இலங்கை அரசின் உத்தரவை நிராகரித்து விட்டுத் தொடர்ந்தும் வன்னியில் செயலாற் றும் ஐ.நா. அமைப்புகள் மற்றும் அரச சார்பற்ற நிறுவனங்களுக்கு எதிராகக் கடும் நட வடிக்கை எடுக்கப்படும். அந்நிறுவனங்கள் இம்மாதம் 29ஆம் திகதிக்குள் அங்கிருந்து வெளியேறாவிட்டால் அவற்றின் பாதுகாப்புக்கு உத்தரவாதம் கிடையாது.

அரசின் இந்த நிலைப்பாட்டை மனித உரிமைகள் அமைச்சர் மஹிந்த சமரசிங்க ஊடகங்களுக்குத் தெரிவித்துள்ளார். அவர் தொடர்ந்து கூறியவை வருமாறு:

வன்னியில் இருந்து வெளியேறுமாறு நாம் விடுத்த உத்தரவை ஏற்று பல அரசசார்பற்ற நிறுவனங்கள் அங்கிருந்து வெளியேறி அரசகட்டுப்பாட்டுப் பகுதியான வவுனியாவுக்கு வந்துள்ளன. சில நிறுவனங்கள் இன்னும் அங்கு தங்கியுள்ளன. வெளிநாடுகளில்இருந்து வந்து வன்னியில் செயற்படும் அரச சார்பற்ற நிறுவனங்கள் அரசுடனேயே கொள்கை ரீதியான இணக்கப்பாட்டின் கீழ் செயற்படுகின்றன.

அந்த இணக்கப்பாட்டை நல்லெண்ணத்தை மீறி அந்நிறுவனங்களால் செயற்பட முடியாது. அது அவர்களுடன் நாம் வைத்திருக்கும் நல்லபிப்பிராயத்தில் சிக்கலை ஏற்படுத்தும்.

வன்னிக்குச் சென்ற அரச சார்பற்ற நிறுவனங்கள் தாம் கொண்டு சென்ற உடைமைகள் தொடர்பான விவரங்களை ஏற்க னவே எமக்குத் தந்திருந்தன. அந்நிறுவனங்கள் திரும்பிவரும்போது அந்த உடைமைகள் சோதிக்கப்படும். அவற்றுள் குறைபாடுகள் எவையும் இருந்தால் அவை தொடர்பாக அந்நிறுவனங்கள் அர சுக்கு விளக்கமளிக்க வேண்டும். இருப்பினும், அனைத்து உள்ளூர் மற்றும் சர்வதேச அரச சார்பற்ற நிறுவனங்களும் இம் மாதம் 29 ஆம் திகதிக்கு முன்னர் வன்னியில் இருந்து வவுனியாவுக்குத் திரும்பிவிட வேண்டும்.

அரசின் இந்த உத்தரவை மீறிச் செயற்படும் நிறுவனங்களுக்குஎதிராகக் கடும் நடவடிக்கை எடுக்கப்படும். அந்நிறுவனங்களின் பாதுகாப்பிற்கான பொறுப்பையும் நாம் ஏற்கமாட்டோம் என்றார்.

uthayan.com

நேரடியாக ஒரு வரியில் சொன்னால் அவர்களுக்கு புரியும்தானே " வாங்கோ வராட்டி செல்லடிப்போம், விமாணம்மூலம் குண்டு போடுவோம்" என்று.

நேரடியாக ஒரு வரியில் சொன்னால் அவர்களுக்கு புரியும்தானே " வாங்கோ வராட்டி செல்லடிப்போம், விமாணம்மூலம் குண்டு போடுவோம்" என்று.