இந்துவாக மாறிய தலித் கிறிஸ்தவர்கள்

தமிழகத்தின் திருநெல்வேலியில் நூற்றுக் கணக்கான தலித் கிறிஸ்தவர்கள் இந்து மதத்தை தழுவியுள்ளனர்.

திருநெல்வேலி நகரில் நேற்று திங்கட் கிழமையன்று நடைபெற்ற ஒரு நிகழ்சியில் தலித் கிறிஸ்தவ குடும்பங்களைச் சேர்ந்த சுமார் 300 பேர் மதம் மாறியதாக காவல் துறை கூறுகிறது.

ஆனால் 800 பேர் மதம் மாறியதாக இந்த நிகழ்ச்சியின் அமைப்பாளர்கள் கூறுகின்றனர்.

கிறிஸ்தவ மதத்துக்கு மாறியதால், தலித்துக்களுக்கான சலுகைகளைப் பெறமுடியாமல் போனதும், தேவாலயத்தில் நிலவும் சாதிப்பாகுபாடுமே தாம் மதம் மாறக் காரணம் என்று மதம் மாறிய சிலர் தெரிவித்துள்ளனர். ஆனால் தேவாலயத்தினர் அங்கு சாதிப்பாகுபாடு காணப்படுவதாகக் கூறப்படுவதை மறுக்கிறார்கள்.

இவை குறித்த மேலதிக தகவல்களை நேயர்கள் இன்றைய நிகழ்ச்சியில் கேட்கலாம்.

http://www.bbc.co.uk/tamil/news/story/2004...ntaffairs.shtml

நானும் இந்தச்செய்தியை பார்த்தேன் நேற்று இணைய செய்தித் தளமொன்றில்...

மதம் மாறவில்லை. மாற்றப்பட்டார்கள்... !

மதம் ஒன்றில இருக்கிறதும், இல்லாதுவிடுவதும் அவரவர் விருப்பம்..

ஆனால்...

கடவுள் இதுபற்றி என்ன நினைக்கிறார் என்று கடவுளின் தனிப்பட்ட அபிப்பிராயத்தை அறிய ஆவலுடன் இருக்கின்றேன்..

எவ்வாறு பணத்திற்காக கிறிஸ்தவத்துக்கு மாற்றப்பட்டார்களோ, அதே காரணத்திற்காக இந்துவாக மாறியிருந்தார்கள் என்றால் அது மிகவும் கண்டிக்கத்தக்கது. பக்தி என்பது விபச்சாரமல்ல.

ஆயினும் வந்த செய்திகளின் படி எவ்வித பணத்தையும் வழங்காமல் தானாகவே மாறியுள்ளதாகவே சொல்லப்படுகின்றது.

இதுக்கை கடவுளும் இல்லை கத்தரிக்காயும் இல்லை...

சைவனாக இருந்து தாள்த்தப்பட்ட காரணத்துக்காக சலுகைகளை எதிர்பார்த்து மதம் மாறினார்கள்... அந்த சனத்தை குறையே சொல்ல முடியாது... பிழைக்க வளி இல்லை அதுக்கான வளி வகையை ஒரு மதம் செய்து கொடுத்தால் ஏற்றுக்கொண்டு மதம் மாறுவது பிழையும் இல்லை...

முதலிலை வயித்து பாட்டுக்கு ஒரு வளி... பிறகு போடுறதுக்கு உடுப்பு, தங்க இடம்... இந்தளவும் எல்லாருக்கும் கிடைத்து இருந்தால் சாதியும் இல்லை சச்சரவும் இல்லை... !

இந்துக்களுக்கை சாதி இருந்தது, அதிலை இருந்துதான் கிறீஸ்தவத்துக்கும், இஸ்லாத்துக்கும் சாதி பரவியது எண்டு கதை சொல்லுவினம்... அப்பிடி எண்டாலும் இந்துத்துவத்தை ஒளிச்சால் சாதி போகுமாம்... அப்ப கிறீஸ்தவத்துக்கை இப்ப இருக்கிற சாதியும் குறையுமோ தெரியேல்லையே...???

சாதியம் இந்துத்துவத்துக்கை இல்லை அது இந்திய உபகண்ட மக்களுக்கை இருக்கு... மதத்துக்கு முன் தோண்றிய அரசியல் மூலம் வந்ததுதான் ஏற்றமும் தாள்வும்...