அரசில் தஞ்சம் கோரிய 11 ஈழத் தமிழர்களை உக்ரேன், இலங்கைக்குத் திருப்பியனுப்பியது

உக்ரைன் நாடடில் தஞ்சம் கோரிய 11 இலங்கைத் தமிழர்கள் அந்நாட்டு அரசினால் இந்த வாரம் பலவந்தமாக இலங்கைக்கு நாடு கடத்தப்பட்டுள்ளனர் என சர்வதேச மன்னிப்புச் சபை தெரிவித்தள்ளது.

இந்த நடவடிக்கை சர்வதேச மனித உரிமைகள் மற்றும் அகதிகள் சட்டத்தை மீறும் செயல் என்றும் அது குற்றம் சாட்டியுள்ளது.

சர்வதேச மன்னிப்புச் சபை இது தொடர்பான தனது அறிக்கையில் மேலும் தெரிவித்துள்வை வருமாறு :

உக்ரைன் அரசு அரசியல் தஞ்சம் கோரிய 11 தமிழர்களைப் பலவந்ததமாக இந்த வாரம் இலஙகைக்குத் திருப்பியனுப்பியுள்ளது. அவர்கள் இலங்கைக்குத் திருப்பியனுப்பட்டமையால் சித்திரவதை உட்பட மோசமான மனித உரிமை மீறல்களுக்குள்லாகலாம் என் அச்சம் வெளியிடபட்டுள்ளது.

குறிப்பிட்ட தமிழர்கள் தமது அரசியல் தஞ்சக் கோரிக்கையை முன்வைப்பதற்கு உக்ரைனில் நீதியான, நேர்மையான வாய்புகள் வழங்கப்படவில்லை.

இலங்கைத் தமிழர்கள் 11 பேரும் உக்கரைனிலுள்ள ஐக்கிய நாடுகளின் அகதிகளுக்கான தூதரகத்தில் தங்களைப் பதிவு செய்திருந்தனர். இதில் ஆறு பேர் தமக்கு அகதி அந்தஸ்து அளிக்குமாறு உக்ரைன் அதிகாரிகளிடம விண்ணப்பித்திருந்தனர்.

எனினும், ஜனவரி மாத இறுதியில் அவர்கள் உக்ரைன் பாதுகாப்பு அதிகாரிகளினால் கைது செய்பட்டனர்.

அவர்களுக்கு சட்ட ஆலோசனைக்கும் மொழிபெயர்ப்பிற்கும் உரிய சந்தாப்பம் வழங்கப்படவில்லை என அகதிகளுக்கான ஐ.நா. தூதரகம் தெரிவித்துள்ளது.

பெப்ரவரி 6ம் திகதி அவர்களது விண்ணப்பங்கள் நிராகரிக்கப்பட்டன. மேல் முறையீட்டிற்கான அனுமதியும் வழங்கபடவில்லை.

பெப்.27 ஆம் திகதி உக்ரைனைச் சேர்ந்த மனித உரிமை அமைப்பிற்கு இவர்கள் பொலிஸ் நிலையமொன்றிலும், ஹோட்டல் ஒன்றிலும் தடுத்து வைக்கபட்டுள்ளனர் என்ற தகவல் கிடைத்தது.

தொலைபேசியில் தகவல் தெரிவித்த அவர்களுள் ஒருவர் தங்களுக்கு உணவு வழங்கப்படவில்லை என்றும் கூறினார்.

தமிழர்கள் என்பதால் இலங்கைக்குத் திரும்புவது குறித்துத் தாங்கள் அச்சம் கொண்டுள்ளனர் எனவும் அவர் தெரிவித்தார்.

அரசியல் தஞ்சம் கோரியவர்களை விடுவிக்குமாறும் அவர்கனளது விண்ணப்பங்கைளத் தனித்தனியாக ஆராயுமாறும் அகதிகளுக்கான ஐ.நா. தூதரகம் விடுத்த வேண்டுகோள்கள் உக்ரைன் அதிகாரிகளினால் புறக்கணிக்கப்பட்டுள்ளன. என்று தெரிவிக்கப்பட்டது.

நன்றி சுடர் ஒளி