பு, அதிகார வர்க் கத்தின் சிவப்பு நாடா கெடுபிடி ஆகி யவை காரணமாக தெற்காசியாவில் வர்த்தகத்துறையில் இலங்கை மிக மோசமான இடம் என்ற அந்தஸ்தைப் பெற்றிருக்கின்றது.

சர்வதேச நிதிக் கூட்டமைப்பு (ஐ.எவ்.ஸி.) என்ற மையம் நடத்திய ஆய்விலிருந்து இவ்விவரம் தெரியவந்தி ருப்பதாக அறிவிக்கப்பட்டுள்ளது.

உலகம் முழுவதிலும் உள்ள 178 நாடுகளில் வரி விதிப்பு, வியாபாரத்தைத் தொடங்குவதில் உள்ள சிக்கல்கள் செலவுகள், தொழிலாளர் சட்டங்கள், சட்ட நடவடிக்கைப் பிரச்சினைகள் ஆகியவற்றை ஆராய்ந்தபின்னர் இலங்கைக்கு 101 ஆவது இடத்தை அது வழங்கியிருக்கின்றது.

இரண்டு ஆண்டுகளுக்கு முன்னர் 89 ஆவது இடத்திலிருந்த இலங்கை இப்போது இன்னும் கீழிறங்கி 101 ஆவது நிலைக்குத் தள்ளப்பட்டிருக்கின்றது.

மொத்தத் தர நிலையில் இந்தப் பிராந்தியத்தில் உள்ள ஏனைய சில நாடுகள் இலங்கையை விட முன்னிலை வகிக்கின்றன.

மாலைதீவு 60ஆவது இடத்திலும், பாகிஸ்தான் 76 ஆவது இடத்திலும் உள்ளன.

ஆனாலும் இப்பிராந்தியத்தைச் சேர்ந்த பங்களாதேஷ் 107 ஆவது இடத்திலும்,நேபாளம் 111ஆவது இடத்திலும், பூட்டான் 119 ஆவது இடத்திலும், இந்தியா 120 ஆவது இடத்திலும், ஆப்கானிஸ்தான் 159 ஆவது இடத்திலும் இருக்கையில் அவற்றுக்கு முன்பாக இலங்கை நிற்பது குறிப்பிடத்தக்க விடயமாகும்.

""இலங்கையில் வர்த்தகம், வியாபாரம் போன்றவற்றை ஆரம்பிப்பதில் அனுமதிப்பத்திரம் பெறல், வரிவிதிப்பு நடைமுறைகள் என்பன பெரும் இடைஞ்சலாக உள்ளன.'' என்று இத் துறை சார்ந்த விற்பன்னர் ஒருவர் தெரி வித்திருக்கின்றார். (சி)

http://www.uthayan.com/