இணைப்பு பற்றிய சர்வஜன வாக்கேடுப்பே கிழக்கு தேர்தல் - பஸில்

கிழக்கு மக்கள் தாங்கள் வடக்கு கிழக்கு இணைப்பை விரும்புகிறார்களா என்பதை வெளிப்படுத்தும் சர்வஜன வாக்கேடுப்பாகவே எதிர்வரும் மாகாணசபைத் தேர்தல் அமையுமென மஹிந்தவின் சிரேஷ்ட ஆலோசகரும், அவரின் சகோதரரும், நாடாளுமன்று உறுப்பினருமனா பஸில் தெரிவித்துள்ளார்.

தேர்தல்களில் மக்கள் இதனை முடிவுசெய்ய வேண்டுமெனவும்; அவர் குறிப்பிட்டள்ளர்.

அமைச்சர் ஜெயராஜ் படுகொலை குறித்த விசாரணைகளில் முன்ளேற்றம் ஏதும் ஏற்பட்டுளதாகத் தாம் அறிந்திருக்கவில்லையெனவும் தெரிவித்துள்ள பஸில் அரசின் பிரதம கொறடா பதவிக்கு தாம் தெரிவு செய்யபட்வில்லையென்றும குறிப்பிடடுள்ளார்.

இணையதளமொன்றிற்கு அளித்துள்ள பேட்டியிலேயே பஸில் இதனைத் தெரிவித்துள்ளார்.

மஹிந்தவும் அரச நாடாளுமன்றக் குழுவுமே கொறடா பதவி குறித்தத் தீர்மானிக்க வேண்டும் அமைச்சர் ஜெயராஜ் மறைவிலிருந்து நாம் இன்னும் விடுபடாததால், எவரும் இப்பதவி குறித்து இதுவரை சிந்திக்கவேயில்லை.

கிழக்கு தேர்தல் சர்வஜன வாக்கெடுப்பு போன்றது எனக் குறிப்பிட்டள்ள பஸில், கிழக்கு மாகாண மக்கள் தமது பகுதி விடுதலைப் புலிகளிடமிருந்து விடுவிக்கபட்டமையை ஏற்றுக்கொள்கிறார்களா அல்லது விடுதலைப்புலிகளிடம் அது கையளிக்கபட வேண்டும் என விரும்புகிறார்களா என்பதையும் மக்கள் கிழக்கில் ஏனைய மாகாண சபைகளை போன்ற ஒன்றே காணப்பட வேண்டும் என விரும்புகிறார்களா என்பதையும் இத் தேர்தல் வெளிப்படுத்தும் என குறிப்பிட்டுள்ளார்.

ஐ.தே.கட்சியும் முஸ்லிம் காங்சும் இணைந்த வடக்கு கிழக்கையே தாம் விருமபுகின்றனர் எனத் தெரிவிக்கின்றனர். கிழக்கு மாகாண மக்களுக்குத் தற்போது தனியான மாகாண சபையுள்ளது. அவர்கள் வடக்குடன் இணைய விரும்புகிறார்களா அல்லது தனியாக இயங்க விரும்புகிறார்களா என்பதைத் தீர்மானிக்க வேண்டுமென்றும் அவர் தெரிவித்துள்ளார்.

ஜே.வி.வியின் பிளவு மற்றும் அதற்கு அரசே காரணம் எனக் குற்றம் சாட்டப்படுவது ஆகியன குறித்து பதிலளித்த பஸில் இது தனது கட்சியின் விவகாரம் இல்லையென்பதால் இது பற்றி அதிகம் கதைக்கத் தாம் விரும்பவில்லையெனவும், எனினும் ஜே.வி.பி ஐக்கியமாக இருப்பதையே தாம் விரும்புகின்றார் எனவும் தெரிவித்துள்ளார்.

ஜே.வி.பியினர் நாட்டில் முக்கியமான சக்கதியென்பதால் அவர்கள் ஐக்கியப்பட்டு மீண்டும் முன்னரைப் போல விளங்க வேண்டுமென தெரிவித்துள்ளார்.

நன்றி சுடர் ஒளி